Siirte iwe tuguk che biitu

Siirte iwe menu alak

Siirte iwe tuguk che mi orit

Baorinikab Jehovah

Kalenjin

Kanetutikab Bibilia che bo Iman

NG’ALEK CHE KIGITES

Tos Nyolu Keyai Igorwek?

Tos Nyolu Keyai Igorwek?

MA BUNU Bibilia igorwek che naatin che bo dinisiek ak che ma tiinyegei ak dinisiek che kiyae eng’ komoswek che chang’ che bo ng’ony rani. Ara anyun, tos kibunu ano igorwechu? Ngot imuchi iwe ole kigonore bukuisiek, igeere kit ne mwae bukuisiechuto agobo igorwek che naatin eng’ ole imenye. Keer kaborunoik tutigin.

Ista. Mwae bukuit ne keguure The Encyclopædia Britannica kole: “Ma mi ole iboru kole, kigiyae igortab Ista eng’ Arorutiet ne Leel.” Tos kitaundogei ano Ista? Kitaunegei bik che kieesioi Kamuktaindet. Nga mwae bik kole igorito ko kabwatet ne bo ng’eetietab Jesu, ko bitonwek che tiinyegei ak kasarito bo Ista ko ma namegei ak Kristianik.

Igorwekab Kenyit ne Leel. Tarigit ak bitonwek che tiinyegei ak igorwekab Kenyit ne Leel ko teerchin eng’ emet age tugul. Kosubgei ak ole kitaunegei igorito, ko mwae bukuit ne keguure The World Book Encyclopedia kole: “Kilewen chito ne keguure Julius Caesar tarigit 1 Arawet ne Tai [January] koek betutab Kenyit ne Leel eng’ kenyitab 46 Kotomo Koit Betusiekab Jesu. Kiitabaanji Romanik betunito cheptalelit ne bo kurgotik ak taunet, ne kigiguure Janus. Arawet ne Tai, January, ko bunu kainet Janus, ne kitinye togochik aeng’, ne keere age tai kogeere age let.” Ko u noto, igorwekab Kenyit ne Leel, ko kitaunegei bitonwekab bik che kieesioi Kamuktaindet.

Igorwek Alak. Ma imugaksei keng’alale igorwek tugul che kiyae eng’ ng’ony komugul. Nga u noto, ko ma iyanotin eng’ Jehovah igorwek tugul che konyiti bik anan kogonyiti kibagengeisiekab bik. (Jeremia 17:5-7; Boisionik 10:25, 26) Nai kora ile, ole kitaunegei igorwekab dinisiek koboru nito ngot ko iboiboi Kamuktaindet anan ko ma iboboi. (Isaia 52:11; Ng’ang’utiet 18:4) Ng’atutikab Bibilia che king’alale eng’ Somanetab 16 eng’ bukuini, ko toretin inai ole keertoi Kamuktaindet keyai igorwek che ma tiinyegei ak dinit.

← Keer somanet ne ng’alale ng’alechu