Siirte iwe tuguk che biitu

Siirte iwe menu alak

Siirte iwe tuguk che mi orit

Baorinikab Jehovah

Kalenjin

Kanetutikab Bibilia che bo Iman

NG’ALEK CHE KIGITES

Ole Kisib Komaotendo Daniel Agobo Itunetab Mesia

Ole Kisib Komaotendo Daniel Agobo Itunetab Mesia

KIMI maotiot ne kiguure Daniel kenyisiek che sirei 500 kotom kesich Jesu. Agot nga u noto, ko king’anji Jehovah Daniel tuguk tugul che kiyai kenai kasarta ne kiilei eng’ tamirmiriet anan kelewen Jesu koek Mesia anan Kristo. Kigimwachi Daniel kelenji: “Nai anyun ak iguiye ile koboch ngab komong’ ng’atutiet kele kituur ak keteech Jerusalem, keteekyi inendet ne iilat [“agoi koit inendet ne iilat,” NW], bounindet, koegu wigisiek tisab: ak keteech kogeny eng’ wigisiek tamanwogik lo ak aeng’.”—Daniel 9:25

Si kobiit kenai itunetab Mesia, ko magat kenai korok ole ki taune kaitosiek che iitech itunetab Mesia. Kosubgei ak maoinatet, ko kitau kaitosiek kong’eete kogamong’ “ng’atutiet kele kituur ak keteech Jerusalem.” ‘Kimong’u ng’atutioni’ au? Kosubgei ak sirindetab Bibilia Neemia, ko kimong’ ng’atutiet kele keteech Jerusalem “eng’ kenyitab tiptem ne bo laitoriat Artaserses.” (Neemia 2:1, 5-8) Mwawech kipsomaninik komie kole, kiinaam Artaserses kolaitoran kenyitab 475 Kotomo Koit Betusiekab Jesu. Ko u noto, ko kenyitab 20 ne bo laitornatetab Artaserses, ko ki kenyitab 455 Kotomo Koit Betusiekab Jesu. Ara anyun, kagenyoru ole ki taunegei kaitosiekab maoinatetab Daniel agobo Mesia, noto ko, kenyitab 455 Kotomo Koit Betusiekab Jesu.

Kimwa Daniel kasarta ne ki nyolu kosiirto si koit “Mesia Kandoindet.” Kimwa maoinatet kole siirtoi, “wigisiek tisab, ak wigisiek tamanwagik lo ak aeng’”, tugul ko wigisiek 69. Tos ki goi kasarito ne tia? Mwae Bibilia alak agobo wigisiechu kole ma wigisiekab betusiek tisab chuto, ne kata u noto, ko wigisiekab kenyisiek. Ko u noto, wigit age tugul ko kenyisiek tisab. Kiingen Yahudikab keny agobo koitetab wigisiekab kenyisiek. Ko u, kicham koribei kenyitab Sabato eng’ kenyit age tugul ne bo tisab. (Komong’u 23:10, 11) Ara nyun, wigisiek 69 che bo maoinatet koboru kole eng’ wigit age tugul ko tinyei kenyisiek 7. Ago ngenyil 69 ak 7 kenyoru kenyisiek 483.

Kit ne nyolu keyai nguno, ko kiit. Ngot kiit kenyisiek 483 kong’eete kenyitab 455 Kotomo Koit Betusiekab Jesu, koiteech kenyitab 29 Kogagoit Betusiekab Jesu. Nito ko kenyit ne kigibatisan Jesu ak koek Mesia!* (Luka 3:1, 2, 21, 22) Tos ma kasuldaet ne bo kwong’ut ne bo maoinatetab Bibilia nito?


*  Kong’eete kenyitab 455 Kotomo Koit Betusiekab Jesu agoi kenyitab 1 Kotomo Koit Betusiekab Jesu ko kenyisiek 454. Kong’eete kenyitab 1 Kotom Koit Betusiekab Jesu agoi kenyitab 1 Kogagoit Betusiekab Jesu ko kenyit agenge, nito ko amu ki ma komi kenyit ne buch (0). Ko kong’ete kenyitab 1 Ko Kagonyo Jesu agoi kenyitab 29 Kogagoit Betusiekab Jesu ko kenyisiek 28. Ngetes chuto tugul, 454+1+28, kenyoru kenyisiek 483. ‘Kigiisto’ Jesu eng’ meet kenyitab 33 Ko Kagoit Betusiekab Jesu, eng’ wigitab 70 ne bo kenyisiek. (Daniel 9:24, 26) Keer bukuit ne kiguure Pay Attention to Daniel’s Prophecy! eng’ somanetab 11, ak ne kiguure Insight on the Scriptures ne tai eng’ pechitab 899-901 che kisirei Baorinikab Jehovah.

“WIGISIEK TISAB”
Kenyisiek 490
Wigisiek 7
(Kenyisiek 49)
Wigisiek 62
(Kenyisiek 434)

←K.K.B.J. | K.B.J.→

Wigit 1
(Kenyisiek 7)
455

“Komong’ ng’atutiet kele keteech…Jerusalem”

N’getunoikab Jerusalem
406

Kigiteech Jerusalem kogeny

Kigiteech Jerusalem kogeny
29

Koit mesia

Kibatisani Jesu
33

“Keisto” mesia

Komeei Jesu
36

Kagesunetab “wigisiek tisab”

Chitab luget ne bo Roma

← Keer somanet ne ng’alale ng’alechu