Siirte iwe tuguk che biitu

Siirte iwe menu alak

Siirte iwe tuguk che mi orit

Baorinikab Jehovah

Kalenjin

Kanetutikab Bibilia che bo Iman

NG’ALEK CHE KIGITES

Mikael Malaikaiyat ne O ko Ng’o?

Mikael Malaikaiyat ne O ko Ng’o?

MA KIMWAE mising’ agobo chitab tamirmiriet ne kiguure Mikael eng’ Bibilia. Nga u noto, ngo ng’alale Bibilia, koboru koyaei kiy inendet. Eng’ bukuitab Daniel, ko yaei luget Mikael ak malaikaisiek che yaach; eng’ baruetab Juda, ko boldos ak Setani; ak eng’ Ng’ang’utiet, ko bortos Mikael ak Oindet koboto oikab Oindonoto. Ye baorianjin Mikael laitornatetab Jehovah ak kogirindoi bunikab Kamuktaindet, ko yaei kosubgei ak kit ne iboru kainennyi kole, “Ng’o ne u Kamuktaindet?” Ara anyun, Mikael ko ng’o?

Eng’ kasarwek alak, ko tinyei bik kainaik che siirei agenge. Ko u, boiyot ne bo keny Jakobo, keguure Israel ak keguure Petero kora Simon agenge eng’ che kiyoktoi che bo Jesu. (Taunet 49:1, 2; Matayo 10:2) Ko u noto, koboru Bibilia kole Mikael ko kainet age ne bo Jesu Kristo, komi kipsengwet kingotom konyo ng’ony ak kingo kagoweek. Ngegeer amu nee si koguure Bibilia Jesu Mikael.

Malaikaiyat ne O. Kuure Bibilia Mikael “malaikaiyat ne o.” (Juda 9) Keer komie ile, kiguure Mikael malaikaiyat ne o. Iboru nito kele mi malaikaiyat agenge kityo ne u nito. Eng’ iman, ng’olyot “malaikaiyat ne o” kenyoru eng’ Bibilia ko chito agenge ma kinyoru ko bik che chang’ ole kigoi. Ne siirei tugul, ko tiinyegei boisietab malaikaiyat ne o ak Jesu. Mwae 1 Tesalonikek 4:16 kosubgei ak Jesu Kristo Kiptaiyat ne kiging’eet kole: “Chorugei Kiptaiyat inendet eng’ kipsengwet, koboto twegunet ne o, ak kutitab malaikaiyat ne o.” Ko u noto, kiboru twegunetab Jesu ko ne bo malaikayat ne o. Ara anyun, iboru sirutioni kole Jesu inendet ko Mikael, malaikaiyat ne o.

Kandoindetab Luget. Mwaei Bibilia kole, “Kiwa Mikael koboto malaikaisiekyik kobargei ak maswetit…ak malaikaisiekyik.” (Ng’ang’utiet 12:7) Ara anyun, Mikael ko Kandoindetab luget ne bo malaikaesiek che iyanotin. Mwaei Ng’ang’utiet agobo Jesu kora kole, inendet ko Kandoindetab luget ne bo malaikaisiek che iyanotin. (Ng’ang’utiet 19:14-16) Mwaei komie Paulo agobo “Kiptaiyat Jesu” ak ‘malaikaisiek che kimen.’ (2 Tesalonikek 1:7) Ko u noto, ko ng’alale Bibilia Mikael ak “malaikaisiekyik” ak Jesu ak “malaikaisiekyik.” (Matayo 13:41; Matayo 16:27; 24:31; 1 Petero 3:22) Amu ma mi ye mwaei eng’ Ng’olyotab Kamuktaindet kole mi malaikaisiekab luget che iyanotin konyil aeng’ eng’ kipsengwet, ne noto ko luget ne indochin Mikael ak age ne indochin Jesu, ko bo iman kiyan kele, Mikael ko ma age ne ma Jesu Kristo eng’ boisiennyi ne bo kipsengwet.*


*  Logoiywek che chang’ che iboru kole Mikael ko kainet ne bo Weritab Kamuktaindet, kenyorjin Insight on the Scriptures, Bukuit ne bo Aeng’ eng’ pechisiekab 393-394 ne kisirei Baorinikab Jehovah.

← Keer somanet ne ng’alale ng’alechu