Siirte iwe tuguk che biitu

Siirte iwe menu alak

Siirte iwe tuguk che mi orit

Baorinikab Jehovah

Kalenjin

Kanetutikab Bibilia che bo Iman

NG’ALEK CHE KIGITES

Ma Boisiee Kristianik che bo Iman Kimurtoiyot yo Ootei Kamuktaindet

Ma Boisiee Kristianik che bo Iman Kimurtoiyot yo Ootei Kamuktaindet

CHAMEI bik che chang’ ak kotegisi kimurtoiyot. Eng’ bukuit ne kiguure The Encyclopædia Britannica, ko kuure kimurtoiyot “kaborunet ne o ne bo dinitab Kristianik.” Nga u noto, ko ma boisie Kristianik che bo iman eng’ ootet. Amu nee?

Kit agenge ne bo kamanut, ko ma me Jesu Kristo eng’ kimurtoiyot. Kit ne kuure bik “kimurtoiyot” keguure stau·ros′ eng’ kutitab Yunanik. Stau·ros′ nito ko “ketit ne litit.” Mwaei bukuit ne keguure The Companion Bible kole: “[Stau·ros′] ko bagoinik aeng’ che kagimur…Eng’ kutitab Yunanik ne kigisire [Arorutiet ne Leel], ko mami ng’oliot agot agenge ne mwae agobo bagoinik aeng’.”

Boisiee siriik che chang’ che bo Bibilia ng’oliot ne teer ngo ng’alale kit ne kigiboisiee eng’ meetab Jesu. Ng’oliondonoto ko xy′lon eng’ kutitab Yunanik. (Boisionik 5:30; 10:39; 13:29; Galatiek 3:13; 1 Petero 2:24) Ng’oliondonito ko “bagoiyot” anan ko “ketit.”

Eng’ bukuit ne ng’alale kimurtoiyot ak kagartatet ne ki sirei kipsomaniat ne kiguure Hermann Fulda, ko aroru agobo amu nee si kigiboisiee ketit kigartate kiptengeginik. Mwae bukuinoto kole: “Kima ko chang’ ketik eng’ komoswek che kiga kilewen kigartate bik. Ko u noto ko kigilumdoi ketit agenge kityo. Yeityo kenamji barak eunekab kiptengeginik ak kebirji kipchumarik. Kigituitos kelyek ak kebirji kipchumarik kora.”

Kit ne yaech kiyan komie kele ma nyolu keboisiee kimurtoiyot eng’ ootet, ko kit ne mwawech Bibilia. Mwaei Paulo kole: “Kiitiachech Kristo eng’ chubisietab Ng’atutiet ye kiek inendet chubet agobo achek: amu kigisir kele, Chubot chi age tugul ne kisonginini eng’ ketit.” (Galatiek 3:13) Ng’alale Paulo ng’alek che mitei bukuitab Ne Kibwate Ng’atutik 21:22, 23 che mwaei komie agobo ketit ma kimurtoiyot. Amu kagartatanito ko kiyae chito koek ne “chubot”, ko ma nyolu konde Kristianik korikwak pichainik che iboru kagartatetab Jesu.

Eng’ kenyisiek 300 kong’eete ngome Kristo, ko ma mi kit ne iboru kele kiboisiee bik che kiguuregei Kristianik kimurtoiyot eng’ ootennywa. Nga u noto, ko eng’ kenyisiekab 300, ko kimi Kandoindet ne kigikuure Constantine ne kieesio imanda. Kiwalak kandoindonito ak kochut dinitab Kristianik che ki eesioi imanda, yeitio konaam koleta kanetisietab kimurtoiyot koek kaborunennywa. Agot nga ma kingen amu nee si koleta Constantine kanetisietab kimurtoiyot, ko ki ma kotiinyegei eng’ or age tugul ak Jesu Kristo. Eng’ iman, kimurtoiyot ko ki bunu bik che kieesioi imanda. Mwaei bukuit ne keguure New Catholic Encyclopedia kole: “Kinyorchin kimurtoiyot bitonwekab bik che ki mi keny kotomo kinaam dinitab Kristianik ak eng’ bitonwekab bik che ma Kristianik.” Kigo kergeite bik alak kimurtoiyot ootetab tuguk che kiyai Kamuktaindet ak bitonwekab ibetabgei che bo bik che kieesioi imanda.

Ara anyun, amu nee si kigileeta kanetutionito bo kimurtoiyot? Imuchi ko amu kigimachei keyai bichoto koyan dinitab “Kristianik”. Eesioi Bibilia chi age tugul ne igochingei kiy age tugul ne kitou bik che kieesioi imanda. (2 Korintoek 6: 14-18) Eesioi kora Sirutik ootetab kanamonik alak tugul. (Komong’u 20:4, 5; 1 Korintoek 10:14) Ko u noto, ko tinyei Kristianik che bo iman amu nee ne kararan si ma boisiee kimurtoiyot ye ootei Kamuktaindet.*


*  Si inyoru ng’alek alak che chang’ agobo kimurtoiyot, igeer pechisiekab 89-93 eng’ bukuit ne kiguure Reasoning From the Scriptures, ne ki sirei Baorinikab Jehovah.

← Keer somanet ne ng’alale ng’alechu