Jehovap Nalunaajaasuisa nutserinermik suliaqar­tar­ner­tik ilisimaneqaatigaat. Novembari 2014-ip tungaanut Biibili oqaatsinut 125-nut Biibililersaarutil­lu oqaatsinut 742-nut nutsersimavavut. Aam­ma filmit oqaaser­taat nutser­tar­pavut. Januaari 2015-imi filmi Naalagaaffilersaarfimmi susoqartarpa? oqaatsinut 398-inut nutser­neqareersimavoq, aam­ma filmi Sooq Biibilimik atuaqqissaartariaqarpit? oqaatsinut 569-inut nutser­neqareersimavoq. Sooq aam­ma qanoq tamak­ku suliarineqarsimap­pat?

Marsimi 2014-imi Jehovap Nalunaajaasuisa Siulersuisoqatigiivisa im­mik­koor­tor­taqarfiit nunani tamaneersut peq­quaat Biibilimik atuaq­qis­saar­tar­neq siuarsar­niarlugu filminik sapin­ngisamik oqaatsinut amerlaner­paanut nutserisaler­nis­saan­nut piareersaq­qul­lugit.

Filmimik nutserinermi iliuuserisas­sat arlaliup­put. Siul­ler­tut, filmimi oqaaserineqar­tut nutserisunit nutser­neqar­tar­put, aap­pas­saat­tut, ilitsoq­qus­saralugu oqaasil­lit filmimut oqaaser­taliisus­sat toq­qar­neqar­tar­put. Taava nipilerisut oqaaserineqar­tut nutsik­kat im­miut­tar­paat, kil­lor­tar­paat filmimul­lu al­lagar­talersuisarlutik. Naggataatigut nipit, al­lagar­tat as­siliar­tal­lu kat­tutitit­tar­paat filmin­ngor­til­lugu nit­tar­tak­kamul­lu aariaan­nan­ngorlugu.

Im­mik­koor­tor­taqarfiit ilaat im­mius­sisarfeqar­put, tamak­kunin­ngalu ilin­niarsimasut sulisuusar­put. Avin­ngarusimasumimi najugal­lit oqaasii nutser­neqarsimasut?

Nipilerisar­tut angal­lat­tak­kamik im­mius­sivilerlutik silarsuaq tamak­kerlugu im­mius­siar­tor­tar­put. Nipilerisut mikrofoni computerilu angal­lat­tagaq nipimik im­mius­sis­sutitalik atorlugit al­laf­fin­ni, naalagaaf­filersaarfin­ni angerlarsimaf­fin­niluun­niit im­mius­sisarfilioral­larsin­naap­put. Ilitsoq­qus­saralugu oqaasil­lit atuf­fas­sisuusin­naap­put, aqutsisuusin­naap­put kuk­kunersiuisutul­luun­niit tusar­naar­tuusin­naal­lutik. Im­mius­sineq piareer­pat akuerineqar­pal­lu nipilerisup ator­tuni poor­tor­tar­pai tul­lianul­lu ingerlaq­qit­tarluni.

Taamaalior­nik­kut filmit oqaatsinut sior­natigumut naleq­qiul­lugu pingasoriaam­mik amerlanerusunut nutser­neqarsimap­put.

Filmimik isigin­naar­tut nuan­naarutigin­nin­nerat nalis­saqan­ngilaq. Amerlasuut siul­ler­paamik oqaatsitik atorlugit filmimik isigin­naagaqar­put.

Oqaatsit taak­ku ilagaat pitjantjatjara, Australiami inun­nit 2.500-t mis­saan­niit­tunit oqaaserineqar­tut. Alice Springsimi Nor­ther­n Territorymiit­tumi oqaatsit taak­ku atorlugit im­mius­sisoqarsimavoq. “Inuit filmi nuan­nareqaat,” Cal­lan Thomas, im­mius­sinermi suleqataasoq oqar­poq. “Inuit us­sagarlutik isigin­naar­put apeq­qutigisarlugulu filminik taama it­tunik al­lanik sumi pis­sarsisin­naanerlutik. Biibililersaarutit oqaatsinut taak­kunun­nga nutsik­kat qaqutigoor­put. Inuit filmi tusaagaangamik­ku – ingam­mik takugaangamik­ku – nuan­naar­taqaat.

Jehovap Nalunaajaasui marluk Camerounip kuus­suatigut umiariamik ingerlaar­til­lutik nunaqarfim­mi nunap inoq­qaavi unil­latsiarfigaat høvdingilu, atuarfim­mi ilin­niar­titsisuujutigisoq, oqaloqatigalugu. Qatan­ngutit paasigamik­ku høvdingi bas­satut oqaaseqar­tuusoq oqaasii atorlugit filmi Sooq Biibilimik atuaqqissaartariaqarpit? isigin­naar­tip­paat. Høvdingi tupigusoqaaq atuagas­sianil­lu Biibililersaarutinik perusul­luni.

Indonesiami nunaqarfiit ilaan­ni up­perisarsior­tut siut­tuata, Jehovap Nalunaajaasuinik nuan­narisaqan­ngitsup, atuagas­siat agguaan­neqarsimasut tamaasa ikual­lat­tar­pai, aam­ma al­lat naalagaaf­filersaarfik ikual­lan­niarlugu sioorasaarisimap­put. Tamatuma kingunerisaanik politiit Jehovap Nalunaajaasuisa ilaata angerlarsimaf­fianukar­put taan­na ilaqutaalu apersoriar­torlugit. Paaserusup­paat naalagaaf­filersaarfim­mi susoqar­tar­nersoq. Taava filmi Naalagaaffilersaarfimmi susoqartarpa? Indonesiamiutut isigin­naar­tip­paat.

Filmi isigin­naareerlugu politiit ilaat ima oqar­poq: “Paasiler­para inuit paatsoorsimagaasi ilis­silu pil­lusi ilisimasaqar­pian­ngitsut.” Politeeq al­la aperivoq: “Filmi pisin­naavara, al­lanut takutin­nias­sagak­ku. Filmi Ilis­si pil­lusi eq­qor­tumik paasis­sutis­siivoq.” Maan­na politiit Jehovap Nalunaajaasuinut ajun­ngitsumik isigin­nit­taaseqaler­put il­lersor­niar­talerlugil­lu.

Filmit taak­ku suli takusiman­ngik­kuk­kit il­lit nam­mineq oqaatsin­ni takusin­naavatit!