Imarisai

Saqqaata tullia

Jehovap Nalunaajaasui

Kalaallisut

Warwickimi assinik katersukkat 6 (Marsimiit aggustimut 2016)

Warwickimi assinik katersukkat 6 (Marsimiit aggustimut 2016)

Assini ukunani Jehovap Nalunaajaasuisa qullersaqarfiannik nutaamik sanaartornerup siumukarnera kajumissutsimillu sanaartoqataasut 2016-imi marsimiit aggustimut suliaat takusinnaavatit.

Warwickimi sanaartorluni naammassisat qulaanit assilineqarnerat. Qulaanit saamerlermit kaajallallugu:

  1. Biilileriffik

  2. Takornariat biilinik inissiisarfiat

  3. Sullivik/Ineqartut biilinik inissiisarfiat

  4. Ineqarfik B

  5. Ineqarfik D

  6. Ineqarfik C

  7. Ineqarfik A

  8. Allaffeqarfik/Sullissivik

Marsip 16-iat, 2016 – Warwickimi sanaartorfik

Naatsiivilerisut orpinnik eginik ahorninillu ikkussugassanik usingiaasut. Orpiit nutaat 1.400-nit amerlanerusut Warwickip eqqaani ikkussorneqarput.

Marsip 23-at, 2016 – Biilileriffik

Warwickimi sulisut Naalakkap unnukkorsiortitsinerani najuuttut. Pisumi tamatumani, Jehovap Nalunaajaasuisa nunarsuaq tamakkerlugu ukiut tamaasa nalliussisartagaannut, inuit katillugit 384-it peqataapput.

Apriilip 15-iat, 2016 – Warwickimi sanaartorfik

Sanasut isaaffiup igalaassaanik ikkussuisut. Isaaffimmi paarsisut takornarianik tikilluaqqusisassapput, isumannaallisaanermik suliaqassapput kiisalu biilerlutik isertunik anisunillu nakkutiginnittassallutik.

Apriilip 19-iat, 2016 – Allaffeqarfik/Sullissivik

Erneriit natersualersuisartut inini alliup tulliini torsuusami natersuarnik mikisunik ikkussuisut. Natersuit mikisut aserorsimasut angisuunit taarseruminarnerugamik kikkunnit tamanit isersimaffigineqarsinnaasuni atorneqarnerusarput.

Apriilip 27-at, 2016 – Allaffeqarfik/Sullissivik

Sanasut allaffinni iikkanik nuunneqarsinnaasunik ikkussuisut. Taamaalilluni allaffeqarfiit init pisariaqartinneqartut naapertorlugit allanngortinneqarsinnaapput.

Maajip 10, 2016 – Allaffeqarfik/Sullissivik

Sanaartoqataasup perusuersartarfik, saaffiginnittarfiup eqqaaniittoq, anartarfilersornissaanut iikkersornissaanullu piareersaraa.

Maajip 26-at, 2016 – Warwickimi sanaartorfik

Qatserisartut sungiusarlutik qatserisut. Taamatut pisoqarnissaanut sungiusarnermikkut Warwickimi sulisut illersorsinnaavaat inissiallu ikuallatsaaliorsinnaallugit, taamaaliornermikkullu illoqarfimmi qatserisartut ikiorsinnaavaat.

Maajip 30-at, 2016 – Allaffeqarfik/Sullissivik

Ullaakkut Biibilimik eqqartuinerup siulliup internetikkut takutinneqarnissaa sioqqutilaarlugu saqisup Warwickimi sanaartoqataasut nerisarfimmi sumi issiassanerannik ikiorai.

Maajip 31-at, 2016 – Sullivik/Ineqartut biilinik inissiisarfiat

Sanasup allagartat 2.500-nit amerlanerusut ineqartunut takornariartunullu iluaqutaasussat ilaat laseri atorlugu ikkukkaa.

Juunip 1, 2016 – Allaffeqarfik/Sullissivik

Saviminernik nipititerisup saaffiginnittarfimmiit inersuarmut majuartarfiit sinaakkutaat ikkussorai. Assip ataani tippit ikuallassinnaanngitsut natermut iikkamullu illersuutaapput.

Juunip 9, 2016 – Allaffeqarfik/Sullissivik

Saqqummersitsivimmi “Uppernermik suliakkut ersersitsineq”-mi, saqqummersitsisarfiit pingasuusut takornariartitsisoqarnani alakkarneqarsinnaasut ilaanni, iikkap akunneri qalipaasup matoorai. Saqqummersinneqartut naapertorlugit init kusassarneqartarput.

Juunip 16-iat, 2016 – Biilileriffik

Nateq betonngi supoorussuit atorlugit salinneqartoq. Tamatuma kingorna aserfallatsaaliuinermut iluaqutaasumik sorujunnullu assakaasunullu illersuutaasumik taninneqassaaq.

Juunip 29-at, 2016 – Allaffeqarfik/Sullissivik

Sanasut saaffiginnittarfiup isaariaata qulaani glasfiberinik qalialersuisut. Sisamanik teqeqqullit akimut ersittut isertarfimmik pingaarnermik qaamatitsisarput.

Juunip 29-at, 2016 – Allaffeqarfik/Sullissivik

Aappariit saqqummersitsivimmut “Biibili Guutillu aqqa”-mut isaariami granitflisenik ikkussuisut.

Juulip 6, 2016 – Allaffeqarfik/Sullissivik

Sanasup inersuarmi issiaviit 1.018-it ilaat katiteraa. Tassani Betelimi anersaakkut ilaqutariit Napasuliaq Alapernaarsuiffik-mik atuaqqissaaqatigiittassallutillu oqalugiaatit assigiinngitsut tusarnaartassavaat.

Juulip 9, 2016 – Allaffeqarfik/Sullissivik

Sanasut saaffiginnittarfimmi tikilluaqqusinermik allagartaq qullitalik ikkukkaat.

Juulip 13-iat, 2016 – Allaffeqarfik/Sullissivik

Qatanngutit arnat marluk saaffiginnittarfimmi sulisut imigassaannik kuisisut. Pingaartumik kiatseruttoraangat sulisut imerluartarnissaminnik eqqaasinneqartarput.

Juulip 19-iat, 2016 – Allaffeqarfik/Sullissivik

Sanasup saqqummersitsivimmi “Biibili Guutillu aqqa”-mi Biibilinut qaqutigoortunut saqqummersitsiviit ikkussorai. Aamma Biibilit assigiinngitsut Biibilimullu attuumassuteqartut assiinngitsut paarlakaajaattumik saqqummersinneqartassapput.

Juulip 22-at, 2016 – Allaffeqarfik/Sullissivik

Sanasup seqersartoq iluaqutigalugu saaffiginnittarfimmi nunarsuup assinganik ilusilersuinermini Australiap Asiallu kujataata kangisissuani qeqertat assingi ikkussorai. Taaguut Jehovap Nalunaajaasui oqaatsit 700-t missaanniittut atorlugit iikkamut allanneqarpoq.

Juulip 23-at, 2016 – Allaffeqarfik/Sullissivik

Betelimi anersaakkut ilaqutariit ataatsimiittut. Ataatsimiinnermi Betelimi Warwickimiittumi kiffartulerumaartussat tikilluaqquneqarput isumannaallisaanerlu pillugu ilisimatinneqarlutik.

Aggustip 17-iat, 2016 – JW Broadcasting-imik immiussisarfik

Qullilerfissuaq JW Broadcasting-imik immiussisarfimmi nerriviup qulaaniittussaq nivinngarneqarpoq. Immiussisarfimmi atortut amerlanerpaat Brooklynimi immiussisarfiusimasumit nuunneqarput.

Aggustip 24-at, 2016 – Warwickimi sanaartorfik

Innaallagisserisup isertarfimmi allagartaq nutaaq LED-nik qullilik ikkussoraa. Septembarip aallaqqaataanni qullersaqarfimmi allaffeqarfiit amerlasuut Warwickimut nooreersimapput.