Jehovap Nalunaajaasui, il­lumiit il­lumut oqaluus­sisar­ner­tik pil­lugu ilisimaneqar­tut, maan­na aq­qusinermi atuagaasiviit angal­lat­tak­kat kusanar­tut eq­qaan­ni nikorfasut takus­saasaler­put.

Qanit­tuk­kut oqaluus­seriaaseq taman­na ator­neqar­neruler­poq. 2011-mi novembarimi New Yorkimi Nalunaajaasut atuagaasiviit angal­lat­tak­kat nerriviil­lu atorlugit inuit tusarlius­samik Biibilimiit­tumik tusarler­taler­paat. Oqaluus­seriaaseq taman­na angusaqarfiul­luangaarmat sivitsun­ngitsoq il­loqarfin­ni al­lar­pas­suar­ni taamatut oqaluus­sisoqar­taler­poq.

2015-imi marsi nal­lermagu atuagaasiviit angal­lat­tak­kat 165.390-it nunarsuaq tamak­kerlugu Jehovap Nalunaajaasuisa ilagiivinut nas­sius­suun­neqareersimap­put. Aam­ma nerriviit atuagaasiviil­lu al­lat tuusintilik­kuutaat ator­neqar­tar­put.

Nalunaajaasut il­lumiit il­lumut oqaluus­sineq sal­lusuis­sut Biibilimeersoq ilisimaneqalersin­niarlugu oqaluus­seriaasiisa suli pingaar­ner­paar­taraat. Atuagaasiviil­li angal­lat­tak­kat atorlugit oqaluus­sineq as­sut angusaqarfiul­luarsimavoq. Paaseriar­tigu qanoq.

Perumi angutip Raulimik atil­lip Nalunaajaasut atuagaasiviup angal­lat­tak­kap eq­qaani nikorfasut or­nip­pai aperalugil­lu: “Sumiik­kas­si? Nalunaajaasut ukiuni pingasuni ujar­pak­ka! Atuagaasivis­si angal­lat­tagaq takugak­ku Guuti qutsavigaara.”

Taas­suma il­loqarfigisaa Jehovap Nalunaajaasuinit oqaluus­sif­figineqakulasaraluar­toq Raul ul­luk­kut sapaatil­lu-akun­nerisa naaneran­ni angerlarsimaneq ajor­poq. Oqalut­tuar­poq siusin­nerusuk­kut Nalunaajaasunit Biibilimik atuaq­qis­saaqatigineqar­tarsimal­luni atuaq­qis­saar­taleq­qik­kusul­lunilu. Atuaq­qis­saaqatigineqar­taleq­qip­porlu.

Bulgariami aap­pariit inuusut­tut atuagaq Ilaqutariit­tut pil­luar­neq iser­tugaateqar­poq atuagaasivim­mit angal­lat­tak­kamit tiguaat. Sapaatip-akun­nera ataaseq qaangium­mat uteq­qip­put atuak­kal­lu marluk, Biibilimik oqalut­tuaatik­ka aam­ma Ajoqersuisorsuaq ilin­niarfigiuk, tigul­lugit. Nalunaajaasumit atuagaasiviup angal­lat­tak­kap eq­qaaniit­tumit qas­sinik meeraqar­nerlutik aperineqaramik akip­put: “Suli meeraqan­ngilagut, meerar­taarut­tali taak­ku Guuti pil­lugu ilin­niar­tik­kusup­pavut. Atuak­kat taama it­tor­piaat pisariaqar­tip­pavut.”

Ukrainemi angutip sak­kutuut atisaan­nik atisal­lip Nalunaajaasut ar­nat atuagaasiviup angal­lat­tak­kap eq­qaaniit­tut or­nip­pai aperalugil­lu: “Qaqugu Harmagedoni tikiutis­sava?” Angut Ukrainemi akersuun­nermi sorsoqataaq­qam­mer­poq. Nunarsuarmi pisar­tut pis­sutigalugit Harmagedonip tikiutingajaler­nera qulariun­naarsimavaa eq­qarsaatigisimal­lugulu sooq Guuti suli akulius­siman­ngitsoq. Oqaluus­sisar­tut Biibili tun­ngavigalugu nas­suiaap­paat Guuti inuiaat atugaan­nut tun­ngatil­lugu suli akuliutin­ngin­nerminut pis­sutis­saqarluar­toq qanit­tuk­kul­lu ajor­tunik tamanik suujun­naarsitsiumaar­toq. Angut atuagas­sianik Napasuliaq Alaper­naarsuif­fik-mik Vågn op!-imil­lu aam­ma atuak­kamik Findes der en Skaber som interes­serer sig for os?-imik qulequtalim­mik tigusivoq.

Makedoniami angutip inuusut­tup Nalunaajaasut atuagaasiviup angal­lat­tak­kap eq­qan­nguaniit­tut oqarfigai atuagas­siaataat atuar­tarlugit maan­nalu atuagaq Biibilimi sor­piaat ajoqersuutigineqar­pat? perusul­lugu. Ingerlaan­naq atuak­kanik ator­niar­tarfim­mut atuariar­tor­niar­nerar­paa.

Angut taan­na nalunaaqut­tap-akun­neri marluk tamatuma kingor­na Biibililersaarutip tamatuma qup­per­neri 79-it siul­liit atuareerlugit uter­poq oqarlunilu: “Atuagaq una inooriaatsinik al­lan­nguisarsimas­saaq! Maan­na paasivara ajoqersuutit up­perisaraluama ilar­pas­sui eq­qun­ngitsuusut. Atuak­kami nas­suiaatigineqar­tut tamarmik paasiuminaqaat. Inuunermik isigin­nit­taasera al­lan­ngorluin­nar­poq!”