Imarisai

Saqqaata tullia

Jehovap Nalunaajaasui

Kalaallisut

Jehovap Nalunaa­jaasuisa sulinerat qanoq aningaasaler­sorneqarpa?

Jehovap Nalunaa­jaasuisa sulinerat qanoq aningaasaler­sorneqarpa?

Oqaluus­siner­put pingaar­ner­tut Jehovap Nalunaajaasuisa kajumis­sutsimik aningaasanik tunis­sutaan­nit aningaasalersor­neqar­poq. Ataatsimiin­nitsin­ni aningaasanik katersuiniar­titsisoqar­neq ajorlunilu ilaasor­tat pis­sarsiamik qulinginik tunis­suteqar­nis­saat piumasarineqar­neq ajor­poq. (Mat­thæusi 10:7, 8) Paarlat­tuanik piumasut aningaasanik tunis­suteqarsin­naanias­sam­mata aningaasanik nak­kaatitsiviit ataatsimiit­tarfitsin­ni inis­sin­neqar­tar­put. Tunisisut aq­qi ilisimaneqar­neq ajor­put.

Akis­sarsialin­nik palaseqan­ngin­ner­put aningaasar­tuutit­ta aquk­kuminar­neran­nut pis­sutaaqataavoq. Taamatut­taaq Nalunaajaasut il­lumiit il­lumut oqaluus­siner­tik pil­lugu akis­sarsisin­neqar­neq ajor­put sumiif­fiil­lu pal­lorfigin­nit­tarfivut kusas­sagarujus­suuneq ajorlutik.

Aningaasat kajumis­sutsimik tunis­sutit Jehovap Nalunaajaasuisa im­mik­koor­tor­taqarfiinut tun­niun­neqar­tut pin­ngor­titami ajunaar­nersuarmit eq­qugaasunut, ajoqersuiar­tor­titanik al­latigul­lu pif­fis­saq tamaat kif­far­tor­tunik tapersiinermut, nunani siuarsar­niak­kani il­lunik pal­lorfigin­nit­tarfit­tut atugas­sanik sanaar­tor­nermut, Biibililersaarutinik kristumiul­lu atuagas­siaataan­nik al­lanik naqiterinermut nas­sius­suinermul­lu ator­neqar­tar­put.

Il­loqarfigisami aningaasar­tuutinut, silarsuaq tamak­kerlugu suliamut taak­kunun­ngaluun­niit tamanut aningaasanik tunis­suteqas­sanerlutik inuit ataasiak­kaat nam­min­neq aalajanger­tar­paat. Ilagiin­nut ilaasor­taasut atuarsin­naasaan­nik ilagiit tamarmik naatsorsuutinik nalunaarusior­tar­put.