Imarisai

Saqqaata tullia

Jehovap Nalunaajaasui

Kalaallisut

Sooq Jehovap Nalunaa­jaasui sorsoqa­taaneq ajorpat?

Sooq Jehovap Nalunaa­jaasui sorsoqa­taaneq ajorpat?

Jehovap Nalunaajaasui mak­ku pis­sutigalugit sorsoqataaneq ajor­put:

  1. Guutimut naalanneq. Biibilimi al­las­simavoq Guutip kif­faasa ‘panatik saf­fius­sagaat as­sal­latserum­mut savis­saliaralugit sorsun­nis­samul­lu sungiusarun­naas­sasut’. – Esaja 2:4.

  2. Jiisusimut naalanneq. Apustili Petrusi Jiisusimit ima peq­quneqar­poq: “Panat puuanut manguguk. Panalersor­tum­mi tamarmik pan­namik toqun­neqas­sap­put.” (Mat­thæusi 26:52) Jiisusip taamaalil­luni erseq­qis­sar­paa malin­nitsini sorsun­nermi atugas­sanik sak­koqar­navian­ngitsut.

    Jiisusip ajoqersugai politik­kimut akuun­ngil­luin­nar­nermik­kut taas­suma silarsuarmut ilaaq­qusin­ngin­neranut naalap­put. (Johan­nesi 17:16) Sak­kutooqar­nik­kut iliuuserineqar­tunut akerlius­sutsimik takutitsineq ajor­put sak­kutuun­ngor­niarlutil­lu aalajanger­tunut akuliun­neq ajorlutik.

  3. Tullermik asanninneq. Jiisusip ajoqersuk­kani peq­quai ‘asaqatigeeq­qul­lugit’. (Johan­nesi 13:34, 35) Taamaalil­lutik tas­saalis­sap­put nunarsuaq tamak­kerlugu qatan­ngutigiis­suit qatan­ngutimin­nut sorsun­neq ajor­tut. – 1 Johannesi 3:10-12.

  4. Kristumiut siulliit maligassiaat. Qinerlerfis­siami Encyclopedia of Religion and War-imi ima al­las­simasoqar­poq: “Jiisusimik malin­nit­tut siul­liit sorsoqataajumaneq ajorlutil­lu sak­kutuujujumaneq ajor­put” taama ilior­neq “Jiisusip asan­nin­nermik najoq­qutas­siaanut akeq­qanil­lu asan­neq­qusil­luni peq­qus­sutaanut akerlium­mat”. Tamatumun­nga as­singusumik teologi tyskeq Peter Meinhold al­lap­poq kristumiut siul­liit isumaqar­tut kristumiuujutigaluni sak­kutuujusoqar­sin­naan­ngitsoq.

Inuiaqatigiinnut iluaqutaaneq

Jehovap Nalunaajaasui inuiaqatigiin­ni iluaqutaal­luar­tar­put nunagisamil­lu isuman­naas­susianut akor­nutaanatik. Naalak­kersuisut oqar­tus­saas­susian­nik ataq­qin­nip­pugut, taman­nalu peq­qus­sutinut Biibilimiit­tunut ukunun­nga naaper­tuup­poq:

  • ‘Naalak­kersuisunut qul­lersarisas­sin­nut naalatsigitigitsi.’ – Romamiut 13:1.

  • “Kaasari tunisiuk kaasarip piinik Guutilu Guutip piinik.” – Matthæusi 22:21.

Taamaat­tumik inatsisit malil­lugil­lu akileraar­tarlutalu naalak­kersuisut inuiaqatigiit iluaqutis­saan­nik iliuuseqar­niar­neran­nut tun­ngatil­lugu suleqataasar­pugut.