Imarisai

Saqqaata tullia

Jehovap Nalunaajaasui

Kalaallisut

Sooq Jehovap Nalunaa­jaasuisa san­ningasulik pal­lorfigin­nin­nerminni atorneq ajorpaat?

Sooq Jehovap Nalunaa­jaasuisa san­ningasulik pal­lorfigin­nin­nerminni atorneq ajorpaat?

Inup­pas­suit san­ningasulik kristumiuus­susermut takus­sutis­saanerar­tar­paat. Jehovap Nalunaajaasuisa kristumiuugaluarlutik pal­lorfigin­nin­nermin­ni san­ningasulik ator­neq ajor­paat. Sooq?

Jiisusip san­ningasulim­mi toqunani qisum­mi nap­pak­kami toqunerata Biibilimi ersersin­neqar­nera tamatumun­nga pis­sutaasut ilaagaat. Biibilimi grækerisut oqaaseq nalingin­naasumik “san­ningasulim­mik” nutser­neqar­tar­toq nutsiin­navil­lugu “qisum­mik nap­pak­kamik” isumaqar­poq. (Apustilit Suliaat 10:39) Tamatumalu saniatigut Biibilimi ersaris­sumik kristumiut ‘guutipilus­sior­nermik qimarratigin­nin­nis­samik’ kajumis­saar­neqar­put, taman­nalu pis­sutigalugu san­ningasulik pal­lorfigin­nin­nitsin­ni ator­neq ajor­par­put. – 1 Korinthimiut 10:14; 1 Johannesi 5:21.

Jiisusip ima oqar­nera maluginiar­nar­poq: “Asaqatigiik­kus­si tamatumuuna tamarmik paasis­savaat ajoqersugarigis­si.” (Johan­nesi 13:34, 35) Jiisusip taamaalil­luni ersersip­paa ajoqersugaasa ilumoor­tut san­ningasulik imaluun­niit as­siliaq ilisar­naatiginagu im­minut pil­liutigeriaan­naal­luni asan­nin­neq ilisar­naatigis­sagaat.