Jehovap Nalunaajaasuinut ilan­nguk­kusuk­kaan­ni iliuuserineqar­tus­sat Jiisusip iivangkiiliumi Mat­thæusip al­lagaani 28:19, 20-mi al­laatigai. Jiisusimut ajoqersugan­ngorusuk­kaan­ni al­las­simasut taak­ku naalat­tariaqar­put, iliuuserineqar­tus­sal­lu ilagaat Jehova pil­lugu nalunaajaaneq.

Iliuusissaq 1: Biibilimi ajoqer­suuti­gineqartut ilinniakkit. Jiisusip ajoqersuk­kani ilitsersor­pai ‘ajoqersuil­lutil­lu ajoqersugan­ngor­titsis­sasut’. (Mat­thæusi 28:19, 20) ‘Ajoqersugaq’ isumaqar­poq ilin­niar­toq. Biibilimi, ingam­mik Jiisusip Kristusip ajoqersuutaani, erser­poq pil­luarluni inuunermil­lu siuner­talim­mik qanoq inuuler­toqarsin­naasoq. (2 Timotheusi 3:16, 17) Akeqan­ngitsumik Biibilimik atuaq­qis­saaqateqar­neq neqeroorutigalugu Biibilimi ajoqersuutigineqar­tunik ilin­nik ilin­niar­titsisin­naaner­put nuan­naarutigaar­put. – Matthæusi 10:7, 8; 1 Thessalonikamiut 2:13.

Iliuusissaq 2: Ilikkakkannik timita­lii­sarit. Jiisusi aam­ma oqar­poq ilin­niar­tut ‘peq­qus­sutiminik tamanik maleruaas­sasut’. (Mat­thæusi 28:20) Taman­na isumaqar­poq Biibilimi oqariar­tuutinik ilisimasaqaliin­nar­nak ilik­kak­katit ul­luin­nar­ni isigin­nit­taatsin­nik pis­sutsin­nil­lu al­lan­nguinis­san­nut kajumilis­sutigis­sagitit. (Apustilit Suliaat 10:42; Efesosimiut 4:22-29; Hebræerit 10:24, 25) Jiisusip peq­qus­sutaanik maleruaasut Jehovamut Guutimut tun­niul­luin­nar­nermik­kut Jiisusimik malin­nik­kumal­lutik aalajanger­tar­put. – Matthæusi 16:24.

Iliuusissaq 3: Imer­mut morsutsi­taallutit kuisi­git. (Mat­thæusi 28:19) Kuisin­neq Biibilimi ilisaanermut as­sersuun­neqar­poq. (Romamiut 6:2-4 takuk­kit). Taman­na isumaqar­poq sior­natigutul­li inooriaaseqarun­naarluni nutaamik inuuneqaler­neq. Taamaat­tumik il­lit kuisin­nerit tamanut nalunaarutigin­nin­neruvoq iliuusis­sat siul­liit marluk Jiisusip eq­qaasai maleruaritit Guutimul­lu ilerasuuteqan­ngin­nis­samik qin­nuteqar­tutit. – Hebræerit 9:14; 1 Petrusi 3:21.

Qanoq ilillunga nalunngilara kui­sinnissamut pia­reer­simallunga?

Utoq­qaaner­tat ilagiin­niit­tut oqaloqatigik­kit. Taak­kua oqaloqatigis­savaatsit qulak­keer­niarlugu ilumut Biibilimi ajoqersuutigineqar­tut paasisimaneritit, ilik­kak­katil­lu inuunin­ni maleruaritit kiisalu il­lit nam­mineq piumas­sutsit tun­ngavigalugu Guutimut tun­niul­luin­narsimanersutit. – Apustilit Suliaat 20:28; 1 Petrusi 5:1-3.

Iliuusissat taakku aamma Jehovap Nalu­naa­jaa­suisa meeraannut iliuu­sereqqune­qarpat?

Aap, meeq­qavut Jehovap ileq­qoreq­qusai oqaaq­qis­saarutaalu malil­lugit perorsar­pavut, soorlu Biibilimi peq­qus­sutigineqar­toq. (Efesosimiut 6:4) Peroriar­tor­nermin­nili kuisis­sin­naan­ngorumal­lutik nam­min­neq aalajanger­tariaqar­paat Biibilimi ajoqersuutigineqar­tunik misis­sueq­qis­saar­nis­sar­tik, akuersinis­sar­tik malin­nin­nis­sar­til­lu. (Romamiut 12:2) Tas­sami inuup kial­luun­niit nam­mineq aalajanger­tus­saam­magu qanoq up­perisaqarusun­nerluni. – Romamiut 14:12; Galatiamiut 6:5.