Imarisai

Saqqaata tullia

Jehovap Nalunaajaasui

Kalaallisut

Sooq Jehovap Nalunaajaasui inuuissiorneq ajorpat?

Sooq Jehovap Nalunaajaasui inuuissiorneq ajorpat?

Inuuis­sior­neq ajor­pugut up­perigatsigu ileq­qoq taman­na Guutip iluarin­ngik­kaa. Inuuis­sior­neq Biibilimi toq­qaan­nar­tumik iner­teq­qutigineqan­ngilaq, Biibilili iluaqutigaar­put inuuis­sior­nerup tun­ngaviinik pingaar­ner­nik misis­suinis­samut Guutil­lu taak­kunun­nga isigin­nit­taasianik paasin­nin­nis­samut. Taak­kua ilaat sisamat najoq­qutas­sial­lu Biibilimiit­tut taak­kunun­nga tun­ngas­sutil­lit misis­soriar­tigit.

  1. Inuuissiorneq guutimik nalusut ileqquinit aallaaveqarpoq. Qinerlerfis­siaq Funk & Wagnalls Standard Dictionary of Folklore, Mythology, and Legend naaper­torlugu inuuim­mik nal­liut­torsiutigin­nin­nerit inuuim­mi “anersaapiluit ajor­tul­lu al­lat inuuis­sior­tumik saas­sus­sisin­naaneran­nik” “ikin­ngutinil­lu najor­neqar­nerup ajun­ngitsumil­lu kis­saan­neqar­nerup inuuis­sior­tumut il­lersuutaasar­neran­nik” up­perisamit aal­laaveqar­put. Atuak­kami The Lore of Birthdays-imi al­las­simavoq itsaq inuuiup nalunaarsor­neqar­nis­saa astrologiimik tun­ngavilim­mik “horoskopiliuun­neqar­nis­samut pingaaruteqarluin­nar­toq”. Nangil­luni al­laatigineqar­poq “up­perisapalaat naaper­torlugit naneruutit inuuis­sior­til­luni supineqar­tar­tut angak­kuar­nik­kut kis­saatigisanik piviusun­ngor­titsisin­naasut”.

    Biibilimili angak­kuar­niar­tar­neq, siulit­tuiniar­tar­neq, anersaarsior­neq “tamak­kualu taamaaqataat” as­suarineqar­put. (5 Mosesi 18:14; Galatiamiut 5:19-21) Guutip itsaq il­loqarfim­mik Babylonimik as­suarin­nin­nerminut pis­sutigisaasa ilagaat Babylonimi in­nut­taasut ul­loris­sat najoq­qutaralugit siulit­tuiniar­tar­nerat. (Esaja 47:11-15) Imaan­ngilaq Jehovap Nalunaajaasui ileq­qut aal­laaviinik pisariaqan­ngitsumik misis­suiniar­tar­tut; malit­tarisas­sianil­li paatsuugas­saan­ngitsunik Biibilimiit­tunik sianigin­nin­ngitsuusaarineq ajor­put.

  2. Kristumiut siulliit inuuissiorneq ajorput. Den Store Danske Encyklopædi-mi al­las­simavoq taak­kua nalaan­ni ‘ileq­qoq taan­na Guutimik nalusut ileq­quat­tut isigineqar­toq’. Biibili naaper­torlugu apustilit Jiisusimil­lu nam­minermit ajoqersor­neqar­tut al­lat kristumiut tamarmik maligas­sariligaan­nik inooriaaseqar­put. – 2 Thes­salonikamiut 3:6.

  3. Kristumiunut nalliuttor­siutigeqquneqartutuaq inuuissiornermut tunnganani ullormut toquffimmut – Jiisusip toquneranut – tunngassuteqarpoq. (Lukasi 22:17-20) Taman­na tupin­nan­ngilaq Biibilimi al­las­simam­mat ‘ul­loq toquf­fik pitsaanerusoq ul­lormit inun­ngorfim­mit’. (Oqaluus­sisar­tup oqaasii 7:1) Jiisusi nunarsuarmi toqus­si tikil­lugu Guutimut aalajaak­kami taas­suman­nga tusaamasaal­luar­poq taamaalil­lunilu ul­loq toquf­fia ul­lormit inun­ngorfianit pingaaruteqar­nerulerluni. – Hebræerit 1:4.

  4. Guutimut kiffartortut inuuissiortar­simanerannik Biibilimi allassimaso­qanngilaq. Imaan­ngilaq al­laatigineqan­ngit­soorsimasut, Guutimum­mi kif­far­tun­ngitsut marluk inuuis­sior­neri al­laatigineqar­put. Nal­liut­torsior­neril­lu taak­ku marluk nuan­niitsunik pisoqarfiup­put. – 1 Mosesi 40:20-22; Markusi 6:21-29.

Jehovap Nalunaajaasuisa meeraat inuuissiortannginner­minnik aliasuutiginnittarpat?

Angajoq­qaatut asan­nit­tutut al­latul­li Nalunaajaasut meeq­qatik ukioq naal­lugu asan­nit­tuliorfigisar­paat, ilaatigut tunis­suteqarfigalugit nuan­nersumil­lu katerisimaar­titsisarlutik. Taak­ku Guutip, meeq­qaminut ajun­ngitsunik tuniserusut­tuaan­nar­tup, maligas­siaa malin­niarlugu iliuuseqar­tar­put. (Mat­thæusi 7:11) Jehovap Nalunaajaasuisa meeraasa inuuis­sior­tan­ngin­ner­tik aliasuutigineq ajor­paat, soorlu meeq­qat ukua oqaasiinit erser­toq:

  • “Tunis­sutisinis­saq ilimaginagu tunis­sutisil­luni nuan­ner­nerusar­poq.” – Tammy, aq­qaneq-marlun­nik ukiulik.

  • “Inuuin­ni tunis­sutisineq ajor­punga, angajoq­qaan­nil­li ilaan­neeriarlunga tunis­sutiseriataar­tar­nera nuan­narisar­para tupaal­lat­tarama.” – Gregory, aq­qanilin­nik ukiulik.

  • “Kaagisulaar­neq erinarsorfigitilaar­nerlu fiister­nerusoraajuk? Qanoq fiister­toqar­tar­nersoq paaserusuk­kuk­ku uagutsin­nukas­sagaluar­putit!” – Eric, arfinilin­nik ukiulik.