Imarisai

Biibilimik atuaq­qis­saarneq suugami?

Biibilimik atuaq­qis­saarneq suugami?

Jehovap Nalunaajaasui Biibilimik atuaq­qis­saar­nermik neqerooruteqar­tar­put, tamatumanilu apeq­quter­pas­suit akis­sutis­sarsineqar­tar­put soorlu ukua:

  • Guuti kinaava?

  • Guutip ilumut soqutigaanga?

  • Aap­pariin­ner­put qanoq pitsan­ngorsarsin­naavara?

  • Qanoq pil­lualersin­naavunga?

Biibilimik atuaq­qis­saaqateqar­tar­nitsin­nut tun­ngatil­lugu apeq­qutigineqar­tar­tunut akis­sutit matuma ataani al­las­simap­put.

Atuaqqissaarneq qanoq ingerlanneqartarpa? Sam­misat soorlu “Guutimut” imaluun­niit “aap­pariin­nermut” tun­ngasut sam­misarlugil­lu sam­misat aalajangersimasut Biibilimi al­las­simasunut qanoq at­tuumas­suteqar­nersut misis­soq­qis­saar­tar­pavut. Taamatut naleq­qius­sisar­nik­kut sam­misaq aalajangersimasoq pil­lugu Biibilimi qanoq al­las­simasoqar­toq paasiniar­tar­par­put, taamaalior­nik­kul­lu Biibili nam­mineq nas­suiaatit­tarlugu.

Atuagaq Biibilimi sorpiaat ajoqersuutigineqarpat? Biibilimik atuaq­qis­saar­nermi iluaqutis­satut ator­tar­par­put. Atuak­kami tamatumani Guuti, Jiisusi siunis­saq sam­misal­lu al­lat pil­lugit Biibilimi qanor­piaq al­las­simasoqar­toq paasiuminar­tumik sam­mineqar­poq.

Biibilimik atuaqqissaarneq akeqarpa? Atuaq­qis­saar­neq akeqan­ngilaq, atuaq­qis­saar­nermilu atugas­sat akeqan­ngil­lat.

Atuaqqissaarnerit qanoq sivisutigisarpat? Inup­pas­suit sapaatip-akun­neranut nalunaaqut­tap-akun­nera ataaseq atorlugu uagutsin­nit Biibilimik atuaq­qis­saaqatigineqar­tar­put. Atuaq­qis­saar­neril­li sivisus­susaat nikerarsin­naap­put. Il­lit pilersaarutin­nut naleq­qus­sar­tar­pavut.

Biibilimik atuaqqissaartalerumallutit attavigigutsigut susoqassava? Biibilimik atuaq­qis­saar­talerumal­lutit at­tavigigutsigut qaqugu sumilu pulaar­neqarusun­nerit naaper­torlugu Jehovap Nalunaajaasuisa alak­kas­savaatit. Taas­suma qanoq atuaq­qis­saar­toqar­tar­toq minutsialuit atorlugit takutis­savaa. Nuan­nerunar­tik­kuk­ku atuaq­qis­saaqatigineqar­talis­saatit.

Biibilimik atuaqqissaartaleruma Jehovap Nalunaajaasuinut ilannguttariaqarpunga? Naamik. Jehovap Nalunaajaasuisa inun­nik al­lanik Biibili pil­lugu ilin­niar­titsineq nuan­naraat, taamaat­torli kinaluun­niit up­perisatsin­nut ilaasor­tan­ngoqul­lugu pin­ngitsaalineq ajor­par­put. Paarlat­tuanik Biibilimi al­las­simasut ataq­qin­nip­palut­tumik saq­qum­miut­tar­pavut, inuul­li sumik up­perisaqar­niar­nerluni aalajangersin­naatitaanera ataq­qisarlugu. – 1 Petrusi 3:15, 16.