Imarisai

Allaffiit takornariarnerlu pillugit paasissutissat

Allaffeqarfitsinnut naqiteriveqarfitsinnullu takornariarnissannut tikilluaqquatsigit. Sumi aamma qaqugukkut takornariartoqartarnersoq paasiniaruk.

Sydafrika

Takornariarnissamut inniminniineq

Takornariannginninni inniminneeqqaartariaqarpit? Aap. Inuit amerlavallaat ataatsikkut takornariannginnissaat pinaveersaarniarlugu kikkullu tamarmik takornariarnerminnik nuannaarutiginninnissaat qulakkeerniarlugu takornariat qanorluunniit ikitsigigaluarunik alakkaannginnerminni siumut inniminneeqqullugit qinnutigissavavut. Takornariarnissat sivikinnerpaamik sapaatip-akunnera sioqqullugu inniminniigit. Ulluni tamanut sulinngiffeqarfiusuni suli sioqqutsinerusumik inniminneeqqullutit kajumissaassavatsigit.

Inniminniisimanngikkaluarlutit suli takornariarsinnaavit? Takornariarnissat inniminnersimanngikkukku imaassinnaavoq takornariartissinnaanngikkitsigit. Init eqqarsaatigalugit ullut tamaasa aalajangersimasumik taamaallaat amerlassusillit takornariartinneqarsinnaasarput.

Takornariarniaruit qassinut apuutereersimassavit? Inoqarpallaalernissaa pinaveersaarniarlugu siusinnerpaamik takornariarnissat nalunaaquttap-akunnera ataaseq sioqqullugu takkuteqquatsigit.

Qanoq inniminniissavit? Attataasaq “Inniminniigit” toorlugu.

Inniminniinerit allanngortissinnaaviuk taamaatiinnarluguluunniit? Aap. Attataasaq “Inniminnikkatit takukkit allanngortillugilluunniit” toorlugu.

Taavami ullut takornariarfigerusutatit inniminnersinnaanngikkukkit? Nittartagaq alakkallattaaginnartassavat. Inniminniinerit allanngortinneqarpata taamaatiinnarneqarpataluunniit takornariartoqarsinnaalissaaq.

Takornariartitsinerit

1 Robert Broom Drive East

Rangeview

KRUGERSDORP

1739

SYDAFRIKA

Oqarasuaat: +27 11-761-1002

E-maili: InboxBTHLTours.ZA@jw.org

Betelimi takornariartunut inersuaq: Takornariarneq Betelimi filmimik aallarnerneqassaaq. Takornariartitsinermi filminik takutitsisoqartarpoq, tamatumanilu Betelimi susoqartarnersoq aamma Betelimi pallorfiginninnerput qanoq tapersersorneqartarnersoq takutinneqartarpoq. Immikkoortumi Jehova ikinngutigileruk-mi meeqqat Maliup Ivalullu assileqatigalugit immaqa nuannarissavaat.

Naqiterivimmi 2-mi takornariartunut inersuaq: Matumani filmit pingasut nunaqavissut oqaasiinut nutserisarnerup naqiterisarnerullu pingaaruteqassusiinik ersersitsisut takutinneqassapput. Naqiteriviit naqiterisut qulaaniit takuneqarsinnaapput. Biibili pillugu saqqummersitsineq soqutiginarnerpaavoq, tamatumani oqaluttuarisaanerup ingerlanerani Guutip atiata najugaqavissut oqaasiini atorneqartarnera takutinneqarmat.

Naqiterivimmi 3-mi takornariartunut inersuaq: Nasiffimmiit nassiussisarfik tamaat takuneqarsinnaavoq, Biibililersaarutillu poortorneqartut sumut nassiunneqarnissaannut tunngatillugu paasissutissat takuneqarsinnaallutik. Filmini pingasuni naalagaaffilersaarfinnik sanaartorneq, nassiussisarneq aamma tusarnaagassianik isiginnaagassianillu suliaqartarneq takutinneqassaaq.

Takornariat qasuersaartarfiat: Taquatit matumani naatsiiviliarsuarmut assingusumi nerikkit. Ulluni sulinngiffeqarfiusuni bussinut qamutinullu tamanut inissiisarfittut atorneqartarpoq.

Ingerlassineq: Takornariartunut inersuit akornanni busseqassaaq uteqattaartartunik.

Paasissutissat

Atuakkat, atuagassiat, quppersakkat naqitaaqqallu oqaatsit 150-nit amerlanerusut atorlugit naqitertarlugillu nunani 20-ni ilagiinnut tuusintilikkaanut nassiussuuttarpaat. Biibilit, Biibililersaarutit filmillu oqaatsinut 20-nit amerlanerusunut nutsertarpaat. Pilersaarusiornermut Sanaartornermullu Allaffeqarfik aqqutigalugu immikkoortortaqarfiup Afrikami nunani 42-ni naalagaaffilersaarfinnik sanaartorneq tapersersorpaat.

Takornariarnermut tunngasoq naqitaaraq aajuk