Imarisai

Saqqaata tullia

Jehovap Nalunaajaasui

Kalaallisut

INUUSUTTUT APERIPPUT

Sooq pornografiimik isiginnaassanngilanga?

Sooq pornografiimik isiginnaassanngilanga?

 Isiginnaarnaveersaarsinnaaviuk?

Inter­neter­taruit siusin­nerusuk­kut kingusin­nerusuk­kul­luun­niit por­nografiimut tun­ngasut takoriasaar­nis­saat ilimagisin­naavat. 17-inik ukiulik Hayley ima oqar­poq: “Mas­sak­kut ujar­neqar­tariaqan­ngil­lal­luun­nit. Namminneq nueriasaar­tar­put.”

Por­nografiimik isigin­naarusun­ngitsut al­laat us­ser­nar­torsiorsin­naap­put. Greg 18-inik ukiulik ima oqalut­tuar­poq: “Im­minut oqarfigivunga mianersor­tuas­sal­lunga, mianersorun­naar­pungali. Oqar­toqarsin­naan­ngilaq il­lit taamatut nalaataqar­navian­ngitsutit.”

Ul­lumik­kut por­nografiimik pis­sarsinis­saq aatsaat taama ajor­nan­ngitsigaaq. Aam­ma inuusut­tuarar­pas­suit mobilik­kut atoqatigiin­nermut tun­ngasunik al­laqatigiit­taramik as­sinil­lu nas­sius­sisaramik namminneq por­nografiilior­tar­put.

Inerniliineq: Angajoq­qaavit aatak­kuil­lu ilit­tut ukioqaral­laramik unam­miniagarisaan­nut sanil­liul­lugu il­lit unam­miniagas­satit an­ner­tunerup­put. Una apeq­qutaaler­poq: Por­nografiimik isigin­naar­naveersaarsin­naavit? – Tussiaat 97:10.

Aap, piumaguit. Siul­ler­tul­li por­nografiip ajor­tuunera qulariun­naar­tariaqar­pat. Por­nografii pil­lugu eq­qun­ngitsut aam­ma eq­qor­tut sam­milaariar­tigit.

 Eqqunngitsut aamma eqqortut

Eqqunngitsoq: Por­nografii ajoqutiginavian­ngilara.

Eqqortoq: Tupap il­lit puan­nut sun­niuteqar­tar­neratut por­nografii il­lit isum­man­nut sun­niuteqar­tar­poq. Ilin­nik mingutsitsisar­poq. Guutip inuit marluk qaqugorsuarmut at­taveqatigiil­luaq­qul­lugit pilersitaanut nikanarsaataavoq. (1 Mosesi 2:24) Al­laat suup eq­qor­tuuneranik eq­qun­ngitsuuneranil­lu naliliisin­naas­susermik in­narliisin­naavoq. As­sersuutigalugu ilisimatuut ilaat oqar­put angutit por­nografiimik akulikitsumik isigin­naar­tar­tut ar­nanut nakuuser­nermut tun­ngatil­lugu soqutigit­taatsun­ngor­nis­saat ilimanaateqar­nerusoq.

Biibilimi inuit ilaat ‘misigit­taas­sutsimin­ni inuunerlun­nermut tun­nius­simasut’ al­laatigineqar­put. (Efesosimiut 4:19) Nalun­ngeqatigin­nis­sutaat misik­karlus­sisimangaarmat ajor­tulior­ner­tik an­niaatigiun­naar­tar­paat.

Eqqunngitsoq: Por­nografii atoqatigiin­nermut tun­ngatil­lugu ilin­niutaasin­naavoq.

Eqqortoq: Por­nografii piumatus­susermut tun­ngatil­lugu ilin­niutaavoq. Por­nografiimi inuit atoqatis­saan­nar­tut il­lil­lu nam­minis­sarsiorlutit im­minut iluarusutsin­nis­sat siuner­tariin­narlugu inuusutut nikanarsar­neqar­tar­put. Misis­sueq­qis­saar­nerit ilaan­ni tupaal­lan­nan­ngitsumik paasineqar­poq por­nografiimik isigin­naar­tar­nermik ileq­qulius­sisimasut katin­nermik kingor­na atoqatigiin­nik­kut naam­magisimaar­nis­saat ilimanannginnerusoq.

Biibilimi al­las­simavoq kristumiut “kinguaas­siuutitigut inuunerlun­neq, mingut­tuuneq, pileritsaas­sineq kajungerisapiluil­lu aam­ma piumatuuneq” – por­nografiimi siuarsar­neqar­tar­tut – ingalas­simas­sagaat. – Kolos­semiut 3:5.

Eqqunngitsoq: Por­nografiimik isigin­naarusun­ngitsut atoqatigiin­nerup oqaloqatigiis­sutiginis­saa kan­ngusuutigaat.

Eqqortoq: Inuit por­nografiimik isigin­naarusun­ngitsut atoqatigiin­neq pil­lugu minguitsumik isigin­nit­taaseqar­put. Angutip ar­nal­lu katis­simasut tun­niusimaqatigiit­tul­lu atoqatigiin­nermik­kut ataqatigiin­nermin­nik nakus­satitsisin­naanerat Guutimit tunis­sutitut isigaat. Inuit taamatut isigin­nit­taasil­lit katin­nermik kingor­na atoqatigiin­nik­kut naammagisimaarnerunissaat ilimanaateqar­neruvoq.

Atoqatigiin­neq Biibilimi kan­ngunar­tutut al­laatigineqan­ngilaq. As­sersuutigalugu uiusut ima kajumis­saar­neqar­put: “Tipaatsuutigiuk inuusun­nin­ni nuliarilik­kat, ... asan­nin­nera angisuumik nuan­naarutigiuaruk.” – Ussatit 5:18, 19.

 Qanoq pornografiimik isiginnaarnaveersaartoqarsinnaasoq

Taavami por­nografiimik isigin­naar­nis­saq us­ser­nar­pal­laarsoriguk­ku? Im­mersugas­saq “Qanoq por­nografiimik isigin­naar­naveersaar­toqarsin­naasoq” iluaqutigisin­naavat.

Por­nografiimik isigin­naar­nis­samut us­ser­nar­torsior­nerup akiorsinnaanera qularis­san­ngilat. Aam­ma por­nografiimik isigin­naar­talereersimaguit tamak­kua isiginnaartarunnaarnissaat ilin­niarsin­naavat. Taamaalior­nis­san­nut pis­sutis­saqarluar­putit.

Calvin 13-inik ukioqarluni por­nografiimik isigin­naar­talersimanerminik nas­suerutigin­nit­toq eq­qarsaatigiuk. Ima oqar­poq: “Nalun­ngilara taman­na ajor­tuusoq, isigin­naar­nis­saan­nul­li us­ser­nar­toq akiorsin­naan­ngilara. Isigin­naareeraangak­kit ajor­torujus­suar­tut misigisar­punga. Pif­fis­sap ingerlanerani ataatan­nit paasisaavunga – ilumoorlungalu oqas­saguma as­sut iluaal­lat­tutut misigivunga! Kiisami pisariaqar­titat­tut ikior­neqarsin­naan­ngor­punga.”

Calvinip por­nografiimik isigin­naar­tan­ngin­nis­saq ilik­kar­paa. Ima oqar­poq: “Por­nografiimik isigin­naar­taler­neq kuk­korujus­suar­neruvoq, as­sil­lu puiorsin­naan­ngin­nak­kit kingunipilui suli ator­pak­ka. Ilaan­nik­kul­lu isigin­naagas­sarin­ngisan­nik isigin­naaq­qit­taleruma qanoq is­sagaluar­nersoq eq­qarsaatigeq­qajaasar­para. Taamatut eq­qarsaq­qajaaleraangama Jehovap piumasaatut ilioruma qanoq nuan­naar­tigis­sal­lunga, qanoq minguitsigis­sal­lunga qanorlu nuan­ner­tigisumik siunis­saqas­sal­lunga eq­qarsaatigisar­para.”