Imarisai

Saqqaata tullia

Jehovap Nalunaajaasui

Kalaallisut

INUUSUTTUT APERIPPUT

Pinngortitsineq imaluunniit pinngoriartuaarneq? – Immikkoortoq 1: Sooq Guuti upperineqassava?

Pinngortitsineq imaluunniit pinngoriartuaarneq? – Immikkoortoq 1: Sooq Guuti upperineqassava?

 Pinngortitsineq imaluunniit pinngoriartuaarneq?

Guutip suut tamaasa pin­ngor­tik­kai up­peraajuk? Taamaap­pat kisimiin­ngilatit; inuusut­tor­pas­suit (aam­ma inersimasor­pas­suit) ilit­tut isumaqar­put. Al­lal­li oqar­tar­put inuuneq avataarsualu “kinaas­susilim­mit qutsin­nerusumit” aqun­neqaratik pin­ngoriar­tor­tut.

Nalunngiliuk? Taman­na pil­lugu oqal­lin­nermi illuatungeriit qanoq up­perisaqar­ner­tik oqaatigipal­lat­tar­paat, kisian­ni sooq taamatut up­perisaqar­ner­tik iluamik ilisimaneq ajor­paat.

  • Inuit ilaasa oqaluffimmi ilinniartitsissutigineqartut pissutigiinnarlugit pinngortitsisoqarnera upperaat.

  • Inuppassuit atuarfimmi ilinniartitsissutigineqartut pissutigiinnarlugit pinngoriartuaarneq upperaat.

Al­laaserisat ataqatigiit uku pin­ngor­titsisoqar­neranik up­perisan­nik nakus­satsitsinis­samut nas­suiaanis­samul­lu iluaqutigis­savatit. Siul­ler­tul­li tun­ngaviusumik im­minut ima aperisariaqar­putit:

 Sooq Guuti upperaara?

Apeq­qut taan­na sooq pingaaruteqar­pa? Biibilimi eq­qarsarluar­tar­nis­samik kajumis­saar­neqaravit. (Romamiut 12:1, 2) Taamaat­tumik Guutimut up­per­nerit taamaal­laat ukunin­nga tun­ngaveqas­san­ngilaq:

  • Misigissutsit (Misigivunga qutsin­nerusumiit­tumik pis­saaneqar­toqar­toq)

  • Allat sunniinerat (Inuiaqatigiin­ni up­perisalin­ni inuuvunga)

  • Tatineqarneq (Guutimik up­perin­nit­tus­satut angajoq­qaan­nit perorsar­neqar­punga – taamaaliun­ngik­kuma taava ...)

Paarlat­tuanik Guutip piunera nammineq qulariunnaartariaqarpat up­perisan­nul­lu pitsaasunik tun­ngavis­saqar­tariaqarlutit.

Taamaat­tumik suna pis­sutigalugu illit Guutip piunera qularin­ngiliuk? Im­mersugas­saq “Sooq Guuti up­peraara?” qulan­ngin­nerunis­samut iluaqutigis­savat. Aam­ma apeq­qum­mut tamatumun­nga inuusut­tut al­lat akis­sutaasa eq­qarsaatiginerat iluaqutigisin­naavat.

“Atuarfimmi timitta pisatai ilinniartitsisup nassuiaraangagit Guutip piunera qularinngilluinnartarpara. Timip pisatai tamarmik, mikinerpaat ilanngullugit, atuuffeqarput. Taakkualu atuuffiit eqqarsaatiginagilluunniit atortarpavut. Inuup timaa assut tupinnarluinnarpoq!” – Teresa.

“Illorsuarmik portusuumik, umiarsuarmik takornariartaammik imaluunniit biilimik takugaangama imminut ima aperisarpunga: ‘Kia sanavaa?’ Assersuutigalugu biilip atortuararpassui ajunngitsumik ingerlassappata biili inunnit silassorissunit sananeqartariaqarpoq. Aamma biilit inummit ilusilersorneqartariaqarput, aamma inunnut tunngatillugu taamaappoq.” – Richard.

“Inuit ilisimassusillit avataarsuup ilaminiinnaa ukiut hundredilippassuit atorlugit paasiniartarmassuk taava avataarsuup ilisimassusilimmit pinngortinneqannginnerata eqqarsaatiginera tunngavissaqanngilluinnarpasippoq!” – Karen.

“Ilisimatusarnermik sammisaqarnerujartortillunga suut tamarmik pinngoriartuaarsimanerat upperiuminaatsinnerulertarpara. Assersuutigalugu eqqarsaatigisarpakka pinngortitap matematikkikkut eqqoqqissaarnera inuillu asseqanngilluinnarnerat, soorlu kinaassutsitsinnik, suminngaanneernitsinnik sumunngarnissatsinnillu paasinnikkusussuseqarnerput. Pinngoriartuaarnermik upperisallit inuit uumasunut sanilliunnerisigut suut tamaasa nassuiarniartarpaat, inuilli sooq asseqanngilluinnarnerat nassuiarsinnaanngisaannarpaat. Isumaga naapertorlugu pinngoriartuaarnermik upperinnittut Pinngortitsisoqarneranik upperinnittunit suli annerusumik ‘uppersuseqartariaqarput’”. – Anthony.

 Upperisannik nassuiaaneq

Taavami atuaqativit takusin­naan­ngisan­nik up­perisaqar­nerit pil­lugu il­laruaatigip­patsit? Taavami oqarfigip­patsit pin­ngoriar­tuaar­neq ilisimatusar­nik­kut “up­per­narsineqarsimasoq”?

Siul­ler­tut, eq­qor­tumik up­perisaqar­nerit qularutigis­san­ngilat. Annilaanganallu kanngusussanngilatit. (Romamiut 1:16) Eq­qaamajuk:

  1. Kisimiinnginnavit; inup­pas­suit suli Guutimut upperput. Silatuut qaf­fasis­sumik ilin­niagal­lit taak­kua ilagaat. As­sersuutigalugu Guutimut up­per­tunik ilisimatooqar­poq.

  2. Inuit Guutimut uppernatik oqaraangamik ilaannikkut Guutimik paasin­nis­sin­naan­ngin­ner­tik pisarmassuk. Isumar­tik up­per­narsar­nagu ima aperiin­nar­tar­put: “Guuti piuguni sooq naal­liun­nar­tut akuerai?” Taamaalil­lutik apeq­qut ilisimas­susermut tun­ngasoq misigis­sutsinut tun­ngasun­ngor­tit­tar­paat.

  3. Inuit anersaakkut ittunik ‘pisariaqartitsimmata’. (Matthæusi 5:3, NW) Guutip upperinissaanik pisariaqartitsineq tamatumun­nga ilaavoq. Taamaat­tumik inuk Guuteqan­ngin­neranik oqar­toq – il­liun­ngitsoq – taamatut iner­niliinermi tun­ngavilersor­nis­saanut akisus­saaf­feqar­poq. – Romamiut 1:18-20.

  4. Guutimut upperneq silatusaarnerummat. Taman­na suul­luun­niit nam­mineq uumas­suseqaleriar­torsin­naan­ngin­neranut up­per­narsaam­mut aalajangersar­neqarsimasumut naaper­tuup­poq. Uumas­suseqan­ngitsumiit inuunerup pileriataar­neranut up­per­narsaateqan­ngilaq.

Taavami Guutimut up­per­nerit apeq­quser­neqar­pat qanoq akisin­naavit? Periarfis­sat ilaat eq­qarsaatigik­kit.

Ima oqarfigineqaruit: “Inuit ilin­niagaqan­ngitsut kisimik Guuti up­perisar­paat.”

Ima akisinnaavutit: “Isuma taman­na nutaar­taqan­ngitsoq ilumut isumaqatigaajuk? Uangaan­ngitsoq. Misis­suinermi profes­sorit universitetini ataq­qisaasuni atorfil­lit 1.600-nit amerlanerusut peqataaf­figisaan­ni paasineqar­poq pingajorar­terutaat oqanngitsut tas­saal­lutik guuteqan­ngin­neraasut aalajangersimasumil­luun­niit up­perisaqar­natik tamanik qular­tut. * Profes­sorit taak­ku Guutimut up­per­nerat pis­sutigiin­narlugu sianiin­neras­savigit?”

Ima oqarfigineqaruit: “Guuti piup­pat sooq silarsuarmi taama naal­liun­nar­toqar­tigaa?”

Ima akisinnaavutit: “Im­maqa Guutip qanoq iliortarnerata – imaluun­niit matumani qanoq iliorpasinnginnerata – paasin­ngin­nera pivat. Ilumoor­pa? [Akis­sutaanut tusar­naarit]. Sooq taama naal­liun­nar­toqar­tiginera pil­lugu apeq­qut naam­maginar­tumik akis­sutis­sarsivara. Taman­nali paasiumal­lugu Biibilimi ilin­niar­titsis­sutigineqar­tut arlal­lit misis­sor­neqar­tariaqar­put. Suli paasisaqar­nerorusup­pit?”

Al­laaserisat ataqatigiit ukua tul­lian­ni piuner­put pin­ngoriar­tuaar­nermik isumaliutersuum­mit sooq naam­maginar­tumik nassuiarneqarsinnaanngitsoq sam­mineqas­saaq.

^ par. 32 Issuaavigisaq: Social Science Research Council, “Religion and Spirituality Among University Scientists” (Universitetini ilisimatuut upperisaat anersaakkullu ittunik pingaartitsinerat), Elaine Howard Ecklundip 2007-imi februaarip tallimaanni saqqummersitaa.