Imarisai

Saqqaata tullia

Jehovap Nalunaajaasui

Kalaallisut

Qanoq atoqatigiin­neq eq­qarsaatiginaveersaarsin­naavara?

Qanoq atoqatigiin­neq eq­qarsaatiginaveersaarsin­naavara?

Qanoq iliorsinnaasutit

Kikkut ilagissanerlugit eqqarsaatigisaruk. Ikinngutitit atuaqatitillu kinguaassiuutitigut inuunerlunneq pillugu oqaloqatigiittut ilagigukkit eqqarsaativit aqunnissaat ajornarneruliinnassaaq. Imminut iluartuutinngikkaluarluni allanilluunniit illaruaatigineqanngikkaluarluni taamatut oqaloqatigiittunit amerlanertigut qimaguttoqarsinnaavoq.

Qarasaasiavit viruseqalernissaa akuerissaviuk? Taava sooq kinguaassiuutitigut inuunerlunneq eqqarsaatigissaviuk?

Aliikkutassat kinguaassiuutitigut inuunerlunnertallit ingalassimakkit. Nalitsinni aliikkutassat amerlanerpaartaat naleqqutinngitsumik atoqateqarusulersitsisarput. Biibilimi qanoq siunnersuuteqarpa? “Immitsinnik minguiarniarta, timimi anersaamilu minguk tamaat piiassavarput illernartuullutalu Guutimik mianerinninnermi.” (2 Korinthimiut 7:1) Aliikkutassat atoqateqarusulersitsisut suulluunniit ingalassimakkit.

Una eqqaamajuk: Atoqateqarusunneq namminermini ajortuunngilaq. Guutip angut arnarlu imminnut kajumissuseqartunngorlugit pinngortimmagit aappariinnerup iluani atoqateqarusussutsimik matussusiineq pissusissamisoorpoq. Taamaattumik atoqateqarusuttutut assut misigiguit imminut ajortorujussuartut kinguaassiuutitigulluunniit minguitsuusinnaanngitsutut isigissanngilatit.

Inerniliineq: Suut eqqarsaatiginiarlugit nammineq aalajangersinnaavat. Piumaguit isumakkut iliuutsikkullu minguitsuusinnaavutit!