Imarisai

INUUSUTTUT APERIPPUT

Amerlanerusunik ikinnguteqalissaanga?

Amerlanerusunik ikinnguteqalissaanga?

“Ikinngutit aalajangersimasut ilagigaangakkit toqqissisimasarpunga, nalusannillu ilagisaqarnissaq assut sapernartippara.” – Alan.

“Ikittuinnarnik ikinnguteqarpunga, tamannalu iluariinnarpara. Ilisarisimanngisannik oqaloqateqartartuunngilanga.” – Sara.

Alanitut Saratul­lu misigivit? Ikit­tuin­nar­nik ikin­nguteqar­pit al­lanil­lu ikin­ngutitaar­nis­saq saper­nar­tit­tarlugu?

Taamaap­pat al­laaserisaq una iluaqutigis­savat!

 Ikittuinnarnik ikinnguteqarnerup ajortortai

Ikit­tuin­nar­nik ikin­ngutin­naaqar­neq ajor­tuun­ngilaq. Taman­na kuk­kusaraluarluni ikin­ngutinut atasutut akuerineqar­tutul­lu misigilersitsisar­poq.

“Allanit nuannarineqarneq eqimattanullu ilaaneq nuannersuuvoq. Inuusuttuunermi akoorusunneq pissusissamisoorpoq.” – Karen, 19.

Nalunngiliuk? Apustilit aq­qaneq-marluk Jiisusip ikin­nguter­pas­suisa ilagaat, taak­kunan­ngali apustilit pingasut – Petrusi, Jaaku Johan­nesilu – ikin­ngutigil­luar­ner­paavai. – Markusi 9:2; Lukasi 8:51.

Al­lanil­li im­mik­koor­titsil­luni ikin­ngutinik ikittuinnarnik ilagisaqar­tar­neq ajor­nar­torsiulersitsisin­naavoq. As­sersuutigalugu:

  • Al­lanik ikin­nguteqarlualer­nis­samut akor­nutigisin­naavat.

    “Taamaallaat ilittut ittunik ikinnguteqarneq nutaanik misigisaqarnissamut – inunnillu nuannersunik naapitsinissamut – periarfissaqarunnaarsitsisarpoq.” – Evan, 21.

  • Nuimaniar­pasit­tutut isigineqalis­sutigisin­naavat.

    “Ikinngutit ikittut aalajangersimasut kisiisa ilagisarukkit allat isumaqalersissinnaavatit allanik oqaloqateqarusunngitsutit.” – Sara, 17.

  • Qin­ngasaarinermut peqataalis­sutigisin­naavat.

    “Kisimiinnermi immaqa allanik qinngasaarisoqarnavianngilaq, ikinngutitilli ilagisartakkatit taamaaliulerpata qinngasaarineq ajunngitsutut – allaat nuannersutut – isigilersinnaavat.” – James, 17.

  • Ajor­nar­torsiulis­sutigisin­naavat – pingaar­tumik eqimat­tanut ilaalerumal­lutit qanorluun­niit iliorusuk­kuit.

    “Inuup ataasiinnaap ajortumik sunniuteqarnera pissutigalugu ikinngutigiit tamarmik ajortuliulersinnaapput.” – Martina, 17.

 Qanoq iliorsinnaasutit

  • Naleqartitatit eqqarsaatigikkit.

    Im­minut ima aperigit: ‘Naleqar­titat suut maleruar­niar­tar­pak­ka? Naleqar­titak­ka taak­ku malil­lugit inuuniar­nera ikin­ngutima ajor­nan­ngin­nerulersip­paat imaluun­niit saper­nar­nerulersiin­nar­paat? Ikin­ngutit taak­ku ikin­ngutigerusul­lugit qanorluun­niit iliuuseqarumas­saanga?’

    Najoq­qutas­siaq Biibilimeersoq: “Ikin­ngutipalaaqar­neq ileq­qorik­kaluar­tunut aseruutis­siisar­poq.” – 1 Korinthimiut 15:33.

    “Ikinngutitit ilittulli naleqartitaqanngippata immaqa kissaatiginngilluinnakkattut iliuuseqalersinnaavutit.” – Ellen, 14.

  • Pingaartitatit eqqarsaatigikkit.

    Im­minut ima aperigit: ‘Ikin­ngutin­naak­ka ima qanitaritigaak­ka ikin­ngutigiin­narumal­lugit al­laat ileq­qorlut­tuliorumas­sal­lunga? Ikin­ngutiga ajor­tulior­pat qanoq ilius­sagaluar­punga?’

    Najoq­qutas­siaq Biibilimeersoq: ‘Asasak­ka tamaasa anusin­ngorsar­tar­pak­ka.’ – Saq­qum­mersitat 3:19.

    “Ikinngutivit ilaat ajortuliortoq kukkusumik ilumoorfigigukku ajortuliaa pillugu allanut oqaluttuarneq killuussinertut misiginarsinnaavoq.” – Melanie, 22.

  • Amerlanerusunik ikinnguteqalerit.

    Im­minut ima aperigit: ‘Inuit iluamik ilisarisiman­ngisama ikin­ngutigiler­nerat iluaqutigisin­naavara?’

    Najoq­qutas­siaq Biibilimeersoq: “Tamas­si im­mik­kut nam­mineq iluaqutis­sarsi pin­nagu inoqatis­sis­saaq iluaqutis­saat isumagisiuk.” – Filip­pimiut 2:4.

    “Meeqqat nuannarineqarpallaanngitsut ilaat imaassinnaavoq angerlarsimaffimminni ajornartorsiuteqartut. Taakkualu ilisarisimaleraanni amerlanertigut paasineqartarpoq immikkuullarissumik nuannerluinnartuusut.” – Brian, 19.

Inerniliineq: Ikit­tunik ikin­ngutin­naaqar­neq ajor­tuun­ngilaq. Amerlanerusunil­li ikin­nguteqaler­nerit iluaqutigisin­naavat. Biibilimi ima al­las­simavoq: “Al­lanik imeruersaasoq nam­mineq imeruersar­neqarumaar­poq.” – Ussatit 11:25.