Akissut Biibilimeersoq

 Biibilimi ima allassimavoq: “[Uumassuseqartut] nalunngilaat toqusussaagamik, toqungasulli sunnguamilluunniit ilisimasaqanngillat!” (Oqaluussisartup oqaasii 9:5; Tussiaat 146:4) Taamaattumik toqugutta piujunnaassaagut. Toqusut eqqarsarsinnaanatillu iliuuseqarsinnaanatillu misigissuseqarsinnaanngillat.

‘Issunngussaatit’

 Guutip inummik siullermik, Adamimik, oqaloqateqarnermini nassuiarpaa toqugutta qanoq pisoqassasoq. Adami ajortuliormat Guutip ima oqarfigaa: “Issumimmi pivutit, issunngussaatillu.” (1 Mosesi 3:19) Adami “issumit” pinngortitaanngikkallarami piunngilaq. (1 Mosesi 2:7) Taamaattumik Adami toqugami issumut uterpoq piujunnaarlunilu.

 Aamma ullumikkut toqusunut tunngatillugu taamaappoq. Inuit uumasullu pillugit Biibilimi ima allassimavoq: “Tamarmik issumit pinngoramik tamarmik issunngorumaarput.” – Oqaluussisartup oqaasii 3:19, 20.

Toqu suut tamarmik naggatigisariaqanngilaat

 Biibilimi toqu sininnermut assersuunneqartarpoq. (Tussiaat 13:4; Johannesi 11:11-14; Apustilit Suliaat 7:60) Inuup sinnaarissup avatangiisimini susoqarnera sianigineq ajorpaa. Tamatumunnga assingusumik toqusimasut sianigisaqarneq ajorput. Biibilimili ajoqersuutigineqarpoq Guuti toqusimasunik makititsisinnaasoq soorlulusooq sinittunik itersaaginnarluni. (Jobi 14:13-15) Toqu Guutip makititaanut naggataanngilaq.