Imarisai

Saqqaata tullia

Jehovap Nalunaajaasui

Kalaallisut

Inngilit kikkuuppat imaluunniit suuppat?

Inngilit kikkuuppat imaluunniit suuppat?

Akissut Biibilimeersoq

In­ngilit pin­ngor­titaap­put inun­nit pis­saaneqar­nerul­lutil­lu pigin­naaneqar­nerusut. (2 Petrusi 2:11) Inuit silarsuaan­nit qutsin­nerusumik inis­sisimaf­feqarlutik qilam­miip­put, imaluun­niit anersaat silarsuaan­niip­put. (1 Kun­ngit 8:27; Johan­nesi 6:38) Taamaat­tumik aam­ma anersaatut taaneqar­tar­put. – 1 Kunngit 22:21.

Inngilit suminngaanneerpat?

Jiisusi, “pin­ngor­titani tamani er­niusut siul­lersaat”, aq­qutigalugu Guutip in­ngilit pin­ngor­tip­pai. Jiisusip pin­ngor­titsinermi Guutimit ator­neqar­nera Biibilimi ima al­laatigineqar­poq: “Taas­sumuuna [Jiisusik­kut] suut tamarmik pin­ngor­titaap­put qilan­ni nunamilu, takus­saasut takus­saan­ngitsul­lu,” ilaatigut in­ngilit. (Kolos­semiut 1:13-17) In­ngilit katin­neq ajorlutil­lu kinguaas­sior­neq ajor­put. (Markusi 12:25) ‘Guutil­li er­neri taak­ku’ kinaas­susilit­tut ataasiak­kaatut pin­ngor­tin­neqar­put. – Jobi 1:6.

Nunarsuup pin­ngor­tin­neqar­nera sioq­quterujus­suarlugu in­ngilit pin­ngor­tin­neqar­put. Guutip nunarsuaq pin­ngor­tim­magu in­ngilit ‘niper­tik il­lugalugu qiim­mat­tar­put’. – Jobi 38:4-7.

Inngilit qanoq amerlatigippat?

Biibilimi qas­ser­piaanerat eq­qaaneqar­nani amerlangaar­nerat eq­qaaneqar­poq. As­sersuutigalugu apustilip Johan­nesip takorruuisin­neqarami in­ngilit mil­lionilip­pas­suit takul­latsiar­pai. – Saq­qum­mersitat 5:11.

Inngilit tamarmik kinaassusiliuppat atillit?

Aap. In­ngilit marluk Biibilimi atiisigut taaneqar­put: Mikaeli aam­ma Gabrieli. (Danieli 12:1; Lukasi 1:26) * In­ngilit al­lat ateqar­ner­tik nas­suerutigigaluarlugu atitik oqaatigin­ngilaat. – 1 Mosesi 32:29; Eq­qar­tuus­sisut 13:17, 18.

In­ngilit tamarmik kinaas­susiliup­put im­min­nut oqaloqatigiis­sin­naasut. (1 Korinthimiut 13:1) Eq­qarsarsin­naas­suseqarlutil­lu Guuti un­nersiutiginiarlugu erinarsorsin­naap­put. (Lukasi 2:13, 14) Aam­ma eq­qor­tulior­niarlutik eq­qun­ngitsulior­niarlutil­luun­niit nam­min­neq aalajangersin­naavaat, soorlu taman­na in­ngilit ilaasa Saatanimut Diaavulumut ililiun­nermik­kut Guutimut pikitsitseqataaler­neran­nit erser­toq. – Matthæusi 25:41; 2 Petrusi 2:4.

Inngilit ilaat nuimaneruppat?

Aap. Mikaeli, in­ngiliuneq, in­ngilini pis­saaneqar­ner­paal­lunilu pigin­naaneqar­ner­paavoq. (Judasi 9; Saq­qum­mersitat 12:7) Serafit in­ngiliup­put nuimasut Jehovap is­siavis­saarsuata eq­qaaniit­tar­tut. (Esaja 6:2, 6) Kerubit aam­ma nuimasuup­put im­mik­kut it­tunik suliaqar­tar­tut. As­sersuutigalugu Adamip Evallu anisitaanerisa kingor­na kerubit naatsiiviup Edenip isaariaanik nak­kutigin­nip­put. – 1 Mosesi 3:23, 24.

Inngilit inunnik ikiuisarpat?

Aap, Guutip in­ngilini aalajaatsut atorlugit inuit nalitsin­ni ikior­tar­pai.

Tamatta immikkut inngilimik sernissorteqarpugut?

In­ngilit Guutip kif­faasa anersaak­kut peq­qis­susian­nik eq­qumaf­figin­nit­tar­put, imaat­tariaqan­ngilarli Guutip in­ngili kristumiumik ataatsimik ser­nis­suinis­samik sulias­sit­taraa. * (Mat­thæusi 18:10) Guutip kif­fai misilin­neqar­ner­ni us­ser­neqar­ner­niluun­niit ilaatiguin­naq in­ngilinit il­lersor­neqar­tar­put. Biibilimi ersersin­neqar­poq Guutip amerlaner­tigut inuk ilisimas­sutsimik piner­tusaar­nis­samul­lu nukis­samik tunineratigut ‘aniguif­fis­saq pilersit­taraa’. – 1 Korinthimiut 10:12, 13; Jaaku 1:2-5.

Inngilit pillugit kukkusumik isummernerit

Kukkusoq: In­ngilit tamarmik ajun­ngitsuup­put.

Eqqortoq: Biibilimi ‘ajus­sutsip anersaavi’ aam­ma “in­ngilit ajor­tulior­tut” eq­qaaneqar­put. (Efesosimiut 6:12; 2 Petrusi 2:4) In­ngilit taak­ku ajor­tut anersaapiluup­put Guutimut pikitsitsinermi Saatanimut ililiut­tut.

Kukkusoq: In­ngilit toqusuitsuup­put.

Eqqortoq: In­ngilit ajor­tut, ilaatigut Saatani Diaavulu, suujun­naarsin­neqas­sap­put. – Judasi 6.

Kukkusoq: Inuit toqugaangamik in­ngilin­ngor­tar­put.

Eqqortoq: In­ngilit tas­saap­put Guutimit pin­ngor­titat, tas­saan­ngil­lat inuit makititaasimasut. (Kolos­semiut 1:16) Inuit qilam­mut makititaasut Guutimit toqusuitsun­ngor­tin­neqar­tar­put. (1 Korinthimiut 15:53, 54) Taak­ku in­ngilinit qaf­fasin­nerusumik inis­sisimaf­feqalis­sap­put. – 1 Korinthimiut 6:3.

Kukkusoq: In­ngilit inun­nut kif­far­tor­tus­satut pin­ngor­titaap­put.

Eqqortoq: In­ngilit uagut peq­qus­sutivut pin­nagit Guutip peq­qus­sutaanut naalat­tar­put. (Tus­siaat 103:20, 21) Al­laat Jiisusip in­ngilinuun­ngitsoq Guutimul­li ikioq­qunis­sani nas­suerutigaa. – Matthæusi 26:53.

Kukkusoq: Ikioq­qul­luta in­ngilinut qinusin­naavugut.

Eqqortoq: Guutimut qinuneq pal­lorfigin­nin­nitsin­nut ilaavoq, Jehovalu Guuti kisiat pal­lorfigisus­saavar­put. (Saq­qum­mersitat 19:10) Jiisusi aq­qutigalugu Guutimut taamaal­laat qinusariaqar­pugut. – Johannesi 14:6.

^ par. 10 Biibilimik nutsik­kat ilaan­ni Esaja 14:12-imi oqaaseq “Lucifer” ator­neqar­poq, taan­nalu in­ngilip Saatanip Diaavulun­ngor­tup atiatut inuit ilaan­nit paasineqar­tar­poq. Al­las­simaq­qaarfin­nili hebræerit oqaasiat tas­sani ator­neqar­toq ‘qaam­maris­sumik’ isumaqar­poq. Al­las­simaf­fiit ataqatigiin­neran­nit erser­poq oqaaseq taan­na Saatanimut in­nersuus­sutaanani Babylonimi kun­nginut, pingaakujun­ner­tik pis­sutigalugu Guutimit nikanarsar­neqar­tunut, in­nersuus­sutaasoq. (Esaja 14:4, 13-20) Babylonimi kun­ngit ajorsar­titaanerisa kingor­na asis­sor­niarlugit oqaaseq “qaam­maris­soq” ator­neqar­poq.

^ par. 21 Petrusip par­naarus­sivim­mit aniguisitaanera pil­lugu oqalut­tuaq tun­ngavigalugu inuit ilaat isum­mer­tar­put Petrusi ser­nis­sor­timinik in­ngileqar­toq. (Apustilit Suliaat 12:6-16) Ajoqersuk­kal­li Petrusi ‘in­ngileqar­nerarmas­suk’ kuk­kul­lutik isum­mersimasin­naap­put Petrusi sin­nerlugu in­ngili oqariar­tor­titaq tikiut­toq.