Imarisai

Saqqaata tullia

Jehovap Nalunaajaasui

Kalaallisut

Inneq eqqiarfik Biibilimi eqqaaneqarpa?

Inneq eqqiarfik Biibilimi eqqaaneqarpa?

Akissut Biibilimeersoq

Naamik, eq­qaaneqan­ngilaq. Biibilimi oqaatsit “in­neq eq­qiarfik” al­las­siman­ngil­lat, aam­ma toqusut tar­ningisa in­nermi eq­qiarfim­mi minguiar­neqar­tar­nerat ajoqersuutigineqan­ngilaq. * Biibilimi ajor­ti toqulu pil­lugit suut ajoqersuutigineqar­tut aam­ma in­nermik eq­qiarfim­mik ajoqersuut qanoq akerliler­neqar­toq eq­qarsaatigiuk.

  • Inuup innermik eqqiarfimmik taaneqartartumiinneq minguiarneqaatiginagu Jiisusip aavanut upperneq minguiarneqaatigisarpaa. Biibilimi al­las­simavoq Guutip ‘er­nerata Jiisusip aavata tamanik ajor­taajas­sagaatigut’ aam­ma ‘Jiisusip Kristusip aam­minik ajor­titsin­nit aniguisik­kaatigut’. (1 Johannesi 1:7; Saqqummersitat 1:5) Jiisusip inuit ajor­tuliaat pil­lugit ‘inuunini akis­satut tun­niup­paa amerlasuut uter­tin­neqaatis­saat­tut’. – Matthæusi 20:28.

  • Inuit toqusimasut sianigisaqanngillat. “Uumas­suseqar­tum­mi nalun­ngilaat toqusus­saagamik, toqungasul­li sun­nguamil­luun­niit ilisimasaqan­ngil­lat!” (Oqaluussisartup oqaasii 9:5) Inuk toqungasoq misigisaqarsin­naan­ngin­nami in­nermi eq­qiarfim­mi minguiar­neqarsin­naan­ngilaq.

  • Inuup toqunerata kingorna ajortit pillugit pillaasoqarneq ajorpoq. Biibilimi al­las­simavoq ‘ajor­tip akis­sarsiarititaa tas­saasoq toqu’ aam­ma ‘toqusoq ajor­timut naalat­taajun­naar­toq’. (Romamiut 6:7, 23) Toqu ajor­timut pil­laataavoq naam­mat­toq tamak­kiisorlu.

^ par. 3 Innermut eqqiarfimmut tunngatillugu atuakkami Orpheus: A General History of Religions-imi allassimavoq “iivangkiiliuni eqqaaneqanngilluinnartoq”. Taamatuttaaq New Catholic Encyclopedia-mi allassimavoq: “Suut tamaasa eqqarsaatigissagaanni katuullit inneq eqqiarfik pillugu ajoqersuutaat Allakkanik Illernartunik tunngaveqarnani ileqqutoqqanik tunngaveqarpoq.” – Aappassaanik saqqummersitaq, atuagaq 11, qupperneq 825.

^ par. 8 Takuuk New Catholic Encyclopedia, aappassaanik saqqummersitaq, atuagaq 11, qupperneq 824.