Imarisai

Jehovap Nalunaajaasui

Oqaatsit toqqakkit Kalaallisut

Biibili allanngortinneqarsimava?

Biibili allanngortinneqarsimava?

Naamik. Al­lagatoq­qanik as­sam­mik al­latanik sanil­lersuus­sinermit ersersin­neqar­poq Biibili ukiuni tuusintilik­kuutaani ator­tunut nungujasunut al­laq­qin­neqar­taraluarluni al­lan­ngorsiman­ngitsoq.

Taava imaappa allaqqiinermi kukkusoqarneq ajortoq?

Biibilimik al­lagatoq­qat as­sam­mik al­latat tuusintilik­kuutaat nas­saarineqarsimap­put. Ilaat arlalitsigut as­sigiin­ngis­suteqar­put, taman­nalu al­laq­qiinermi kuk­kusoqar­tar­neratut paasineqamisaarsin­naavoq. As­sigiin­ngis­sutsit taak­kua amerlanerit an­ner­tun­ngil­lat isumaanil­lu al­lan­ngor­titsinatik. As­sigiin­ngis­sutil­li an­ner­tuut, ilaat Biibilip tusarlius­saa piaaraluni al­lan­ngor­tin­niarlugu itsaq al­lan­ngor­tin­neqarsimagunar­tut, nas­saarineqarsimap­put. As­sersuutit marluk eq­qarsaatigik­kit:

  1. Biibilimik nutsik­kat pisoq­qat ilaan­ni Johan­nesip al­lagai siul­liit 5:7-imi ima al­las­simasoqar­poq: “qilam­mi Ataataq, Oqaaseq Anersaarlu Il­ler­nar­toq: taak­kulu pingasut ataasiup­put.” Al­lagatoq­qanil­li as­sam­mik al­latanit tutsuiginar­tunit oqaatsit taak­kua al­las­simaq­qaar­tuni ilaan­ngin­nerat up­per­narsar­neqar­poq. Kingusin­nerusuk­kut ilan­ngun­neqar­put. * Taamaat­tumik nalitsin­ni Biibilimik nutsik­kani tutsuiginar­tuni ilan­ngun­neqan­ngil­lat.

  2. Guutip atia Biibilimik al­lagatoq­qani as­sam­mik al­latani tuusintilip­pas­suariarluni al­lan­neqar­poq. Biibilimil­li nutsik­kani amerlasuuni atia taaguutinik, soorlu ‘Naalak­kamik’ imaluun­niit ‘Guutimik’, taarser­neqarsimavoq.

Kukkunernik allanik nassaartoqaqqinnginnissaa qanoq qularinngissinnaavarput?

Nalitsin­ni al­lagatoq­qat as­sam­mik al­latat nas­saarineqarsimasut amerlangaarmata kuk­kuner­nik nas­saar­nis­saq aatsaat taama ajor­nan­ngitsigaaq. * Al­lagatoq­qanik sanil­lersuus­sineq nalitsin­ni Biibilip eq­qoq­qis­saar­neranut tun­ngatil­lugu sunik ersersitsip­pat?

  • Al­lak­kat Hebræerisuut (nalingin­naasumik ‘Testamentitoq­qatut’ taaneqar­tar­tut) pil­lugit ilisimatooq Wil­liam H. Green ima oqar­poq: “Qularinagu oqarsin­naavugut al­lagatoq­qat al­lat taama eq­qor­tigisumik al­laq­qin­neqarsiman­ngitsut.”

  • Kristumiut Al­lagaataat Grækerisuut, imaluun­niit “Testamentitaaq”, pil­lugu Biibilimik misis­sueq­qis­saar­tar­toq F. F. Bruce ima al­lap­poq: “Testamentitaamut pigisatsin­nut up­per­narsaatit atuak­kior­tut nuan­narineqar­tuar­tut al­lagaan­nut up­per­narsaatinit amerlanerungaar­put, taamaat­torli atuak­kior­tut taak­kua al­lagaasa up­per­nas­susaat apeq­quser­neqarusun­neq ajor­put.”

  • Biibilimik al­lagatoq­qat as­sam­mik al­latat pil­lugit oqar­tus­saasoq Sir Frederic Kenyon al­lap­poq “kinaluun­niit Biibili tamarmiusoq, ukiut hundredilik­kuutaat ingerlaneran­ni kinguaariin­nit kinguaariin­nut pingaarutilin­nik minitaqar­nani ingerlateq­qin­neqar­tarsimasoq, tigoriarlugu siooranani nangaananiluun­niit oqarsin­naasoq Guutip oqaasia ilumoor­toq tigum­mil­lugu”.

Biibilip eqqoqqissaartumik ingerlateqqinneqartarnerata qularinnginnissaanut pissutaasut allat suuppat?

  • Juutit kristumiul­lu al­laq­qiisar­tut oqalut­tuat Guutip in­nut­taasa kuk­korujus­suar­neran­nik qulaarisut atatiin­nar­tar­paat. * (4 Mosesi 20:12; 2 Samueli 11:2-4; Galatiamiut 2:11-14) Taamatut­taaq im­mik­koor­tut inuiaqatigiit juutit naalan­ngin­neran­nik as­suarin­nit­tut inuil­lu ajoqersuusiaan­nik qulaarisut atatiin­nar­tar­paat. (Hosea 4:2; Malaki 2:8, 9; Mat­thæusi 23:8, 9; 1 Johan­nesi 5:21) Al­laq­qiisar­tut oqalut­tuanik eq­qoq­qis­saar­tumik al­laq­qiisar­nermik­kut tutsuiginar­tuuner­tik Guutil­lu oqaasianik il­ler­nar­tumik ataq­qin­ningaar­ner­tik ersersit­tar­paat.

  • Guutip Biibilip al­lan­neqar­nis­saanik isumas­sarsisitsisup oqaatsimi eq­qoq­qis­saar­tuar­nis­saa qulak­keer­pagu pis­susis­samisuus­saaq, ilaa? * (Esaja 40:8; 1 Petrusi 1:24, 25) Aam­mami itsaq inuusunuin­naan­ngitsoq aam­mali uagutsin­nut iluaqutis­san­ngor­tip­paa. (1 Korinthimiut 10:11) “Sior­natigum­mi al­lagaasut tamarmik al­las­simap­put uatsin­nut ilin­niutis­saal­lutik, nikal­lujuil­luta Al­lak­kal­lu tunis­sutaat tup­pal­lersaatigalugit neriuuter­put aalajangius­sin­naaq­qul­lugu.” – Romamiut 15:4.

  • Jiisusip ajoqersugaasalu itsaq al­lak­kat eq­qoq­qis­saar­nerat er­numas­sutiginagu Al­lak­kat Hebræerisuut al­laq­qitat is­suaavigisar­paat. – Lukasi 4:16-21; Apustilit Suliaat 17:1-3.

^ par. 5 Oqaatsit taak­ku ukunani ilan­ngun­neqan­ngil­lat: Codex Sinaiticus, Codex Alexandrinus, Det Vatikanske Håndskrift nr. 1209, latiinerisut al­las­simaq­qaarfiit Vulgata, filoxenskit-harkleanskit syriamiutut nutsigaat imaluun­niit syriamiutut nutsigaq Pesjitta.

^ par. 8 As­sersuutigalugu grækerisut al­lagatoq­qat as­sam­mik al­latat Testamentitaamik, imaluun­niit Kristumiut Al­lagaataan­nik Grækerisuunik, taaneqar­tar­tut 5.000-nit amerlanerusut nas­saarineqarsimap­put.

^ par. 13 Guutip inuit sin­niisai Biibilimi kuk­kusin­naan­ngitsutut al­laatigineqan­ngil­lat. Piviusorsior­tumik man­na nas­suerutigineqar­poq: ‘Inuit tamarmik ajor­tulior­tar­put.’ – 1 Kun­ngit 8:46.

^ par. 14 Biibilimi al­las­simavoq Guutip oqaatsit tamaasa ataasiak­kaarlugit al­latsin­ngik­kaluarlugit inuit al­laqataasut isumas­sarsisik­kai. – 2 Timotheusi 3:16, 17; 2 Petrusi 1:21.