4026-p kingorna Kr.in.si.

Jehovap oqartus­saanera aqutseriaasialu ‘pulateriaarsummit’ apeqquser­neqarput. Jehova neriorsuivoq ‘kinguaassaq’ pulateriaarsummik, Saatanimik, suujunnaarsitsisussaq pilersik­kumaarlugu. (Mos 1. 3:1-5, 15) Jehovalli akuereq­qaarallarpaa inuit Saatanimit sunnerneqarlutik nammineerlutik aqutsinissaat.

1943 Kr.in.si.

Jehovap Aaperaat oqaluttuuppaa ‘kinguaassaq’ neriorsuutigisaq kinguaavinit piumaartoq. – Mos 1. 22:18.

1070-ip kingorna Kr.in.si.

Jehovap kunngi Daavi kingornalu ernera Saalumuut uppernarsaavigai taakkua kinguaavinit ‘kinguaassaq’ neriorsuutigisaq piumaartoq. – Sam 2. 7:12, 16; Kng 1. 9:3-5; Es 9:5, 6.

29 Kr.in.king.

Jehovap qulaarpaa ‘kinguaassaq’ neriorsuutigisaq Daavip issiavis­saarsuanit kingornus­sisussaq tassaasoq Jiisusi. – Gal 3:16; Luk 1:31-33; 3:21, 22.

 33 Kr.in.king.

Saatanip ‘kinguaassaq’ toqutaatillugu sivikitsumik ajoquserpaa. Jehovap Jiisusi qilaliar­nissaanut makitippaa Jiisusillu inuunerata naammal­luinnartup nalinga akueralugu. Taamaalior­nermigut Adamip kinguaavisa ajortimik isumakkeerfigineqar­nissaannik naassaan­ngitsumillu inuuler­nissaannik periarfissiivoq. – Mos 1. 3:15; ApS 2:32-36; Kor 1. 15:21, 22.

1914-ip missaa Kr.in.king.

Jiisusip pulateriaarsuk, Saatani, nunarsuarmut igippaa piffissamilu sivikitsumik tassani killilimmik sunniuteqar­tillugu. – Saqq 12:7-9, 12.

Siunissami

Jiisusip Saatani ukiuni 1.000-ni parnaarus­saaqqatissavaa kingornalu suujunnaarsillugu, imaluunniit assersuutaasumik niaqua aserussavaa. Jehovap nunarsuarmut inuiannullu aallaqqaammut siunertani naammas­sissavaa, atini kanngunarsagaajun­naarsissavaa, taassumalu aqutseriaasia kiserluinnarmi eqqortuusoq uppernarsar­neqassaaq. – Saqq 20:1-3, 10; 21:3, 4.