Imarisai

Imarisai

 IMMIKKOORTOQ 9

Nunarsuaq qaqugu paratiisinngussava?

Nunarsuaq qaqugu paratiisinngussava?

Ajornartorsiutinit erserpoq Guutip naalagaaffia tikiutingajalersoq. Lukasi 21:10, 11; 2 Timotheusi 3:1-5

Ullumikkut pisartut ilarpassui Biibilimi siulittuutigineqarput. Allassimavoq inuit peqqarniitsuujumaartut, angajoqqaaminnut naalanngitsuujumaartut aningaaserituujullutillu aliikkutassanik pingaartitsisuujumaartut.

Nunami sajunnersuaqartarumaarpoq, sorsuttoqartarumaarluni, kaannersuaqartarumaarluni nappaalanersuaqartarumaarlunilu. Maanna tamakku pisarput.

Jiisusi aamma oqarpoq Guutip naalagaaffia pillugu nutaarsiassaq nuannersoq nunarsuaq tamakkerlugu oqaluussissutigineqassasoq. — Matthæusi 24:14.

 Guutip naalagaaffiata ajussuseq tamaat piissavaa. 2 Petrusi 3:13

Qanittukkut Jehovap ajortut tamaasa piuneerutissavai.

Saatani anersaapiluillu pillarneqassapput.

Guutimut tusarnaarlutillu naalattut aniguissapput silarsuassaq nutaaq naapertuilluarfiusoq inuuffigissallugu. Tassanilu aarlerinartoqassanngilaq, inuit tamarmik tatigeqatigiissallutillu asaqatigiissapput.