Imarisai

Kiap nunarsuaq pissaaneqarfigaa?

Kiap nunarsuaq pissaaneqarfigaa?
  • Guutip?

  • Inuup?

  • Allap?

 AKISSUT BIIBILIMEERSOQ

‘Silarsuaq tamaat Ajortup pissaaneqarfigaa.’ — 1 Johannesi 5:19, New World Translation.

‘Guutip ernerata Diaavulup suliai suujunnaarsissavai.’ — 1 Johannesi 3:8.

AKISSUT TAMANNA QANOQ ILUAQUTIGISINNAAGIT

Nunarsuarmi ajornartorsiuteqarneranut pissutaasoq ilisimalersinnaavat. — Saqqummersitat 12:12.

Pissutsit pitsaanerulernissaannut isumalluarnerulersinnaavutit. — 1 Johannesi 2:17.

 BIIBILIMI ALLASSIMASUT UPPERISINNAAVAVUT?

Aap, pissutsit pitsaanerulernissaat upperisinnaavarput ilaatigut uku pingasut pissutigalugit:

  • Saatani naalakkersuiunnaassammat. Jehovap Guutip aalajangiusimalluinnarpaa Saatanip naalakkersuineranik unitsitsinissani. Guuti neriorsuivoq ‘Diaavulu pissaaneerutitikkumallugu’ taassumalu ajoqusiinerinik tamanik aaqqiilluinnarumalluni. — Hebræerit 2:14.

  • Guutip Jiisusi Kristusi nunarsuarmut naalakkersuisutut toqqarsimammagu. Jiisusi nunarsuup matuma maannakkut naalagaaneranit naakkittaatsumit namminissarsiortumit allaanerulluinnarpoq. Jiisusip naalakkersuinissaa pillugu Guuti ima neriorsuivoq: “Nallittussavai sanngiitsut piitsullu . . . Aniguisissavai qunutitaanermit nakuuserfigisaanermillu.” — Tussiaat 72:13, 14.

  • Guuti salluneq ajormat. Biibilimi ersarissumik ima allassimavoq: “Guuti tassaanngilaq inuk sallusartoq.” (4 Mosesi 23:19) Jehovap neriorsuutini tamaasa eqquutitittuaannarpai! (Esaja 55:10, 11) “Silarsuup matuma naalagaanera ajattorneqassaaq.” — Johannesi 12:31.

 EQQARSAATISSIISSUT

Nunarsuarmi naalagaasoq piuneerussaappat pissutsit qanoq ilissappat?

Akissut Biibilimeersoq ukunaniippoq: TUSSIAAT 37:10, 11 aamma SAQQUMMERSITAT 21:3, 4.