Imarisai

Imarisai

 ILINNIAGASSAQ 14

Pionerinut sunik ilinniarfeqarpa?

Pionerinut sunik ilinniarfeqarpa?

USA

Ilinniarfik Gileadi, Patterson, New York

Panama

Jehovap Nalunaajaasuisa Biibilimik tun­ngaveqartumik ilin­niartitaaneq ukior­pas­suarni ilisarnaatigi­simavaat. Ilin­niarfiit immik­kut ittut pif­fis­saq an­nertooq ator­lugu oqaluus­sisartut ‘kif­fartuummik naammas­sin­nin­nis­samin­nut’ iluaqutis­saat pilersin­neqarsimapput. – 2 Timotheusi 4:5.

Pionerinut Ilinniar­fik. Oqaluus­sisartoq ukioq ataaseq pioneriusimareeraangami naalagaaf­filer­saarfimmi aalajangersimasumi ul­luni arfinilin­ni pik­koris­sartin­neqartar­poq. Pik­koris­sarnermi pionerip Jehovamut qanil­linis­saminut, oqaluus­seriaat­sini as­sigiin­ngit­suni pik­korin­nerulernis­saminut oqaluus­sinermilu aalajaat­tuarnis­saminut ikiorneqarnis­saa siunertarineqartar­poq.

Kristumiunut Oqaluus­sisar­tunut Ilin­niarfik. Ilin­niarfimmi tamatumani qaammatinik mar­lun­nik sivisus­suseqartartumi pionerit misilit­tagaqar­luartut sumiif­fin­ni pisariaqartit­sif­fiunerusuni kif­fartorusut­tut ilin­niartin­nis­saat siunertarineqartar­poq. Taak­ku ima oqartar­pul­lusooq: “Piareersimavunga, aal­lartin­nga!” Taamaalil­lutik nunarsuarmi iivangkiiliulersaartuni pingaarner­paaq, Jiisusi Kristusi, ilaartar­paat. (Esaja 6:8; Johannesi 7:29) Anger­larsimaf­fit­sik qimal­lugu ungasis­sumut nuut­tut inooriaaseq, kulturi, silap pis­susaa nerisas­sal­lu sungius­simasanit al­laanerusut sungiun­niartariaqas­sagunar­paat. Al­laat al­lamiut oqaasii ilin­niartariaqas­sagunar­paat. Ilin­niarfimmi tamatumani qatan­ngutit arnat angutil­lu aappaqan­ngit­sut aappariil­lu 23-niit 65-it tungaan­nut ukiul­lit kristumiutut pis­suserineqartus­sanik kif­fartornermin­ni pisariaqartitamin­nik aamma Jehovamit peqatigiis­sortaanil­lu ator­luarneqarumal­lutik pigin­naasamin­nik ineriartortit­sinis­samin­nut ikiorneqartar­put.

Napasu­liap Alaper­naar­suif­fiup Biibilimik Ilin­niar­fia Gileadi. Oqaaseq hebræerisooq “Gileadi” isumaqar­poq “inus­suusiaq nalunaajaataasoq”. 1943-mi Gileadip pilersin­neqarneraniil­li ajoqersuiar­tortitatut ilin­niartut 8.000-nit amer­lanerusut iluat­sil­luartumik “nunarsuup isua tikil­lugu” nalunaa­jaajar­tortin­neqarsimapput. (Apustilit Suliaat 13:47) Gileadimi ajoqersuiar­tortitan­ngor­laat Perumut tikeq­qaarmata nunami ilageeqan­ngilaq. Ul­lumik­kut ilagiit 1.000-nit amer­lanerupput. Ajoqersuiar­tortitat Japanimi kif­fartuleq­qaarmata nunami oqaluus­sisartut quliun­ngil­lal­luun­niit, ul­lumik­kut 200.000-nit amer­lanerupput. Gileadimi qaammatini tal­limani pik­koris­sartit­sinermi Guutip oqaasia atuaq­qis­saarneqartar­poq. Specialpionerit, ajoqersuiartortitat suli Gileadimiis­siman­ngit­sut, immik­koortorta­qarfin­ni kif­fartortut nak­kutil­liisul­lu angalasartut Gileadimut qaaq­quneqartar­put. Ilin­niartut nunarsuaq tamak­ker­lugu oqaluus­sinermik pit­san­ngorsaanermut iluaqutis­samin­nik sukumiisumik ilin­niartin­neqartar­put.

  • Pionerinut Ilinniarfik sumik siunertaqarpa?

  • Kristumiunut Oqaluussisartunut Ilinniarfimmi kikkut ilinniartinneqartarpat?