Imarisai

Imarisai

 ILINNIAGASSAQ 21

Beteli suua?

Beteli suua?

USA-mi assiliartalersuiffik

Tysklandi

Kenya

Colombia

Beteli hebræerit taaguutaat isumaqar­poq “Guutip illua”. (1 Mosesi 28:17, 19) Taaguutaavoq Jehovap Nalunaajaasuisa immik­koortortaqarfiinut naleq­qut­toq, taak­kunan­ngaan­niit silarsuarmi sumi tamani oqaluus­sineq siulersorneqar­lunilu tapersersorneqar­poq. Siulersuisoqatigiit qul­lersaqarfimmi New Yorkimi USA-miit­tumi kif­fartor­put silarsuarmilu tamarmi immik­koortor­taqar­fippas­suarnik nak­kutil­liil­lutik. Taak­ku Betelini kif­fartortut ataat­simut isigalugit Betelik­kormiunik taaneqartar­put. Ilaqutariit­tut inooqatigiil­lutil­lu suleqatigiil­lutil­lu nereqatigiit­tar­put, aamma Biibilimik atuaq­qis­saaqatigiit­tar­put. – Tus­siaat 133:1.

Immikkut ittuuvoq. Angutit arnal­lu Betelini kif­fartortut imminut pil­liutigeriaan­naal­lutik Guutip piumasaatut iliorusupput pif­fis­sartil­lu tamaat Guutip naalagaaf­fiata soqutigisaanik tapersersuil­lutik. (Mat­thæusi 6:33) Akis­sarsiaqaratik ineqartitaapput nerisaqartitaal­lutil­lu namminermin­nul­lu tun­ngasunut aningaasartuutaat taperneqar­tar­lutik. Beteliniit­tut tamarmik sulias­saqartitaapput, soor­lu al­laf­fimmi, igaf­fimmi nerisarfimmiluun­niit. Al­lat naqiterivimmi, atuak­kerivimmi, errorsisarfimmi, eq­qiaasutut, aserfal­lat­saaliuisutut al­lanil­luun­niit suliaqar­lutik kif­fartor­put.

Oqaluus­sinermik siuar­saal­luni ulapaar­fiuvoq. Betelini tamani pingaarnertut siunertaasoq tas­saavoq sal­lusuis­sutip Biibilimeersup sapin­ngisamik amer­laner­paanut tusar­liun­nis­saa. Quppersagaq una as­sersuutigisin­naavar­put. Suliarineqarnera Siulersuisoqatigiin­nit nak­kutigineqar­poq, nut­serisunut silarsuarmi sumiik­kaluartunul­luun­niit elektroniskiusumik nas­siun­neqartar­poq, naqiteriviutit­ta ar­laan­ni ar­lalin­ni naqiterneqar­poq ilagiin­nul­lu 110.000-nit amer­lanerusunut nas­sius­sorneqar­luni. Tamak­kunani tamani Betelik­kormiut tapersersor­paat sulias­sat pingaarner­paartaat – nutaarsias­samik nuan­nersumik oqaluus­sis­sutigin­nin­neq. – Markusi 13:10.

  • Betelini kikkut kiffartorpat, qanorlu isumagineqarpat?

  • Suliaq pingaarutilik suna Betelini tapersersorneqarpa?