Imarisai

Imarisai

 ILINNIAGASSAQ 17

Ikinngutigiittuassagaanni nammineq ikinngutaasariaqarpoq

Ikinngutigiittuassagaanni nammineq ikinngutaasariaqarpoq

Ikinngutigiinneq asanninnermik tunngaveqarpoq. Jehova ilisarinerujar­tor­til­lugu asanerujar­tuin­nas­savat. Guutimut asan­nin­nerujar­tor­til­lutit kif­far­tuuk­kumanerujar­tus­savat­taaq. Tamatuma Jesus Kristusimut ajoqersugan­ngorusulersis­savaatit. (Matîuse 28:19) Jehovap Nalunaajaasuinut ilaqutariin­nut pil­luar­tunut ilan­nguk­kuit naas­saan­ngitsumik Guutimut ikin­ngutaalersin­naavutit. Taava qanoq ilior­tariaqar­pit?

Guutimut asanninnerit takutittariaqarpat inatsisaasa naalannerisigut. ’Guutimim­mi asan­nin­neq tas­saavoq inas­sutai maleruarutsigik, inas­sutaalu ar­tor­nan­ngil­lat.’ — 1 Juánase 5:3.

Ilinniakkatit maleruakkit. Jesus taman­na pil­lugu as­sersuusior­poq. As­sersuusiarai angut silatooq qaarsumi il­lulior­toq angul­lu sianiitsoq sioq­qani il­lulior­toq. Anorersualermat il­lu qaarsumi sananeqar­toq up­pin­ngilaq, il­luli sioq­qani sananeqar­toq up­perujus­suar­poq. Jesus oqar­poq ajoqersuum­minik tusar­toq maleruaasorlu angutitut silatuutut qaarsumi il­lulior­tutut it­toq, ajoqersuum­minil­li tusar­toq maleruaan­ngitsorli angutitut sianiitsutut sioq­qani il­lulior­tutut it­toq. Angut sorleq as­sigerusup­piuk? — Matîuse 7:24-27.

 Tunniulluinnarneq. Taman­na isumaqar­poq Jehova qinunik­kut oqarfigalugu naas­saan­ngitsumik piumasaatut iliorumal­luni. Guutip piumasaatut ilior­nik­kut takutis­savat Jesus Kristusimut ajoqersugaasutit. — Matîuse 11:29.

Kuisinneq. „Kuisigit taas­sumalu aq­qanik torlorfigin­nin­nik­kut ajor­titit piiarlugit.“ — apustilit suliait 22:16NV.

Guuti uummammik tamakkiisumik kiffartuuguk. ’Qanoq iliugas­sasi tamaasa kajumil­lusi suliarisigik [Jehovamul­lusooq], soorlu inun­nut pin­ngitsusi.’ — Kulorsamiut 3:23.