Imarisai

Imarisai

 TAPILIUSSAQ

Inngiliuneq Mikaeli kinaava?

Inngiliuneq Mikaeli kinaava?

PIN­NGOR­TITAQ anersaajusoq Mikaelimik taaneqar­toq Biibilimi eq­qar­tor­neqar­pal­laan­ngilaq. Eq­qaaneqaraangamili iliuuseqar­tutut eq­qaaneqar­tar­poq. Danielimik al­lak­kani in­ngilinut ajor­tunut akiuup­poq, Judasip al­lagaani Saatanimik saqitsaateqateqar­poq, Saq­qum­mersitanilu Diaavulu in­ngilipiluil­lu sorsuf­figai. Jehovap naalak­kersuineranik il­lersuinermigut taas­sumun­ngalu akeraasunut akiuun­nermigut Mikaeli atermi isumaa – “kina Guutitut ip­pa?” – naaper­torlugu iliuuseqar­poq. Mikaelili kinaava?

Ilaan­nik­kut inuit ataasiin­naan­ngitsumik ateqar­tar­put. As­sersuutigalugu ataataaner­paaq Jaaku aam­ma ilisimaneqar­poq Israelitut, apustililu Petrusi Siimuutut. (1 Mosesi 49:1, 2; Mat­thæusi 10:2) Taamatut­taaq Biibilimi ersersin­neqar­poq Jiisusi Kristusi, nunami inuunermi sior­na kingor­nalu, aam­ma Mikaelimik ateqar­toq. Taama isum­mer­nis­samut pis­sutis­sat Biibilimeersut misis­soriar­tigit.

Inngiliuneq. Guutip oqaasiani Mikaeli ‘in­ngiliuner­tut’ eq­qaaneqar­poq. (Judasi 9) Oqaaseq ‘in­ngiliuneq’ Biibilimi ator­neqaraangami tamatigut ataasersiutaasar­poq, qas­seersiutaan­ngisaan­narluni.  Taamaat­tumik in­ngiliuneq ataasiin­naasorinar­poq. Thes­salonikamiunut al­lak­kat siul­liit 4:16-imi Naalagaq Jiisusi Kristusi makititaasimasoq pil­lugu al­las­simavoq ‘qilam­mit aq­qarumaar­toq peq­quser­palun­neq in­ngiliunerul­lu nipaa tutsiup­pata’. Biibilimik nutsik­kani al­lani arlalin­ni versimi tamatumani erser­poq Naalagaq Jiisusi Kristusi aam­ma in­ngiliunermik taaguuteqar­toq. Taamaat­tumik Jiisusi tas­saasimas­saaq in­ngiliuneq Mikaeli.

Inngilerpassuit siulersortaat. Biibilimi al­las­simavoq ‘Mikaelip inngiliisalu uumasorujuk saas­suk­kaat’. (Saq­qum­mersitat 12:7) Tas­sa Mikaeli in­ngiler­pas­suar­nut aalajaatsunut siulersuisuuvoq. Saq­qum­mersitani Jiisusi aam­ma in­ngiler­pas­suar­nut aalajaatsunut siulersuisutut al­laatigineqar­poq. (Saq­qum­mersitat 19:14-16) Apustilip Paulusip “Naalagaq Jiisusi” taas­sumalu ‘in­ngilii pis­saasut’ im­mik­kut eq­qaavai. (2 Thes­salonikamiut 1:7) Tas­sa Biibilimi eq­qar­tor­neqar­put Mikaeli taassumalu in­ngilii aam­ma Jiisusi taassumalu in­ngilii. (Mat­thæusi 13:41; 16:27; 24:31; 1 Petrusi 3:22) Guutip oqaasiani sumiluun­niit ersersin­neqan­ngim­mat qilam­mi in­ngiler­pas­suit aalajaatsut peqatigiit as­sigiin­ngitsut marluk – aap­paa Mikaelimit siulersor­neqar­tut aap­paalu Jiisusimit siulersor­neqar­tut – pineqar­tut, paasinar­poq Mikaeli tas­saasimas­sasoq Jiisusi Kristusi qilam­mi inis­sisimaf­fim­miniit­toq. *

^ par. 1 Atip Mikaelip Guutip erneranut tunngatinneqarneranik ersersitsisunik uani paasissutissa­qarneruvoq: Indsigt i Den Hellige Skrift, atuagaq 2, qupp. 287-289. Jehovap Nalunaajaa­suinit saqqummersin­neqartoq.