Imarisai

Imarisai

 SAM­MISAQ PINGAAR­NEQ | JEHOVAP NALUNAAJAASUI KIK­KUUP­PAT?

Sooq oqaluussisarpugut?

Sooq oqaluussisarpugut?

Il­lumiit il­lumut, aq­qusiner­ni sumilu tamani inoqarfiusuni oqaluus­sisar­ner­put pingaar­ner­tut ilisar­naatigaar­put. Sooq oqaluus­sisar­pugut?

Guuti ataq­qinarsisin­niarlugu taas­sumalu aq­qa ilisimaneqalersin­niarlugu Jehovap Nalunaajaasui oqaluus­sisar­put. (Hebræerit 13:15) Aam­ma Jiisusip Kristusip peq­qus­sutaa una maleruarusup­par­put: “Taamaat­tumik aal­laritsi inuil­lu inuian­nit tamaneersut ... ajoqersugan­ngor­til­lugit, ajoqersorlugil­lu ilis­sin­nut peq­qus­sutik­ka tamaasa maleruaq­qul­lugit.” – Mat­thæusi 28:19, 20NW.

Tamatuma saniatigut tul­ler­put asavar­put. (Mat­thæusi 22:39) Soorunami nalun­ngilar­put inuit amerlanerit nam­min­neq up­perisaqar­tut inuil­lu ilaat tusarlius­satsin­nik soqutigin­nin­ngitsut. Taamaat­torli Biibilimi ajoqersuutigineqar­tut an­nas­sutaasin­naanerat up­peraar­put. Taamaat­tumik kristumiut siul­liit pisimanerat­tut ‘ajoqersuiner­put ingerlatiin­nar­tar­par­put nalunaajaatigalugulu Jiisusi tas­saasoq Tanitaq’. – Apustilit Suliaat 5:41, 42.

Sociologi Antonio Cova Maduro al­lap­poq “Al­lak­kat Il­ler­nar­tut nunarsuup isuanut al­laat an­ngun­nias­sam­mata ... Jehovap Nalunaajaasui ilungersorlutik iliuuseqangaarusut­tut.” – Aviisi El Universal, Venezuela

Biibililersaarutitsin­nik atuar­tar­tut amerlanersaat Jehovamik Nalunaajaasuun­ngil­lat. Inuil­lu mil­lionil­lit Biibilimik atuaq­qis­saaqatigisar­tak­kavut up­perisarsioqatigiin­nut al­lanut ilaasor­taap­put. Jehoval­li Nalunaajaasuinit pulaar­neqar­tar­ner­tik qujamasuutigaat.

Soorunami Jehovap Nalunaajaasui pil­lugit im­maqa al­lanik apeq­qutis­saqar­putit. Kajumis­saar­patsigit akis­sutis­sarsioq­qul­lutit

  • Jehovamik Nalunaajaasumut aperinik­kut.

  • Nit­tar­tak­kat­ta, www.jw.org-ip, alak­kar­neratigut.

  • Ataatsimiin­nitsin­nut, akeqan­ngitsunut tamanul­lu am­masunut, najuun­nik­kut.