Imarisai

Imarisai

 SAM­MISAQ PINGAAR­NEQ | JEHOVAP NALUNAAJAASUI KIK­KUUP­PAT?

Jehovap Nalunaajaasui inuttut qanoq ittuuppat?

Jehovap Nalunaajaasui inuttut qanoq ittuuppat?

Nunarsuaq tamak­kerlugu peqatigiif­fim­mut, up­perisarsioqatigiin­nut al­lanut at­tuumas­suteqan­ngitsumut, ilaasor­taavugut. Qul­lersaqarfip­put USA-miik­kaluar­toq Jehovap Nalunaajaasui amerlanerit nunani 230-nit amerlanerusuni najugaqar­put. 8 mil­lioningajaal­luta inuit al­lat Biibili pil­lugu ilin­niar­tit­tar­pavut. * Oqaluus­sisar­pugut Jiisusi ima oqarmat: “[Naalagaaf­fim­mik] iivangkiiliu taan­na silarsuarmi tamarmi oqaluus­sis­sutigineqas­saaq inuian­nut tamanut nalujun­naarsil­lugu.” – Mat­thæusi 24:14.

Sumi najugaqar­ner­put apeq­qutaatin­nagu politik­kimut akuliun­neq ajoraluarluta sapin­ngisamik inatsisinik maleruaaniar­tar­pugut. Taamaalior­tar­pugut Jiisusip kristumiut ‘silarsuarmut ilaaq­qun­ngim­magit’ (NW). Taamaat­tumik politik­kimut akuliun­neq ajorlutalu sorsun­ner­nik tapersersuineq ajor­pugut. (Johan­nesi 15:19; 17:16) Sorsun­nersuarmi kingul­lermi Jehovap Nalunaajaasui politik­kimut akuliun­neq ajoramik par­naarus­saasarlutil­lu naal­liutsin­neqar­tarlutil­lu al­laat toqun­neqar­tar­put. Tysklandimi biskop­piusimasoq ima al­lap­poq: “Taak­ku kisiar­taal­lutik Naalagaaf­fiit Pingajuan­ni sak­kutuujujuman­ngitsutut ilumoor­tutut oqaatigineqarsin­naap­put.”

“[Jehovap Nalunaajaasui] ileq­qoris­saar­tuup­put. Kis­saatiginaraluar­poq inuit taamaat­tut nam­minis­sarsiun­ngitsut al­laat politik­kik­kut pisor­taqarfin­ni qutsin­ner­paani atorfeqas­sasut – taman­nali ajor­nar­poq. ... Oqar­tus­saas­susilin­nik ataq­qin­nik­kaluarlutik up­peraat Guutip naalagaaf­fia kisimi inuiaat ajor­nar­torsiutaan­nik tamanik aaq­qiisin­naasoq.” – Aviisi Nová Svoboda, Tjek­kia.

Im­mik­koor­niar­tuun­ngilagul­li. Jiisusi Guutimut qinunermini ajoqersuk­kani pil­lugit ima oqar­poq: “Qin­nutin­ngilak­ka silarsuarmit peerseq­qul­lugit.” (Johan­nesi 17:15) Taamaat­tumik il­loqarfigisatsin­ni sulisugut, pisiniar­tugut atuar­tugul­luun­niit takusar­patsigut.

^ par. 3 Kalaal­lit Nunaan­ni Nalunaajaasut 150-it mis­saan­niip­put.