Imarisai

Imarisai

Kristusimik akerartuisoq kinaava?

Kristusimik akerartuisoq kinaava?

Filmi qiiaam­mer­nar­toq Antichrist-imik qulequtalik.

Nipilersor­tar­tut nuan­narineqar­tut nuusiaat Antichrist Superstar-imik qulequtalik.

Friedrich Nietzschep 1800-k­kun­ni isumaliutersor­tar­tup atuak­kiaa Antikrist-imik qulequtalik.

Ukiuni akul­ler­ni kun­ngit naalak­kersuisul­lu akerlilersor­titik Kristusimik akerar­tuisutut taasaat.

Mar­tin Lutherip, tyskip iluarsaaq­qin­nermi siulersuisup, katuul­lit paavii Kristusimik akerar­tuisutut taasai.

TAAGUUT “Kristusimik akerar­tuisoq” as­sigiin­ngitsunut, soorlu naalak­kersuisunut isigin­naagas­sianul­lu, taaguutitut ator­neqar­tarmat ima aperinis­saq pis­susis­samisoor­poq: Kristusimik akerar­tuisoq kinaava? Taaguut taan­na ul­lumik­kut pingaaruteqar­pa? Kristusimik akerar­tuisoq Biibilimi tal­limariarluni eq­qaaneqarmat taas­suma kinaas­susersiniar­nerani Biibilimik misis­suinis­saq pis­susis­samisuus­saaq.

KRISTUSIMIK AKERAR­TUISOQ QULAAR­NEQAR­POQ

Apustilip Johan­nesip Biibilimik al­laqataasuni kisiar­taal­luni taaguut “Kristusimik akerar­tuisoq” ator­paa. Taan­na qanoq al­laatigaa? Johan­nesip al­lagaani siul­ler­ni oqaatsit uku maluginiak­kit: “Qitor­naasusi, tas­sa nalunaaqut­tap-akun­nera kingul­leq; soorlumi tusarsimagis­si Kristusimik Akerar­tuisoq tikiuk­kumaar­toq, maan­na Kristusimik akerar­tuisut amerlasuut tak­kus­simap­put; tamatumuuna nalun­ngilar­put tas­saasoq nalunaaqut­tap-akun­nera kingul­leq. Uatsin­nit pisuugaluar­put, uagul­li ilagin­ngilavut. ... Sal­lutuujusoq kinaava, taan­naan­ngik­kuni Jiisusip Kristusiuneranik miserratigin­nit­toq? Taan­na Kristusimik Akerar­tuisoq tas­sa Ataatamik Er­nermil­lu miserratigin­nit­toq.” – 1 Johan­nesi 2:18, 19, 22.

Inuit Jiisusi Kristusi taas­sumalu ilin­niar­titsis­sutai pil­lugit piaaralutik sal­lulior­tut Kristusimik akerar­tuisumut as­sersuutaanerat Johan­nesip paasisimavaa

Al­las­simaf­fiit taak­ku qanoq ilin­niarfigaavut? Johan­nesip “Kristusimik akerar­tuisut amerlasuut” eq­qaagamigit erser­poq Kristusimik akerar­tuisoq inum­mut ataatsimut as­sersuutaanani inun­nut eqimat­tanut as­sersuutaasoq. Inuit peqatigiif­fiil­luun­niit Kristusimut akerar­tuisumut as­sersuutaasut sal­luliuutitik siaruar­ter­tar­paat, Jiisusip Kristusiunera, imaluun­niit Mis­siarsiunera, up­perin­ngilaat aam­ma Guutip er­neratalu, Jiisusip Kristusip, at­taveqatigiin­nerat pil­lugu sal­lulior­tarlutik. Kristusimut akerar­tuisumut as­sersuutaasut Kristusiunerar­tar­put taas­sumun­ngaluun­niit sin­niisuunerarlutik. ‘Uagutsin­nil­li pisuugamik’ Biibilimi ilin­niar­titsis­sutigineqar­tunik maleruaajun­naarsimap­put. Tamatuma saniatigut ‘nalunaaqut­tap-akun­nerani kingul­lermi’, tas­sa pif­fis­sami apustilit inuuf­figisaasa naggataatungaani, Johan­nesip al­lak­kani al­lam­magit inuit taak­ku inuup­put.

Johan­nesi Kristusimik akerar­tuisumut tun­ngatil­lugu qanoq aam­ma al­lap­pa? Al­lak­kami aap­paan­ni pruf­fiitioq­qusersut eq­qar­toramigit ima al­lap­poq: “Peq­quserlut­tum­mi silarsuarmut aal­larsimasut amerlaqaat; taak­ku tas­saap­put Jiisusip Kristusiuneranik, uinik­kut tikiun­neranik, nas­suerutigin­nin­ngitsut. Taan­na tas­saavoq peq­quserlut­toq Kristusimil­lu akerar­tuisoq.” (2 Johan­nesi 7) Inuit Jiisusi Kristusi taas­sumalu ilin­niar­titsis­sutai pil­lugit piaaralutik sal­lulior­tut Kristusimik akerar­tuisumut as­sersuutaanerat Johan­nesip paasisimagaa ersarip­poq.

‘PRUF­FIITIOQ­QUSERSUT’ AAM­MA “INATSISAATSUUNERUP INUT­TAA”

Pruf­fiitioq­qusersut “savatut atisaqarlutik” saq­qum­merumaar­nerat Jiisusip mianersoq­qus­sutigaa

Johan­nesip up­perisarsior­nik­kut tam­mar­titsiniar­tunik al­laatigin­nin­nera sioq­quterujus­suarlugu Jiisusip Kristusip ajoqersuk­kani ima siun­nersor­pai:  “Pruf­fiitioq­qusersunut mianersoritsi; taak­kua savatut atisaqarlutik or­nit­tar­paasi, ilumik­kul­li amaruup­put kiisor­tut.” (Mat­thæusi 7:15) Taamatut­taaq apustilip Paulusip Thes­salonikami kristumiut ima mianersoq­quai: “Nakutitaanaveeritsi qanoq it­tunil­luun­niit. [Jehovam­mi ul­lus­saata nal­liutin­ngin­nerani nal­liuteq­qaar­tus­saavoq] tunus­sineq saq­qum­mersin­neqas­sal­lunilu inatsisaatsuunerup inut­taa, tam­mar­nerup er­nera.” – 2 Thes­salonikamiut 2:3.

Kristumiut siul­liit nalaan­nili pruf­fiitioq­qusersut tunus­sisul­lu kristumiut ilagiivinik san­ngiil­lisitsiniarlutik aal­lar­tereersimap­put. Jiisusi Kristusi taas­sumalu ilin­niar­titsis­sutai pil­lugit sal­lulior­tut up­perisarsior­nik­kul­lu tam­mar­titsiniar­nermut ilaasut tamarmik taaguum­mi Johan­nesip atugaani ‘Kristusimik akerar­tuisumi’ pineqar­put. Paulusip taak­ku ‘tam­mar­nerup er­neranik’ taam­magit Jehovap taak­ku pil­lugit isumaa ersersin­neqar­poq.

NALITSIN­NI KRISTUSIMIK AKERAR­TUISOQ MIANERSORFIGIUK

Nalitsin­nimi? Inuit peqatigiif­fiil­lu Kristusimik akerar­tuisumut as­sersuutaasut suli Kristusimik taas­sumalu ilin­niar­titsis­sutaanik akerlilersuip­put. Ataatap, Jehovap Guutip, er­neratalu, Jiisusip Kristusip, kinaas­susaan­nut tun­ngatil­lugu paatsiveerutitsiniarlutik piaaralutik sal­lulior­tarlutil­lu tam­mar­titsiniar­tar­put. Up­perisarsior­nik­kut tam­mar­titsiniar­tut taak­kua mianersorfiginis­saan­nut pis­sutis­saqarluar­pugut. As­sersuutit marluk sam­meriar­tigit.

Ukiuni hundredilin­ni oqaluf­fiit Ataataq Er­nerlu as­sigiin­nerarlugit ataasiul­lunilu pingasuus­sutsimik ajoqersuut ilin­niar­titsis­sutigisimavaat. Kristusimik akerar­tuisoq taamaasil­luni Jehovap Jiisusil­lu Kristusip kinaas­susaat paasiuminaatsun­ngor­tis­simavai. Taman­nalu pis­sutigalugu inuit eq­qor­tuliorusut­tut Jiisusimik Kristusimik ilaarsinis­samik Guutimul­lu qanil­linis­samik Biibilimi kajumis­saarutigineqar­tut maleruar­nis­saan­nut akor­nuser­neqar­put. – 1 Korinthimiut 11:1; Jaaku 4:8.

Biibilimik nutserinermi Guutip aq­qanik, Jehovamik, atuisan­ngin­nis­samik tapersersuinik­kut oqaluf­fiit paatsiveerutitsinerulersimap­put. Taamaalior­tar­put Jehovap aq­qa Biibilip al­las­simaq­qaarfiini 7000-t sin­nerlugit al­las­simagaluar­toq. Taman­na qanoq kinguneqar­pa? Guutip kinaas­susivia paasiuminaan­neruler­poq.

Guutil­li aq­qanik, Jehovamik, ilisiman­nin­neq inup­pas­suit eq­qor­tuliorusut­tut Guutimut qanil­linis­samin­nut iluaqutigaat. Richardimik atil­lip taman­na misigaa. Jehovap Nalunaajaasuinik marlun­nik oqaloqateqar­nini ima oqalut­tuaraa: “Guutip ilumoor­tup Jehovamik ateqar­nera Biibilimi takutip­paat. Guutip ateqar­nera tusarsiman­ngisaan­narak­ku ajasoorutigaara.” Taamanimiil­li najoq­qutas­siat Biibilimeersut maleruarsin­naajumal­lugit Jehovamil­lu iluarisaasin­naajumal­luni inooriaatsini al­lan­ngor­tip­paa. “Guutip ateqar­neranik ilin­niar­nera qanit­tumik at­taveqarfiginis­saanut iluaqutigaara.”

Ukiuni hundredilin­ni Kristusimik akerar­tuisup inuit mil­lionil­lit anersaak­kut taarsior­tis­simavai. Guutip oqaasiata, Biibilip, atuaq­qis­saar­tar­neratigut Kristusimik akerar­tuisup kinar­piaanera taas­sumalu up­perisarsior­nik­kut sal­luliuutaanit tam­mar­titsiniutaanil­lu qanoq aniguisin­neqarsin­naaner­put ilin­niarsin­naavar­put. – Johan­nesi 17:17.