Imarisai

Imarisai

 SAM­MISAQ PINGAAR­NEQ

Pornografii — ajoqutaanngila imaluunniit ajoqutaava?

Pornografii — ajoqutaanngila imaluunniit ajoqutaava?

Ul­lumik­kut nunarsuaq inuuf­figisar­put por­nografiimik ulik­kaar­poq. * Pilerisaarutini, nutaanik atisalior­nerup silarsuaani, isigin­naagas­siani, nipilersuutini, atuagas­siani, fjer­nsynimi, qarasaasiak­kut pin­nguaatini, nit­tar­tak­kani, oqarasuaatini qarasaasiar­talin­ni angal­lat­tak­kanilu kiisalu nit­tar­tak­katigut as­sinik siam­mar­terivin­ni por­nografii takuneqarsin­naavoq. Inuin­naat akor­nan­ni por­nografii nalingin­naasorujus­soor­pasip­poq. Oqalut­tuarisaanermi aatsaat taama por­nografii inun­nit amerlatigisunit, sumiif­fin­ni amerlatigisuni an­ner­tutigisumil­lu atugaalersimavoq. — Takuuk ungalusaq  “Por­nografii pil­lugu paasis­sutis­sat”.

Por­nografiimut tun­ngatil­lugu isigin­nit­taaseq aam­ma al­lan­ngoriar­tor­poq. Profes­sori Gail Dines ima al­lap­poq: “Ul­lumik­kut as­sit ima ingasatsigilersimap­put al­laat siusin­nerusuk­kut por­notut ingasat­tutut isigineqarsimasut mas­sak­kut por­notut ingasan­ngitsutut isigineqalersimal­lutik.”

Taama isigin­nit­taaseqalersimaneq qanoq isumaqarfigaajuk? Por­nografii aliik­kutaan­naava ajoqutaan­ngitsoq, ulorianar­tuua toqus­sutaasin­naasoq imaluun­niit taak­ku akor­nan­niip­pa? Jiisusi ima oqar­poq: “Or­pik ajun­ngitsoq sunaluun­niit ajun­ngitsunik inerititaqar­tar­poq or­pil­lu ajor­toq ajor­tunik inerititaqar­tarluni.” (Mat­thæusi 7:17) Por­nografii qanoq it­tunik ‘inerititaqar­tar­pa’? Taak­ku  akis­sutis­sarsiumal­lugit por­nografii pil­lugu apeq­qutit tun­ngaviusut sam­mis­savavut.

Por­nografii qanoq sun­niuteqar­tar­pa?

ILISIMATUUT OQAASERISAAT: Por­nografii pin­ngitsuuisin­naajun­naar­nar­torujus­suuvoq. Al­laat misis­sueq­qis­saar­tar­tut katsorsaasar­tul­lu ilaasa kokainimut as­sersuut­tar­paat.

Brian, * nit­tar­tak­katigut por­nografiimik pin­ngitsuuisin­naan­ngitsuusimasoq, ima oqalut­tuar­poq: “Sunaluun­niit unis­sutigisin­naan­ngilara. Eq­qan­niit­tunik sianigisaarut­tutut misigisar­punga. Amerlaner­tigut timiga tamarmi sajut­tarlunilu niaqorluler­tar­punga. Sapin­ngisara tamaat unin­niarsarigaluar­punga, ukior­pas­suar­nili pin­ngitsuuisin­naan­ngitsuuvunga.”

Amerlaner­tigut inuit por­nografiimik pin­ngitsuuisin­naan­ngin­nermin­nik iser­tuisarlutil­lu sal­luliuler­tar­put. Tupin­nan­ngilaq pin­ngitsuuisin­naan­ngitsut amerlasuut kiserlior­tutut, kan­ngusut­tutut, an­nilaangasutut, nikal­lungarujus­suar­tutut kamas­saqar­tutul­luun­niit misigisarmata. Ilaat al­laat im­minor­nis­samin­nik eq­qarsaateqaler­tar­put. “Nam­minis­sarsiulerlungalu isumatsaq­qangaaler­punga,” taama Serge, ul­lut tamangajaasa por­nonik mobiliminut aal­ler­tarsimasoq, taama oqar­poq. “Naleqan­ngitsutut, kan­ngusut­tutut par­naarus­saaq­qasutul­lu misigivunga. Ikioq­qunis­san­nut it­toor­pal­laarlungalu an­nilaangaval­laar­punga.”

Sivikitsuin­narmik nalaatsor­nerin­nak­kul­luun­niit por­nografiimik isigin­naar­neq ajor­tumik sun­niuteqarsin­naavoq. USA-mi senatip ataatsimiititaliaani tusar­niaanermi nakorsaq misis­sueq­qis­saar­tar­torlu Judith Reisman ima oqar­poq: “Por­nografiimik isigin­naar­neq puiuk­kiutitin­neqar­tarlunilu qaratsamik al­lan­ngor­titsisar­poq ingerlaan­narlu, nam­mineq iliuuseqarfigisin­naan­ngisamik ataavar­tumil­li, eq­qaamasin­naas­sutsimi peer­neqarsin­naan­ngingajat­tumik imaluun­niit peer­neqarsin­naan­ngil­luin­nar­tumik in­narliisarluni.” Susan 19-inik ukiulik nalaatsor­nerin­nak­kut inter­netik­kut nit­tar­tak­kani por­nografiimik takusaqar­toq ima oqalut­tuar­poq: “As­sit puiuk­kiul­lugil­lu eq­qaariasaar­tar­pak­ka. Ilaan­nik­kut misigisar­punga puiun­ngisaan­nas­sal­lugit.”

INER­NILIINEQ: Por­nografii inus­sian­ngor­titsisarlunilu aseruisar­poq. — 2 Petrusi 2:19.

Ilaqutariit por­nografiimit qanoq sun­ner­neqar­tar­pat?

ILISIMATUUT OQAASERISAAT: “Por­no aap­pariit avit­tar­neran­nut ilaqutariil­lu avis­saar­tuut­tar­neran­nut pis­sutaavoq.” — The Porn Trap Wendymit Larrymil­lu Maltzimit.

Por­nografiip aap­pariit

  • tatigin­nik­kun­naarsit­tar­pai, qanimut at­taveqarun­naarsit­tar­pai asan­nik­kun­naarsit­tarlugil­lu. — Us­satit 2:12-17.

  • nam­minis­sarsiulersit­tar­pai, aap­parisamik naam­magin­nik­kun­naarsit­tar­pai im­min­nul­lu misigis­suseerutsit­tarlugit. — Efesosimiut 5:28, 29.

  • peq­qin­nan­ngitsumik atoqateqarusulersit­tarlugil­lu pileris­suseqalersit­tar­pai. — 2 Petrusi 2:14.

  • aap­paasup maajugisaanik atoqatigiin­nermi iliuuseqar­tit­tar­pai. — Efesosimiut 5:3, 4.

  • misigis­sutsik­kut timik­kul­lu al­lasior­tit­tar­pai. — Mat­thæusi 5:28.

 Biibilimi al­las­simavoq aap­pariit im­min­nut ‘ilumuun­ngitsuliorfigis­san­ngitsut’. (Malaki 2:16) ‘Ilumuun­ngitsulior­neq’ tas­saavoq al­lasior­neq aap­pariin­nermik aseruisin­naal­lunilu averuser­nermik avin­nermil­lu kinguneqarsin­naasoq. Ilaqutariit avis­saar­tuun­nerat meeq­qanut ajoquseerujus­suarsin­naavoq.

Por­nografii aam­ma meeq­qanik toq­qaan­nar­nerusumik ajoqusiisin­naavoq. Brian siusin­nerusuk­kut eq­qaaneqar­toq ima oqalut­tuar­poq: “Qulinik ukioqarlunga toq­qor­taaqataanin­ni ataatama por­nomik atuagas­siaatai nalaatsor­nerin­nak­kut nas­saaraak­ka. Iser­torlunga isigin­naar­taler­pak­ka as­sil­lu taamaat­tut sooq kajungerinerlugit iluamik paasisin­naanagu. Inersimasun­ngoreerlunga al­laat taman­na ileq­qupalaarivara.” Misis­suiner­ni paasineqarsimavoq por­nografiip inuusut­tuaq­qat ukiukitsuuneran­niit kinguaas­siuutitigut atoqateqar­tar­tun­ngor­tit­tarai, tamalikat­tumik kinguaas­siuutitigut atoqateqalersit­tarai aam­ma kinguaas­siuutitigut atoqateqar­nermi nakuusilersit­tarlugil­lu misigis­sutsik­kut eq­qarsar­taatsik­kul­lu ikiler­tarai.

INER­NILIINEQ: Por­nografii aap­pariin­nermik aseruisarlunilu uum­matik­kut aliasulersitsisarlunilu ajor­nar­torsiuteqalersitsisar­poq. — Us­satit 6:27.

 Por­nografii pil­lugu Guuti qanoq isigin­nit­taaseqar­pa?

GUUTIP OQAASIANI IMA AL­LAS­SIMAVOQ: “Taamaat­tumik avatisi ... toqulersis­savasi kan­ngunar­tulior­neq, mingun­nar­tulior­neq, tiin­ngar­tuneq, pileris­suseq ajoqutaasoq, piumatuunerlu, tas­sa guutipilus­sior­neq, eq­qarsaatigalugit.” — Kolos­semiut 3:5NW.

Naatsumik oqaatigalugu Jehovap * Guutip por­nografii uumigaa. Kinguaas­siuutitigut atoqatigiin­nermut tun­ngatil­lugu sukangaval­laar­tuunera tamatumun­nga pis­sutaan­ngilaq. Kinguaas­siuutik­kut pileris­suseqar­til­luta pin­ngor­tip­paatigut, siuner­tarivaalu taman­na aap­pariit katisimasut im­min­nut nuan­naar­tin­niarlutik atus­sagaat, misigis­sutsik­kut im­min­nut qanil­lis­sutigis­sagaat meeq­qior­nermik­kul­lu pil­lualis­sutigis­sagaat. — Jaaku 1:17.

Jehovap por­nografiimik taama uumigin­nitsigineranut suna pis­sutaava? Pis­sutaasut amerlan­ngitsut eq­qarsaatigik­kit.

  • Nalun­ngin­namiuk por­nografiip inuit inuuneran­nik aseruisin­naasoq. — Efesosimiut 4:17-19.

  • Asal­lutalu il­lersorusuk­kamisigut. — Esaja 48:17, 18.

  • Aap­pariin­neq ilaqutariin­nerlu ser­nis­sorusuk­kamigit. — Mat­thæusi 19:4-6.

  • Ileq­qus­satigut minguitsuutik­kusul­lutalu al­lat pisin­naatitaaf­fiinik ataq­qin­nit­tuutik­kusuk­kamisigut. — 1 Thes­salonikamiut 4:3-6.

  • Kinguaas­siorsin­naanitsin­nik ataq­qin­nin­nis­sar­put ataq­qin­nit­tumil­lu atuinis­sar­put kis­saatigigamiuk. — Hebræerit 13:4.

  • Nalun­ngin­namiuk por­nografii atoqatigiin­nermik ajor­tumik, nam­minis­sarsior­tumik Saatanisul­lu isigin­nit­taaseqar­nermik ersersitsisoq. — 1 Mosesi 6:2; Judasi 6, 7.

INER­NILIINEQ: Por­nografiip inuit Guutimik ikin­nguteqarsin­naajun­naarsit­tar­pai. — Romamiut 1:24.

Jehova por­nografiip nigaanit aniguerusut­tunut misigin­neqataangaar­poq. Biibilimi ima al­las­simavoq: “Naalagaq naak­kin­nil­lunilu saam­maasuuvoq, kamajaatsuul­lunilu ilumoorsusermil­lu peqangaarluni. Nalun­ngilaami pin­ngor­titaasugut, eq­qaamavaa pujualaasugut.” (Tus­siaat 103:8, 14) Jehovap inuit maniguut­tut ‘nal­lit­tor­neqaq­qul­lutik saam­maan­neqaq­qul­lutil­lu pif­fis­saq eq­qorlugu ikior­neqaq­qul­lutik’ im­minut saan­nis­saat kis­saatigaa. — Hebræerit 4:16; takuuk ungalusaq  “Qanoq por­nografiip nigaanit aniguisoqarsin­naasoq”.

Inup­pas­suit Guutimit ikior­neqar­tis­simap­put. Taas­suma ikiuinera sun­niuteqarluar­tar­pa? Maluginiaruk ileq­qupalaaqarun­naarsimasut pil­lugit Biibilimi qanoq al­las­simasoqar­toq: “[Uf­far­neqarlusi] minguiar­neqar­pusi, il­ler­nar­titaavusi, iluar­tuutitaavusi Naalak­kap Jiisusi-Kristusip aq­qatigut Guutit­talu Anersaavatigut.” (1 Korinthimiut 6:11) Inuit taamaat­tut apustilitut Paulusitut ima oqarsin­naap­put: “Tamaasa pis­satsitsisik­kut atus­sal­lugit sapin­ngilak­ka.” — Filip­pimiut 4:13.

Susan, por­nografiimik pin­ngitsuuisin­naan­ngin­nerminit aniguisoq ima oqar­poq: “Jehovap kisimi ilorraap tungaanut saan­nis­san­nut ikiorsin­naavaatit. Ikioq­qul­lutit siulersoq­qul­lutil­lu qin­nuigiguk­ku taas­sumun­nga akuerisaasumik at­taveqalersin­naavutit. Pakatsisin­navian­ngilaatit.”

^ par. 3 Oqaaseq “por­nografii” tiingasulersaarutinut isigin­naar­tumut, atuar­tumut tusar­naar­tumul­luun­niit kinguaas­siuutitigut pilerisulersitsinis­samik siuner­taqar­tunut tun­ngatil­lugu ator­neqar­poq. As­sit, al­lak­kat nipil­luun­niit tiingasulersaarutaasin­naap­put.

^ par. 8 Al­laaserisami atit ilaat al­lan­ngor­titaap­put.

^ par. 25 Biibili naaper­torlugu Guuti Jehovamik, imaluun­niit Jahvemik, ateqar­poq.