Imarisai

Imarisai

 ILAQUTARIIN­NUT SIUN­NERSUUTITSIALAAT

Aap­paneq­qit­tut qanoq aap­pariil­luarsin­naasut

Aap­paneq­qit­tut qanoq aap­pariil­luarsin­naasut

HERMAN: * “Ukiuni 34-ni aap­pareereer­tugut nuliara siul­leq kræfterluni toquvoq. Kateq­qik­kama nuliariligara Linda misigisar­poq nulian­nut siul­lermut naleq­qiut­tarin­ni. Aam­ma uanga qangali ikin­ngutigisak­ka nuliama siul­liup pis­susiinik nuan­nersunik eq­qar­tuikulasar­put, taman­nalu Lindap eq­qis­sisimajun­naarutigisar­paa.”

LINDA: “Hermanilu katin­nit­ta kingor­na misigisar­punga nuliata siul­liup nuan­narineqar­neratul­li Hermanip al­lal­lu nuan­naritigiler­navian­ngik­kaan­nga. Taan­nami asaneqangaarlunilu sal­laatsuul­lunilu perorsarluarsimasuuvoq. Ilaan­nik­kut eq­qarsaatigisar­para taas­suma Hermanimut qanit­tumik at­taveqarsimaneratut qaqugumul­luun­niit at­taveqalersin­naas­sanerlunga.”

Lindap, avin­nerusup, Hermanil­lu naapis­simaner­tik nuan­naarutigeqaat. Nas­suerutigaal­li aap­paneq­qin­neq unam­miniar­nar­tor­taqar­toq aap­pariin­nermi siul­lermi misigisiman­ngisanik. *

Aap­paneq­qis­simaguit maan­nak­kut aap­pariin­nersi qanoq isumaqarfigaajuk? Nuliaasoq Tamaramik atilik avin­nermi kingor­na ukiut pingasut qaangiut­tut aap­paneq­qis­simasoq ima oqar­poq: “Katin­nermi siul­lermi im­mik­kut it­tumik misiginar­tar­poq naas­saan­ngitsumut aap­pariis­sal­luni. Aap­paneq­qin­nermili taamatut im­maqa misiginan­ngilaq aap­pariin­nerup siul­liup kipineqarsimanera eq­qaaq­qajaanar­tarmat.”

Taamaak­kaluar­toq aap­pariip­pas­suit aap­paneq­qis­simasut ataavar­tumik pil­luangaar­put. Iliuuseqar­nik­kut aap­pariil­lualersimap­put — aam­ma ilis­si aap­pariil­lualersin­naavusi! Unam­miniar­nar­tut nalingin­naasut pingasut najoq­qutas­sial­lu Biibilimeersut  qanoq iluaqutaasin­naanersut misis­soriar­tigit. *

UNAM­MINIAR­NAR­TOQ 1: AAP­PAP­PIT SIUL­LIUP MAAN­NAK­KUT AAP­PARISAN­NIT INITUN­NGIN­NERUNIS­SAA ILUNGERSUUTIGAAT.

“Aap­para siul­leq eq­qaan­ngitsoorsin­naan­ngilara, ingam­mik taan­nalu angalaf­figisimasavut feeriarfigisarsimasavul­lu angalaf­figigaangatsigik,” El­len Sydafrikami najugalik oqar­poq. “Ilaan­nik­kut maan­nak­kut uiga uigigaluan­nut sanil­liut­toor­tar­para.” Maan­nak­kul­li aap­pap­pit aap­pani siul­leq eq­qar­tukulap­pagu qanoq igis­sagaluar­piuk?

Aap­pariit­tut im­mis­sin­nut qanil­linerujumal­lusi misigisas­sarsioqatigiigitsi

SIUN­NERSUUT: Akueriuk piviusorsior­nerun­ngitsoq il­lit aap­pap­pil­luun­niit aap­parisimasas­si siul­liup puior­nis­saa — ingam­mik ukior­pas­suar­ni aap­parisimagus­siuk. Ilaasa nas­suerutigaat maan­nak­kut aap­par­tik aap­parmik siul­liup aq­qanik taasoorsimal­lugu. Taamaat­toqaraangat susin­naavit? Biibilimi ima siun­nersuuteqar­poq: “Paaseqatigiin­niar­taritsi.” — 1 Petrusi 3:8, New Century Version.

Ima sangiatsigis­san­ngilatit (ningar­tigis­san­ngilatit) aap­pap­pit aap­parisimasaata sun­nguamil­luun­niit eq­qaaneqar­nis­saa iner­teq­qutaatil­lugu. Aap­pap­pit aap­parisimasani eq­qar­torusup­pagu misigin­neqataal­lutit paasin­nit­tuul­lutil­lu tusar­naarit. Aam­ma sanil­liun­neqarlutit isum­mipal­laqinak. “Nuliama Kaitlynip nuliarigaluama eq­qar­tor­neqar­nis­saa iner­teq­qutaatin­ngisaan­nar­paa,” Ian ukiut qulit matuma sior­na aap­paneq­qit­toq oqar­poq. “Isumaqar­pormi uan­nik ilisarisiman­niler­nerunis­saminut iluaqutigis­sal­lugu.” Im­maqa aam­ma il­lit paasis­savat taamatut oqaloqatigiin­nerit maan­nak­kut aap­pan­nut qanil­linerus­sutigisin­naal­lugit.

Maan­nak­kut aap­parisavit pis­susii nuan­nersut isiginiar­neruk­kit. Aap­parisimasat nuan­nersunik pis­suseqarlunilu pigin­naaneqarsimas­saaq, maan­nak­kul­li aap­parisat aap­parisimasan­nit al­laanerugaluarluni aam­ma nuan­nersunik pis­suseqarlunilu pik­korif­feqas­saaq. Taamaat­tumik maan­nak­kut aap­pariin­nersi ‘al­lanut naleq­qiun­nagu’ nukit­torsaruk, taamaaliorsin­naavutit asaqatigiin­nersi pingaar­til­lugu aam­ma sooq asaqatigiin­nerlusi eq­qarsaatigeq­qis­saarlugu. (Galatiamiut 6:4) Angut Edmondimik atilik aap­paneq­qis­simasoq ima oqar­poq: “Soorlu ikin­ngutit as­sigiin­ngitsuusut taamatut­taaq aap­parisimasaq aap­pariligarlu as­sigiin­ngil­lat.”

Aap­parisimasat pil­lugu eq­qaamasatit nuan­nersut maan­nak­kut aap­parilik­kan­nut qanoq ajoqutaatin­naveersaarsin­naavigit? “Ilaan­ni nuliara nas­suiaap­para aap­parisimasaralu inuuner­put atuak­katut nuan­nersutut it­toq nuliarisimasan­nit uan­nil­lu al­lataq,” Jared oqar­poq. “Atuagaq taan­na qup­pil­lat­taar­taraluarlugu misigisimasavul­lu nuan­nersut eq­qarsaatigisaraluarlugit atuak­kami tamatumani inuun­ngilanga. Maan­nak­kum­mi nuliaralu uagut atuagaatis­satsin­nik atuak­kioqatigiip­pugut, tas­sanilu pil­luarlunga inuuvunga.”

IMA MISILIIGIT: Aap­pat aperiuk aap­parisimasat eq­qar­tor­neqaleraangat tujormisar­nersoq. Paasiniaruk qaquguk­kut aap­parisimasat eq­qar­tun­ngik­kuk­ku pitsaanerus­sasoq.

UNAM­MINIAR­NAR­TOQ 2: IKIN­NGUTITOQ­QANIK AAP­PAN­NIK ILISARISIMAN­NIN­NGITSUNIK PEQATEQAR­TAR­NERIT UNAM­MINIAR­NAR­TIP­PAT.

“Katin­nit­ta kingor­na nuliara misigisar­poq uanga ikin­ngutima ilaasa isor­nar­torsior­niarluni nalilersor­niakujut­tutut isigisaraan­ni,” oqar­poq Javier avin­nermi kingor­na ukiut arfinil­lit qaangiut­tut aap­paneq­qit­toq. Uiusup Leomik atil­lip nalaatai al­laap­put. Ima oqalut­tuar­poq: “Inuit ilaasa nuliara oqalut­tuut­tar­paat uigisimasaa qanoq asatigalugulu maqaasitigigitsik — uf­fa tusaasunga!”

SIUN­NERSUUT: Ikin­ngutip­pit misigis­susii eq­qarsaatigik­kit. Ian eq­qaaneqareersoq ima oqar­poq: “Isumaqar­punga ikin­ngutitoq­qat ilaan­nik­kut ajor­nakusoor­tit­taraat peq­qusiileqinarisaraal­lu aap­pariit aap­paan­naa ilisarisimal­lugu katerisimaar­tar­ner­tik.” Taamaat­tumik ingasaas­sinian­ngitsuul­lutil­lu ‘saamasuugit inoqatitil­lu tamaasa qanilaar­tumik pis­suseqarfigik­kit’. (Titusi 3:2) Ikin­ngutivit ilaqut­tavil­lu pis­sutsinut al­lan­ngor­tunut sungius­sinis­saan­nut pif­fis­saqar­tik­kit. Al­lamik aap­par­taar­neq ikin­ngutinut sun­niuteqarsin­naavoq. Javier oqar­poq pif­fis­sap ingerlanerani sior­natigut ikin­ngutigisimasatik qanil­leq­qik­kitik. Oqaatsinilu ima ilavai:   “Aam­mali aap­pariit­tut ikin­ngutitaas­sarsior­pugut, taman­nalu aam­ma iluaqutigaar­put.”

Ikin­ngutitoq­qat ilagigaangas­sigit aap­pap­pit misigis­susii eq­qarsaatigisak­kit. As­sersuutigalugu aap­parisimasat eq­qar­tor­neqaleraangat periaaseril­lutil­lu naliliil­luarsin­naas­suseqar­tarit maan­nak­kut aap­parisat ilaluarineqar­tutut misigeq­qunagu. Biibilimi ima us­sateqar­poq: “Eq­qarsariaq­qaar­nani oqaaserisat panatut kapisisar­put, ilisimasul­li oqaa katsorsaataasar­poq.” — Us­satit 12:18.

IMA MISILIIGIT: Katerisimaas­samaaleraangas­si ilin­nut aap­pan­nul­luun­niit peq­qusiileqis­sutaasin­naasut eq­qarsaatigereer­tak­kit. Aap­parisimasamut tun­ngatil­lugu ikin­ngutit apeq­qutigisin­naasaat oqaaserisin­naasaal­lu pitsaaner­paamik qanoq qisuariarfigisin­naanerlusigit eq­qar­toqatigeereersigit.

UNAM­MINIAR­NAR­TOQ 3: AAP­PARISIMASAT AL­LASIORSIMAM­MAT MAAN­NAK­KUT AAP­PARISAT TATIGIU­MINAATSIP­PAT.

“Ilumuun­ngitsuliorfigineqaq­qin­nis­sara an­nilaangagisarsimavara,” Andrew nuliaminit siul­lermit qimagaasoq oqar­poq. Kingusin­nerusuk­kut Myr­na nuliariler­paa. “Siul­lermik eq­qarsaatigisar­para Myr­nap uigigaluatut uiul­luar­tigisin­naanerlunga. Al­laat an­nilaangasarsimavunga uiul­luan­ngis­soralunga qimal­lunga al­lamik aap­par­taas­sasoralugu.”

SIUN­NERSUUT: Iser­tuar­nak aap­pat isumakuluutin­nik oqalut­tuut­taruk. “Isumalioqatigiit­toqan­ngik­kaangat pilersaarutit asuliin­nar­tar­put,” Biibilimi al­las­simavoq. (Us­satit 15:22) Andrewip Myrnal­lu am­masumik oqaloqatigiit­tar­ner­tik tatigeqatigiin­nis­samin­nut iluaqutigiar­tuaar­paat. Andrew ima oqar­poq: “Myrna oqalut­tuup­para ajor­nar­torsiutit anigor­niapal­laan­nar­niarlugit avin­neq aaq­qiis­sutiginian­ngisaan­nas­sal­lugu. Myrna aam­ma taamatut neriorsuivoq. Maan­na tatigil­luin­nar­para.”

Aap­pap­pit aap­parisimasaa al­lasiorsimap­pat sapin­ngisan­nik iliuuseqarit aap­pat ilin­nik tatigin­nileq­qul­lugu. As­sersuutigalugu Michel Sabinelu, marluul­lutik avin­nerit, isumaqatigiip­put aap­parisimasamin­nik at­taveqarsimagunik im­min­nut oqalut­tuun­niarlutik. “Taamatut pisus­saaf­feqatigiin­ner­put toq­qis­sisimas­sutigaar­put,” Sabine oqar­poq. — Efesosimiut 4:25.

IMA MISILIIGIT: Ar­naaguit angutinut, angutaaguit ar­nanut, kisimiitil­lutit at­taveqar­tar­nerit kil­lilersimaaruk, aam­ma telefonik­kut inter­netik­kul­lu.

Aap­paneq­qit­tor­pas­suit ingerlal­luar­put aam­ma ilis­si ingerlal­luarsin­naavusi. Ilimanar­pormi maan­nak­kut im­minut ilisarisimanerusutit siul­lermik aap­paqar­ner­niit. “Myrnap aap­parinera toq­qis­sisimanaringaar­para,” Andrew oqar­poq. “Ukiut 13-in­ngorlugit katif­fis­sioreer­pugut im­mitsin­nul­lu qanit­tuararsuuvugut — taman­nalu an­naarusun­ngeqaar­put.”

^ par. 3 Atit al­lan­ngor­titaap­put.

^ par. 5 Soorunami toquk­kut avin­nik­kul­luun­niit avis­saar­neq as­sigiin­ngitsorujus­suup­put. Taak­kua arlaat­tut atugaqar­tut aap­paneq­qin­nermin­ni aap­pariil­luar­nis­saan­nik ikior­niarlugit al­laaserisaq man­na al­lataavoq.

^ par. 7 Qitor­nas­sanik perorsaanermut tun­ngatil­lugu unam­miniar­nar­tut pil­lugit sam­mineqar­put Vågn op!-imi apriili 2012-imoor­tumi “Gode råd til sam­menbragte familier”. Jehovap Nalunaajaasuinit saq­qum­mersin­neqar­toq.

IM­MINUT APERIGIT ...

  • Aap­parma pis­susii nuan­nersut sorliit pingaar­tin­ner­paavak­ka?

  • Aap­parisimasara eq­qar­tor­neqaler­pat maan­nak­kut aap­pan­nik ataq­qin­nil­lunga taas­sumalu toq­qis­sis­sutigisaanik qanoq qisuariarsin­naavunga?