Imarisai

Imarisai

Sooq ileqqorissaartuusariaqarpugut?

Sooq ileqqorissaartuusariaqarpugut?

 Sooq ileqqorissaartuusariaqarpugut?

KUNIHITO Japanimiuuvoq utoqqasaaq qanittumi USA-mut nunasisoq. * Sapaatip akunnialui qaangiummata atorfimminik annaasaqaatigisinnaasaanik pisoqarpoq. Kunihito oqaluttuarpoq: „Suliffinni ittuma aperimmanga akisussaaffimmik aalajangersimasumik tiguserusunnersunga misigaanga sapigunnanga akuerisinnaallugu, uangali perorsarneqarnikuuvunga anneruniajussuseq ileqqorissaarnertut isigissallugu, taamaattumik akivunga: ’Sapinnginnerlugu qularaara kisianni sapinngisannik iliussaanga.’ Ittuma Amerikamiuusup ima paasivaa piginnaassuseqanngitsunga imminullu qularisunga. Tamanna paasigakku paasivara allannguisariaqarlunga.“

Maria New Yorkimi najugalik atuartuuvoq pikkorissoq atuaqatiminillu ikiuiumatooq. Juan, Mariap atuaqataasa ilagaat ilaatigut ikiortagaa, taannali Mariamut aamma asannilersooqqavoq Mariamullu malugeqqusaarniartarluni. Naak Maria ileqqorissaarusukkaluarluni Juanip qaninniarneri tunniutiinnarfigai innaqatigalugulu.

Assersuutit taakku marluk takutippaat ileqqorissaarnissamut tunngatillugu paasinnissimanerit qanoq assigiinngitsigisinnaasut ileqqussamullu aalajangersimasumut aalajangiusisimaannarnissaq qanoq pingaaruteqartigisoq. Silarsuatsinni avissartuuffioqisumi paasinnittaatsit ima assigiinngitsigipput ileqqut ileqqorissaarnermik oqaatigineqartartut amerlasuut malinniarunnaaginnarsimallugit.

Biibilimi kajumissaarneqarpugut pissuserissaarneq ileqqorissaarnerlu pingaarteqqullugit. Oqaaseq ’ileqqorissaarneq’ Biibilimi taama isumaqarpoq. Assersuutigalugu apustili Paulus ima allappoq: ’Nersornartut suulluunniit, suut ileqquulluartuunersut, suut ataqqinartuunersut, tamakku eqqarsaatiginiarsigik.’ (Filípimiut 4:8.) Apustili Peterip aamma kajumissaarpaatigut, ’ilungersuutigingaarlugu uppersutsissigut ileqqorissiartornissatsinnut’. (2 Pîtruse 1:5) ’Ileqqorissaarnerli’ — silarsuatsinni moderniusumi atorneqarsinnaava? Ileqqorinnissaq ilikkarneqarsinnaava? Aammali ilikkarneqartariaqarpa?

[Quppernerup ataani ilanngussaq]

^ imm. 2 Atit ilaat allanngortitaapput.