atautsimêrssuarnermut „erĸigsineĸ Gûtip pia“-mut aggerniarise
K’ĨMÂTDLANGNÁSSUSIA uvdlune sorssungneĸartuáinarfiussune mumisitsineĸartuáinarfiussunilo perĸarnîsârniarneĸartuáinarfiussunilo ĸilanârisínaugavtigo Jehovap nalunaiaissuisa atautsimêrssuartitsinerisa ĸáumatit mákua ingerdlaneráne pissartut „erĸigsineĸ Gûtip pia“-mik pingârnerssagdlit ilãnut najũnigssarput. atautsimêrssuarnerme kristumiorpalugtumik atordluarsínaussumik únersũneĸásaugut ĸanoĸ erĸigseĸatigîngniarsínauvdluta; ãmátaordle inugparujugssuit únersũssutinik tamákunínga malingningniartut avdlat nâpíkumârpavut.
atautsimêrssuarnerup arfiníngornerme nal. 13.30-mut autdlarĸautânît isersimaĸataugit. uvaleĸ táuna tusardliússamik erĸigsinerup pianik ukiorpagssuarne oĸalũssíssutigingnigtûsimassut ilait tusarnãsavavut. ãmátaoĸ erĸartorne- ĸásáput alĩkusersornivtíne katerisimârnivtínilo navianartûsínaussut, ĸanordlo ilivdluta tamáko anigorsínaugivut sangmineĸásavdlutik. uvdlorme tássane oĸalugiarnerit nâlerneráne kussanartumik, ãmátaoĸ oĸalũssissarnerme iluaĸutauvdluartumik, tunineĸásaugut.
sapãme uvdlup ĸerĸata sujornagut oĸalugiarnerit ilagísavât atautsimêrssuarnerup pingârnerssâ pivdlugo oĸalugiaut: „erĸigsineĸ Gûtip pia Jehovamit ajoĸersugaussune atũpoĸ,“ ãmalo ĸangarssuaĸ pisimassoĸ bîbilime oĸalugtuarineĸartoĸ pivdlugo kivdlingnangârtumik issigingnârtitsineĸássaoĸ ĸuleĸutalingmik: „kângnerssûp nalâne inûtíneĸartut.“ tamána issigingnãngitsôrnavêriuk!
atausíngornerme takutitsinertigut, oĸaloĸatigîngnertigut oĸalugiarnertigutdlo ilíniarfigssauvdluartutigut atorneĸardluarsínaussumik únersũneĸásaugut erĸigsinerup ilaĸutarîngne ĸanoĸ atatíneĸarniarnigssânik. sarĸúmiússagssat naggatârutigísavât oĸalugiaut pingârutilik: „silarssuarme isumangnáissuseĸalísaoĸ ’erĸigsinermut Nâlagkap’ aĸutsineratigut.“
mardlúngornerme uvdlumíkut pisimassut pivdlugit issigingnârtitsíssuteĸásaoĸ, tássûnalo ersserĸigsarneĸásaoĸ ánagkumagáine Gûtip iluarneranik piniarĸârtariaĸartoĸ. oĸalugiautit pingârnerpârtarísavât oĸalugiaut „kîsa erĸigsine- ĸásaoĸ — Gûte oĸalulerpat“.
atautsimêrssuarneĸ písaoĸ Nûngme, septemberip 6-iánît 9-ánut.