Imarisai

Imarisai

Qanittukkut Guuti naalliunnartuerutsitsissaaq

Qanittukkut Guuti naalliunnartuerutsitsissaaq

“Naalagaq, qanoq sivisutigisumik kap­pialas­saner­punga ilin­nit tusar­neqar­nanga? Qanoq sivisutigisumik nil­lias­sutigis­saner­pak­ka nakuuser­nerit ilin­nit an­naan­neqar­nanga?” (Habak­kuki 1:2, 3) Habak­kuki ajun­ngitsuul­lunilu Guutimit iluarisaasoq taama oqar­poq. Kimigiiser­nera up­per­nikin­neranut ersiutaava? Naamerluin­naq! Guutip Habak­kuki oqarfigaa naal­liuutaarutsitsinis­saminut pif­fis­saleereerluni. – Habak­kuki 2:2, 3.

Naal­liuk­kaangavit qanigisal­luun­niit naal­liuk­kaangat isum­mersin­naavutit Guuti iliuuseqajaan­ngitsoq, maan­nak­kut akuliutereersimasariaqaraluar­toq. Biibilimili ima neriorsoq­qis­saar­neqar­pugut: “Naalak­kap neriorsuutigisani paamaarutin­ngilaa, naak ilaat isumaqaraluar­tut paamaarus­sinerarlugu; ilis­sin­nul­li erinitsajuip­poq kimil­luun­niit tam­maq­qusin­ngin­nami, tamaasalu al­lamik isumataar­nis­samut periarfis­sik­kumagamigit.” – 2 Petrusi 3:9.

GUUTI QAQUGU ILIUUSEQASSAVA?

Qanit­tuararsuak­kut! Jiisusip ersersip­paa ‘silarsuup’ ul­lus­saanut kingul­ler­nut nalunaaqutaasus­sat ataatsik­koor­tus­sat kinguaariin­nit aalajangersimasunit takuneqarumaar­tut. (Mat­thæusi 24:3-42) Jiisusip siulit­tuutaata nalitsin­ni eq­quun­neranit erser­poq Guuti inuit atugaan­nut akuliutingajalersoq. *

Guutil­li naal­liuutit tamaasa qanoq atorun­naarsis­savai? Jiisusip nunamiik­kal­larami takutip­paa Guuti inuit naal­liuutaan­nik an­nikil­lisitsisin­naasoq. As­sersuuteqariar­ta.

Pinngortitami ajunaarnersuit: Jiisusi ajoqersuk­kanilu Galilæap Tasersuatigut angalatil­lutik anorersuar­toq umiungajap­put. Jiisusil­li takutip­paa Ataatanilu pin­ngor­titami nukinik aqutsisin­naal­lutik. (Kolos­semiut 1:15, 16) Jiisusi ima oqaan­nar­poq: “‘Nipangerit, qatsorit!’ Taava anoraarul­luin­nar­poq manis­sil­luin­narlunilu.” – Markusi 4:35-39.

Nappaatit: Jiisusi tap­piitsunik nukil­laarsimasunil­lu, aam­mat­taaq noqar­tar­tunik, pupis­sunik al­lanil­lu peq­qiil­liuuteqar­tunik ajorun­naarsitsisin­naasutut ilisimaneqarluar­poq. ‘Nap­parsimasut tamaasa ajorun­naarsip­pai.’ – Mat­thæusi 4:23, 24; 8:16; 11:2-5.

Kaannersuit: Jiisusi Ataataminit pis­saaneqar­titaal­luni nerisas­sat ikit­tut amerliserujus­suar­pai. Biibilimi al­las­simavoq kif­far­tor­nermini marloriarluni inuit tuusintil­lit nerisas­saqar­tik­kai. – Mat­thæusi 14:14-21; 15:32-38.

Toqu: Jehovap toqu atorun­naarsis­sin­naagaa Jiisusip toqungasunik pingasunik makititsineranit erser­poq. Uum­mar­teq­qitaasa ilaat ul­luni sisamani toqungasimavoq. – Markusi 5:35-42; Lukasi 7:11-16; Johan­nesi 11:3-44.

^ par. 5 Ul­lus­sat kingul­liit pil­lugit paasisaqar­nerorusuk­kuit atuak­kami Biibilimi sorpiaat ajoqersuutigineqarpat?-mi kapitali 9 takuuk. Jehovap Nalunaajaasuinit saq­qum­mersin­neqar­toq, www.jw.org-imilu akeqan­ngitsumik aaneqarsin­naasoq.