Susoqarami? Sooq Guuti sior­natigut pisimanermisut juutit il­lersor­niarlugit sorsun­ngila? Imaluun­niit sooq naqisiman­nit­tunit im­min­nut aniguisin­nias­sam­mata sorsugiar­nis­saan­nut pigin­naatin­ngilai? Guutip sorsun­neq pil­lugu isigin­nit­taasia al­lan­ngorami? Naamik. Juutil­li al­lan­ngorluin­narsimap­put. Guutip er­nerata, Jiisusip, Mis­siarsiunera akuerin­ngilaat. (Apustilit Suliaat 2:36) Taamaat­tumik inuiaqatigiit­tut Guutimut im­mik­kut it­tumik at­taveqar­ner­tik an­naavaat. – Mat­thæusi 23:37, 38.

Nuna neriorsuutigisaq juutil­lu inuiaqatigiit­tut Guutimit il­lersor­neqarun­naar­put, juutil­lu Guutimit akuerisaal­lutik tapersersor­neqarlutil­lu sorsugiarsin­naajun­naar­put. Jiisusip siulit­tuineratut pil­luaq­qus­sutit Guutimit iluarisaanermut at­tuumas­suteqar­tut inuiaqatigiit Israelik­kut an­naasaat anersaak­kut inuiaqatigiin­nut, kingusin­nerusuk­kut Biibilimi ‘Israelitut Guutip pigisaatut’ taaneqar­tunut, tun­niun­neqar­put. (Galatiamiut 6:16; Mat­thæusi 21:43) Kristumiut ilagiivi Guutip anersaavanit tanin­neqarsimasut maan­na tas­saaler­put “Israeli Guutip pigisaa”. Ukiuni 100-ni siul­ler­ni paatsuugas­saan­ngitsumik ima oqarfigineqar­put: ‘Maan­na Guutimut innuttaavusi.’ – 1 Petrusi 2:9, 10.

Ukiuni 100-ni siul­ler­ni kristumiut ‘Guutimut in­nut­tan­ngor­tut’ Romamiut naqisiman­nin­neran­nit aniguisin­niarlugit Guuti taak­ku sin­nerlugit sorsup­pa? Imaluun­niit naqisiman­nitsimin­nut sorsugiar­nis­samut pigin­naatip­pai? Naamik, taamaaliun­ngilaq. Sooq? Soorlu al­laaserisap siuliani sam­mineqar­tutut sorsun­ner­nut Guutip akuerisaanut tun­ngatil­lugu Guutip kisimi aalajanger­tar­paa qaqugukkut sorsugiar­toqas­sasoq. Kristumiut siul­liit il­lersor­niarlugit Guuti sorsugiar­nanilu sorsugiar­nis­samut pigin­naatitsin­ngilaq. Ersarip­poq ajus­susermut naqisiman­nin­nermul­lu sorsugiar­nis­samut Guutip pif­fis­saa taamani nal­lius­siman­ngitsoq.

Itsaq Guutip in­nut­taasa pisimanerat­tut kristumiut siul­liit Guutip ajus­susermik naqisiman­nin­nermil­lu atuuk­kun­naarsitsinis­saanut pif­fis­saa utaq­qisus­saavaat. Taman­na nal­liutserlugu akeq­qamin­nut sorsugiar­nis­samut Guutimit pigin­naatin­neqan­ngil­lat. Jiisusip Kristusip taman­na ilin­niar­titsis­sutimini erseq­qis­sar­paa. As­sersuutigalugu ajoqersuk­kani sorsugiaq­qunagit ima oqarfigai: “Akeq­qasi asasigit, ilis­sin­nil­lu qinugin­nit­tut qin­nus­sigit.” (Mat­thæusi 5:44) Jerusalemip Romamiut sak­kutuuinit saas­sun­neqar­nis­saa Jiisusip siulit­tuutigigamiuk ajoqersuk­kani il­loqarfim­mit qimaaq­quai, ajoqersugaalu taamaalior­put. – Lukasi 21:20, 21.

Tamatuma saniatigut apustili Paulusi isumas­sarsisitaal­luni ima al­lap­poq: “Nam­mineerlusi akiniaaqinasi, ... al­las­simasoqarmat: ‘Akiniut pigaara, uanga akiliiumaar­punga,’ oqar­poq Naalagaq.” (Romamiut 12:19) Paulusip ukiut hundredil­lit tamatuma sior­nagut Guutip oqaasii Mosesimik al­lak­kat pingajui 19:18-imi aam­ma Mosesimik al­lak­kat tal­limaat 32:35-mi al­las­simasut is­suar­pai. Al­laaserisap siuliani sam­mineqar­tutut itsaq Guutip in­nut­tani akeq­qamin­nut sorsut­tut ikior­nerisigut akiniut­tar­pai. Taamaat­tumik Guutip sorsun­ner­nik  isigin­nit­taasiata al­lan­ngorsiman­ngin­nera Paulusip al­lagaanit erser­poq. Guutip kif­faminik akinius­siumal­luni aam­ma naqisiman­neriaatsinik ajus­sutsinil­lu as­sigiin­ngitsunik unitsitsiumal­luni sorsun­neq ukiuni 100-ni siul­ler­ni suli akueraa. Taamaat­torli itsaq pisar­nermisut Guutip kisimi aalajanger­tar­paa qaqugukkut sorsut­toqas­sasoq aam­ma kikkut sorsus­sanersut.

Ersarip­poq Guutip kristumiut siul­liit sorsugiar­nis­samut pigin­naatin­ngik­kai. Ul­lumik­kum­mi? Guutip inuiaqatigiit aalajangersimasut sorsugiar­nis­samut pigin­naatip­pai? Imaluun­niit Guutip kif­fani il­lersor­niarlugit sorsugiar­nis­saanut maan­na pif­fis­san­ngor­pa? Guuti sorsun­neq pil­lugu ul­lumik­kut qanoq isigin­nit­taaseqar­pa? Al­laaserisat ataqatigiit kingul­lersaan­ni apeq­qutit taak­ku akineqas­sap­put.