Imarisai

Imarisai

 ATUAQQISSAAGASSAQ 12

Qaqugukkut oqaluffissaasarpa?

Qaqugukkut oqaluffissaasarpa?

“Suut tamarmik aalajangersimasumik pif­fis­saligaap­put. ... Nipangersimaf­fis­saqar­poq oqaluf­fis­saqarlunilu.” – OQAL 3:1, 7.

ERINARSUUT 34 As­suar­naal­lunga inoorusup­punga

QILANAARTUUT *

1. Oqaluus­sisar­tup oqaasii 3:1, 7-imilu suna paasivar­put?

ILAVUT oqaluk­kumatuujup­put. Al­lat nipaatsuup­put. Al­las­simaf­fim­mit najoq­qutarineqar­tumit ersersin­neqar­poq nipangersimaf­fis­saqarlunilu oqaluf­fis­saqar­toq. (Oqaluussisartup oqaasii 3:1, 7 atuakkit). Im­maqa kis­saatigigaluar­par­put qatan­ngutit­ta ilaat oqalun­nerus­sasut al­lal­lu nipaan­nerus­sasut.

2. Qaquguk­kut qanorlu oqalun­nis­samut kina najoq­qutas­sior­tuusin­naatitaava?

2 Oqalus­sin­naaneq Jehovamit tunis­sutaavoq. (2 Mos 4:10, 11; Saqq 4:11) Tunis­sutip tamatuma eq­qor­tumik ator­nis­saanik Jehovap oqaatsimini ilin­niar­tip­paatigut. Al­laaserisami inuit Biibilimi oqalut­tuarineqar­tut qaquguk­kut oqalun­nis­samik qaquguk­kul­lu nipangersimanis­samik ilin­niarfigisin­naasavut sam­mis­savavut. Aam­ma paasis­savar­put al­lanut oqaatsivut pil­lugit Jehova qanoq misigisar­nersoq. Siul­ler­tut sam­meriar­tigu qaquguk­kut oqalut­tas­sanerluta.

QAQUGUKKUT OQALUTTASSAAGUT?

3. Romamiut 10:14 naaper­torlugu sunis­samut piareersimajuar­tariaqar­pugut?

3 Jehova naalagaaf­fialu pil­lugit oqalun­nis­samut piareersimajuar­tariaqar­pugut. (Matt 24:14; Romamiut 10:14 atuaruk). Taamaalior­nik­kut Jiisusi ilaas­savar­put. Jiisusip nunarsuarmukar­neranut pis­sutaasuni pingaar­ner­paasa ilagaat Ataatani pil­lugu sal­lusuis­sum­mik oqaluus­siar­tor­nera. (Joh 18:37) Qanorli oqalun­nersugut aam­ma eq­qumaf­figisariaqar­par­put. Jehova pil­lugu al­lanik oqaluus­saqaraangat­ta ‘qanilaarlutalu mianerin­nit­tuusariaqar­pugut’, aam­ma al­lat misigis­susii isumaal­lu pil­lugit in­nimit­tar­tuusariaqar­pugut. (1 Petr 3:15, 16) Taava oqaluin­nar­nata  ilin­niar­titsis­saagut, oqaloqatigisat­talu uum­mataata kil­lin­nis­saa ilimanar­nerus­saaq.

4. Us­satit 9:9 naaper­torlugu oqalun­ner­put qanoq al­lanut iluaqutaasin­naava?

4 Ilagiin­niit­toq siun­nersor­neqar­tariaqaraangat utoq­qaaner­tat oqaaseqar­nis­samin­nut tunuarsimaar­tas­san­ngil­lat. Soorunalimi oqaluus­sar­tik nuan­niil­lior­tik­kumanagu pif­fis­saq eq­qorlugu oqalut­tas­sap­put. Oqaluus­sas­sar­til­lu kisimiin­nis­samin­nut utaq­qeq­qaarusus­sap­put. Aam­ma oqalun­nermin­ni oqaluus­samik nikanar­tutut misigilersin­naveersaar­nis­saa anguniagarisar­paat. Taamaak­kaluar­toq najoq­qutas­sianik Biibilimeersunik silatusaar­tumik ilior­nis­samut iluaqutaasin­naasunik takutitsinis­samin­nut tunuarsimaar­neq ajor­put. (Ussatit 9:9 atuaruk). Oqalun­nis­sar­put pisariaqaraangat sapiis­suseqar­nis­saq sooq taama pingaaruteqar­tigaa? Oqalut­tuat marluk as­sigiin­ngil­luin­nar­tut eq­qarsaatigik­kit: Siul­lermi angutip er­nini naq­qit­tariaqar­pai. Aap­paani ar­nap kun­ngis­saq oqaluut­tariaqar­paa.

5. Qanga palasiuneq Eli oqaaq­qis­saarisus­saagaluarluni taamaaliun­ngila?

5 Palasiuneq Eli marlun­nik asangaak­kaminik er­neqar­poq. Er­nerisali Jehova mianerin­ngilaat. Il­ler­nar­tuum­mi palasiugamik pingaarutilim­mik akisus­saaf­feqaraluarlutik oqar­tus­saas­suseqar­ner­tik ator­nerlup­paat. Jehovamut pil­liutinut tun­ngatil­lugu ataq­qin­nin­ngitsulior­put saq­qumisumil­lu kinguaas­siuutitigut inuunerlul­lutik. (1 Sam 2:12-17, 22) Mosesip inatsisai naaper­torlugit Elip er­neri toqun­neqar­tus­saagaluar­put. Elil­li naviilaagin­nar­pai il­ler­nar­tuum­milu kif­far­tuin­nar­nis­saat akueralugu. (5 Mos 21:18-21) Elip qisuariar­nera Jehovap qanoq isumaqarfigaa? Eli ima aperaa: “Sooq er­nitit uan­nit ataq­qineruigit?” Taava aalajanger­paa angutit taak­ku ajor­tut marluul­lutik toqus­sasut. – 1 Sam 2:29, 34.

6. Eli qanoq ilin­niutigaar­put?

6 Eli pingaarutilim­mik ilin­niutigaar­put. Paasigutsigu ikin­nguter­put ilaqutar­pul­luun­niit Guutip inatsisaanik unioq­qutitsisoq oqaloqatigisariaqar­par­put Jehovap najoq­qutas­siaanik eq­qaasil­lugu. Taava utoq­qaaner­tanit, Jehovap sin­niisuutitaanit, pisariaqar­titaminik ikior­neqar­nis­saa qulak­keer­tariaqar­par­put. (Jaak 5:14) Eli ilaar­nagu Jehova ikin­ngutitsin­nit ilaqut­tatsin­nil­lu ataq­qinerorusup­par­put. Oqaaq­qis­saar­neqar­tariaqar­tup saaf­figinis­saanut sapiis­suseqar­tariaqar­pugut, kinguneqarluarsin­naavorli. Elip  maligas­siuinerlun­nerata akerlianik Abigajilip, ar­nap Israelik­kuusup, maligas­siuil­luar­nera maluginiaruk.

Pif­fis­saq eq­qorlugu oqalun­nis­samut tun­ngatil­lugu Abigajili maligas­siuivoq (Im­mik­koor­tut 7-8 takuk­kit) *

7. Sooq Abigajilip Daavi oqaluuk­kiar­tor­paa?

7 Abigajili Nabalip, angutip pisuup nunaatil­lip, nuliaraa. Daavip angutitaalu kun­ngimit Saulimit qimaanermin­ni Nabalip savaataanik paarsisut ilagisar­paat Nabalil­lu savaatai til­lin­nianit il­lersor­tarlugit. Nabalip ikior­neqar­nini qujamasuutigaa? Naamik. Daavimit aperineqarami nerisas­san­nguanik imermil­lu angutitaalu tunisin­naaneraan­ni Nabali kamaler­poq oqalorujuf­figilerlugil­lu. (1 Sam 25:5-8, 10-12, 14) Kinguneranik Daavi aalajanger­poq Nabalip inoqutaani angutit tamaasa toqun­niarlugit. (1 Sam 25:13, 22) Ajunaar­nis­saq taman­na qanoq pin­ngitsoor­tin­neqar­pa? Abigajilip paasigamiuk oqalun­nis­samut pif­fis­saasoq sapiil­luni angutit 400-t kaat­tut, kamat­tut sak­kulisar­tul­lu naapigiarlugit Daavi oqaluuk­kiar­tor­paa.

8. Abigajilip maligas­siaa qanoq ilin­niarfigaar­put?

8 Abigajilip Daavi naapik­kamiuk isumaa al­lan­ngor­tin­niarlugu sapiil­luni ataq­qin­nit­tumik oqaluup­paa. Naak Abigajili pisunut pisuutitas­saan­ngik­kaluarluni utoq­qatser­poq. Daavi pis­susiinik ajun­ngitsunik eq­qaasip­paa Jehovamil­lu ikior­neqar­nis­sani qularinagu. (1 Sam 25:24, 26, 28, 33, 34) Ingasat­tumik ajor­tulius­sutaasumik iliuuseqar­toqalersoq paasigutsigu Abigajili ilaarlugu nangaanata oqaaseqarsin­naasariaqar­pugut. (Tuss 141:5) Sapiis­suseqar­tariaqar­pugut, sulili ataq­qin­nil­luta. Asan­nil­luta inuk pisariaqar­titaanik siun­nersorutsigu ersersis­savar­put ikin­ngutaal­luta ilumoor­tut. – Uss 27:17.

9-10. Utoq­qaaner­tat al­lanik siun­nersuinermin­ni suut eq­qaamasariaqar­paat?

9 Pingaar­tumik utoq­qaaner­tat ilagiin­ni unioq­qutitsisumik oqaloqatigin­nin­nis­samin­nut sapiis­suseqar­tariaqar­put. (Gal 6:1) Utoq­qaaner­tat  maniguul­lutik nas­suerutigaat naam­mal­luin­nan­ngitsuul­lutik nam­min­nerlu siun­nersor­neqar­nis­sar­tik pisariaqar­tis­sin­naasarlugu. Taman­nali perorsaatis­sin­neqar­tariaqar­tunik oqaaq­qis­saarinis­samin­nut nangaas­sutigineq ajor­paat. (2 Tim 4:2; Tit 1:9) Siun­nersuinermin­ni oqaluus­sar­tik sapin­ngisamik pis­suseril­lutik kamagit­tarlutil­lu ilin­niar­tin­niar­tar­paat. Qatan­nguter­tim­mi asavaat taamaat­tumil­lu ikiorusul­lugu. (Uss 13:24) Pingaar­ner­tul­li Jehova ataq­qinarsisik­kusup­paat taas­suma najoq­qutas­siaanik tapersersuinik­kut ilagiin­nil­lu il­lersuinik­kut. – ApS 20:28.

10 Qaquguk­kut oqalut­tas­sanerluta sam­mereer­par­put. Ilaan­nik­kul­li nipangersimanis­saq pitsaaner­paasar­poq. Tamatumun­nga tun­ngatil­lugu suut unam­miniar­narsin­naap­pat?

QAQUGUKKUT NIPANGER­SIMASASSAAGUT?

11. Jaakup suna as­sersuusiaraa, taman­nalu sooq naleq­qup­pa?

11 Oqaaserisavut aquk­kuminaas­sin­naasar­put. Unam­miniar­nar­toq taman­na erseq­qis­sar­niarlugu Jaaku, Biibilimik al­laqataasoq, naleq­qut­tumik ima as­sersuusior­poq: “Oqalun­nermigut kuk­kus­suteqar­tan­ngitsoq naam­mal­luin­nar­tuuvoq timiminil­lu tamarmiusumik naalatsitsisin­naasuul­luni. Hestim­mi supis­saaseraangatsigit uatsin­nut naalaq­qul­lugit timaat tamak­kerlugu naalatsitarisin­naalersar­pavut.” (Jaak 3:2, 3) Supis­saatip nusun­neratigut hiister­tup hiisti sangutis­sin­naasar­paa unitsil­luguluun­niit. Hiister­tup supis­saat iperaruniuk hiisteq pangalil­luni unitsitas­saajun­naarsin­naavoq im­minut hiister­tumul­lu ajoqusiil­luni. Tamatumun­nga as­singusumik oqaaserisavut aqun­ngik­kutsigit ajoqusiingaarsin­naap­put. Qaquguk­kut supis­saaserlutalusooq nipangersimasariaqar­pugut? As­sersuuteqariar­ta.

12. Qaquguk­kut oqaatsivut mianersuul­lugit nipangersimasas­saagut?

 12 Qatan­ngut al­lanut oqaatigeq­qusaan­ngitsunik ilisimasaqaraangat qanoq qisuariar­tar­pit? As­sersuutigalugu nunami suliatsin­nik iner­teq­qutaaf­fiusumi najugaqar­toq naapik­kuk­ku nunami tamatumani suliat­ta qanoq ingerlan­neqar­tar­neranik apersorusulis­saviuk? Soorunalimi ajor­tumik kinguneqarsin­naasumik apersorusun­navian­ngilar­put. Qatan­ngutivum­mi asavavut soqutigalugil­lu. Aam­ma qin­nuk­kaangatsigit an­nikitsualuit tamaasa ilan­nguk­kusut­tar­pavut. Qatan­ngul­li al­lanut oqaatigeq­qusaan­ngitsunik ilisimasalik naapik­kaangatsigu oqaatsivut mianersuul­lugit nipangersimasariaqar­pugut. Oqaatigeq­qun­ngisaanik oqalutsin­niarsarigutsigu taan­na iser­tuus­sinis­samil­lu taas­sumin­nga tatigin­nit­tut asan­nin­ngitsuliorfigis­savavut. Qatan­ngutivum­mi nunani suliatsin­nik iner­teq­qutaaf­fiusuni najugaqar­tut suli an­nerusumik ajor­nar­torsior­tik­kusun­ngilavut. Taamatut­taaq taak­kua oqaluus­sinermik suliap qanor­piaq ingerlan­neqar­tar­neranik oqalut­tuarusun­navian­ngil­lat.

13. Us­satit 11:13 naaper­torlugu utoq­qaaner­tat susariaqar­pat, aam­ma sooq?

13 Pingaar­tumik utoq­qaaner­tat iser­tuus­sas­sanik oqalut­tuar­tan­ngin­nermik­kut najoq­qutas­siaq Ussatit 11:13-imi al­las­simasoq maleruar­tariaqar­paat. (Atuaruk). Taman­na unam­miniar­narsin­naavoq, ingam­mik nuliaqarunik. Aap­pariim­mi eq­qarsaatimin­nik misigis­sutsimin­nil­lu ilorler­paanik aam­ma er­numas­sutimin­nik oqaloqatigiit­tar­nermik­kut im­min­nut qanitariit­tar­put. Utoq­qaaner­taasul­li nalun­ngilaa ilagiin­niit­tut ‘iser­tugaataan­nik’ oqalut­tuar­tus­saanani. Utoq­qaaner­tarmi taamaalius­sagaluaruni taak­kunan­nga tatigisaajun­naas­saaq tusaamaneqarluar­ninilu ajoquserlugu. Ilagiin­ni akisus­saaf­fil­lit tas­saasariaqar­put “tatiginar­tut”. (1 Tim 3:8) Tas­sa un­neq­qaserlut­tuusus­saan­ngil­lat oqaluuserinerluisar­tus­saanatil­lu. Utoq­qaaner­tap nuliani asaguniuk ilisimasariaqan­ngisaanik oqalut­tuut­tar­navian­ngilaa.

14. Nuliaasup uimi tusaamaneqarluar­nera qanoq ajoquser­naveersaarsin­naavaa?

14 Nuliaasup uimi tusaamaneqarluar­nera ajoquser­naveersaarsin­naavaa iser­tuus­sas­sanik oqalut­tuar­tin­nis­saanut tatisan­ngin­neratigut. Nuliaasup taamaat­tup uini tapersersus­savaa taas­sumin­ngalu tatigin­nil­lutik oqalut­tuarsimasut ataq­qin­nit­tuliorfigalugit. Pingaar­ner­paatul­li ilagiin­ni eq­qis­seqatigiis­sitseqataagami ataasioqatigiis­sitseqataagamilu Jehova nuan­naar­tis­savaa. – Rom 14:19.

OQAATSIVUT PILLUGIT JEHOVA QANOQ MISIGISARPA?

15. Jobimut ikin­ngutaasuusaar­tut pingasut Jehovap qanoq isumaqarfigai, aam­ma sooq?

15 Qanoq qaquguk­kul­lu oqalut­tar­nis­samut tun­ngatil­lugu Jobimik al­lak­kat ilin­niarfigingaarsin­naavavut. Jobi perlus­siungaarmat angutit sisamat tup­pal­lersariar­torlugulu siun­nersoriar­tor­paat. Sivisuumik nipangersimaan­nar­put. Taak­kuali pingasut – Elifazip, Bildadip Sofaril­lu – Jobimik qanoq ikiuinis­samin­nik eq­qarsar­nis­samut pif­fis­saq atorsiman­ngilaat. Paarlat­tuanik oqaaserisaan­nit erser­poq Jobip kuk­kunera qanoq up­per­narsas­sanerlugu eq­qarsaatigisimagaat. Ilaatigut eq­qor­tumik oqaaseqar­tar­put, amerlaner­tigul­li Jobi Jehovalu pil­lugit asan­nin­ngitsunik eq­qun­ngitsunil­lu oqaaseqar­tar­put. Jobi ajor­tuunerar­paat. (Job 32:1-3) Jehova qanoq qisuariar­pa? Angutit taak­ku pingasut kamaatingaar­pai. Sianiitsutut taavai peq­qul­lugil­lu Jobimut qin­nuteq­qus­sasut. – Job 42:7-9.

16. Elifazip, Bildadip Sofaril­lu maligas­siuinerlun­nerat qanoq ilin­niutigaar­put?

16 Elifazip, Bildadip Sofaril­lu maligas­siuinerlun­nerat arlalitsigut ilin­niutigaar­put. Siul­ler­tut,  qatan­ngutitsin­nik eq­qar­tuus­sisas­san­ngilagut. (Matt 7:1-5) Paarlat­tuanil­li oqaaseqan­ngin­nitsin­ni tusar­naaq­qis­saar­tas­saagut. Aatsaat taamaalior­nik­kut pis­sutsit atugaat paasil­luarsin­naas­savavut. (1 Petr 3:8) Aap­paat­tut, oqaluk­kaangat­ta qulak­keer­tariaqar­par­put inus­siar­nerlutalu eq­qor­tumik oqalut­tas­sasugut. (Ef 4:25) Pingajuat­tut, al­lanut qanoq oqaaseqar­tar­nersugut Jehovap maluginiar­tar­paa.

17. Elihu qanoq ilin­niarfigisin­naavar­put?

17 Angutit Jobimik tup­pal­lersaajar­tor­tut sisamaat tas­saavoq Elihu, Aaperaap ilaqutaa. Jobi angutil­lu pingasut oqalum­mata tusar­naar­poq. Erseq­qip­poq tusar­naarluaq­qis­saarsimasoq, Jobimim­mi naq­qiiniar­nermini inus­siar­nersumik eq­qor­tumil­lu siun­nersuivoq. (Job 33:1, 6, 17) Inuup kialuun­niit ataq­qinarsisin­nis­saa pin­nagu Jehovap ataq­qinarsisin­nis­saa Elihup pingaar­tin­ner­paavaa. (Job 32:21, 22; 37:23, 24) Elihup maligas­siaanit ilik­kar­par­put nipangersimaan­narluni tusar­naarfis­saqar­tar­toq. (Jaak 1:19) Aam­ma paasivar­put siun­nersuinitsin­ni Jehovap ataq­qinarsisin­nis­saa, im­minuun­ngitsoq, pingaar­ner­patit­tariaqarlugu.

18. Oqalus­sin­naanermik tunis­sut qujamasuutigalugu qanoq ersersis­sin­naavar­put?

18 Qaquguk­kut qanorlu oqalun­nis­samik Biibilimi siun­nersuutit maleruar­nerisigut oqalus­sin­naanermik tunis­sum­mik qujamasuutigin­nin­ner­put ersersis­sin­naavar­put. Kun­ngi silatooq Salomo isumas­sarsisin­neqarluni ima al­lap­poq: “Iipilit kuultiusut as­silis­sani sølviusuniit­tut tas­saap­put oqaatsit pis­susis­savim­mis­sut oqaatigisat.” (Uss 25:11) Al­lat oqaasii tusar­naaq­qis­saar­tarutsigit oqaaseqan­ngin­nitsin­nilu eq­qarsaq­qaar­tarut­ta oqaatsivut iipilisut kuultiusutut naleqangaarlutil­lu kusanar­tutut is­sin­naap­put. Taava qanorluun­niit oqalutsigigaluarut­ta oqaatsivut ineriar­tor­nar­tuus­sap­put, kinguneranil­lu Jehovap tul­luusimaarutigis­savaatigut. (Uss 23:15; Ef 4:29) Oqalus­sin­naanermik tunis­sum­mik Guutimeersumik qujamasuutigin­nin­ner­put pitsaanerusumik ersersis­sin­naan­ngilar­put.

ERINARSUUT 77 Silarsuarmi taar­tumi qaamaneq

^ imm. 5 Biibilimi najoq­qutas­siat iluaqutigalugit nalun­ngis­sin­naavar­put qaquguk­kut oqalut­tas­sanerluta qaquguk­kul­lu nipangersimasas­sanerluta. Biibilimi al­las­simasut ilisimal­lugil­lu maleruarutsigit oqaatsivut Jehovamut nuan­naarutaas­sap­put.

^ imm. 62 ASSIMI MALUGISASSAT: Qatan­ngut ar­naq silatusaarluni qatan­ngum­mut ar­namut siun­nersuisoq.

^ imm. 64 ASSIMI MALUGISASSAT: Qatan­ngut angut eq­qiluisaar­nis­samik siun­nersuisoq.

^ imm. 66 ASSIMI MALUGISASSAT: Abigajilip pif­fis­saq eq­qorlugu kinguneqarluar­tumik Daavi oqaluuk­kaa.

^ imm. 68 ASSIMI MALUGISASSAT: Suliatsin­nik iner­teq­qutaaf­fiusumi suliar­put pil­lugu aap­pariit al­lanut sukumiisumik oqalut­tuar­naveersaar­tut.

^ imm. 70 ASSIMI MALUGISASSAT: Utoq­qaaner­tap ilagiin­ni iser­tuus­sas­sat pil­lugit nuliaminit tusaaneqan­ngin­nis­sani qulak­keeraa.