1, 2. (a) Un­nuk­kut toqus­si aqagut­toq Jiisusip ajoqersuk­kani suna pil­lugu oqaluup­pai? (Al­laaserisap aal­laq­qaataani as­siliaq takuuk). (b) Sooq oqaluus­sinitsin­nut pis­sutaasut eq­qaamas­sal­lugit pingaaruteqar­pa? (c) Suut sam­mis­savavut?

UN­NUK­KUT toqus­si aqagut­toq Jiisusip apustilini sivisuumik oqaloqatigai. Asangaarlugit qularun­naarsip­pai. Soorlu al­laaserisap siuliani sam­mereerip­put viin­nequm­mik as­sersuusiorluni oqaluup­pai. Jiisusip ajoqersuk­kani ‘inerititaqarluar­nis­saan­nik’, tas­sa Guutip naalagaaf­fia pil­lugu oqaluus­sinermin­ni nikal­lujuin­nis­samik, kajumis­saarusup­pai. * – Joh 15:8.

² Jiisusip ajoqersuk­kani qanoq ilior­tariaqar­neran­nik aam­ma sooq taamaalior­tariaqar­neran­nik oqalut­tuup­pai. Oqaluus­siuar­nis­samut pis­sutaasut eq­qaavai. Aam­ma uagutsin­nut pingaaruteqar­poq paasis­sal­lugu sooq oqaluus­siuar­tariaqar­tugut. Tamatumami eq­qarsaatiginera “inuian­nut tamanut” nalunaajaanis­satsin­nut kajumis­sis­sutigis­savar­put. (Matt 24:13, 14) Al­laaserisami matumani oqaluus­sinitsin­nut pis­sutaasut sisamat Biibilimeersut sam­mis­savavut. Aam­ma inerititaqar­tuar­nis­satsin­nut iluaqutigisavut Jehovap tun­nius­sai sisamat sam­mis­savavut.

3. (a) Johan­nesi 15:8 naaper­torlugu oqaluus­sinitsin­nut pis­sutaasoq pingaar­ner­paaq suua? (b) Jiisusip as­sersuusiaani viin­nis­sat sumut as­sersuutaap­pat, taman­nalu sooq naleq­qup­pa?

³ Oqaluus­sinitsin­nut pis­sutaasoq pingaar­ner­paaq tas­saavoq Jehova naalannarsisikkusukkatsigu aamma aqqa illernarsisikkusukkatsigu. (Johannesi 15:1, 8 atuakkit). Jiisusip viin­nequt pil­lugu as­sersuusiamini Jehova viin­nequtilerisumut as­sersuup­paa. Jiisusi oqar­poq nam­mineq viin­nequtaal­luni im­minul­lu ajoqersugan­ngor­tut avalequtaasut. (Joh 15:5) Taamaat­tumik as­sersuusiami viin­nis­sat tas­saap­put Jiisusip ajoqersugaasa inerititai, tas­sa oqaluus­sinerat. Jiisusip apustilini ima oqarfigai: “Inerititaqarluar­nis­sigut ... Ataataga naalan­narsis­saaq.” Viin­nequt viin­nis­sanik inerititaqarluaraangami viin­nequtilerisumut ataq­qinaataasar­poq. Taamatut­taaq Guutip naalagaaf­fia pil­lugu oqaluus­sinitsin­ni sapin­ngisatsin­nik iliuuseqaraangat­ta Jehova ataq­qinarsisit­tar­par­put, imaluun­nit naalan­narsisit­tar­par­put. – Matt 25:20-23.

4. (a) Guutip aq­qa qanoq il­ler­narsisit­tar­par­put? (b) Guutip aq­qanik il­ler­narsisitseqataanermik im­mik­kut pisin­naatitaaf­fiit qanoq isigaajuk?

⁴ Guutip aq­qa il­ler­narluin­narmat il­ler­nar­nerulersis­sin­naan­ngilar­put. Taavami oqaluus­sinitsin­ni Guutip aq­qanik il­ler­narsisitsinis­sar­put qanoq paasisariaqar­pa? Maluginiaruk Jehova pil­lugu pruf­fiiti Esaja ima al­lam­mat: “Katersaarsuit Naalagaat il­ler­nar­tuusutut isigissavarsi.” (Es 8:13) Guutip aq­qa, Jehova, atinit al­lanit tamanit im­mik­kuul­laris­sutut isigigaangatsigu aam­ma il­ler­nar­tuusoq al­lanut nalujun­naarsik­kaangatsigu il­ler­narsisit­tar­par­put. (Matt 6:9) As­sersuutigalugu Jehovap pis­susii nuan­nersut aam­ma inun­nut paratiisimi naas­saan­ngitsumik inuunis­samik siuner­taa pil­lugit ilumoor­tut inun­nut ilin­niar­titsis­sutigigaangatsigit Guutip aq­qa il­lersor­tar­par­put Saatanil­lu sal­lutuujunera up­per­narsar­tarlutigu. (1 Mos 3:1-5) Aam­ma inuit paasitik­kaangatsigit Jehova kisimi “naalan­naat ataq­qinaal­lu pis­saanerlu” pigis­sal­lugit qin­ngaq­qun­nan­ngitsuusoq Guutip aq­qa il­ler­narsisit­tar­par­put. (Saqq 4:11) Rune ukiut 16-it pioneriusoq ima oqar­poq: “Qilam­mik nunamil­lu pin­ngor­titsisoq pil­lugu nalunaajaasin­naatitaanera qujamasuutigeqaara. Oqaluus­siuar­nis­san­nut taman­na kajumis­sis­sutigaara.”

5. (a) Oqaluus­sinis­samut pis­sutaasoq Johan­nesi 15:9, 10-milu suna eq­qaaneqar­pa? (b) Jiisusip ajoqersuk­kani nikal­lujuit­tariaqar­neran­nik qanoq paasitip­pai?

⁵ Johannesi 15:9, 10 atuakkit. Guutip naalagaaf­fia pil­lugu oqaluus­sinitsin­nut pis­sutaasut aap­paat tas­saavoq Jehova aamma Jiisusi asagatsigit. (Mark 12:30; Joh 14:15) Jiisusip ajoqersuk­kani oqarfigai ‘asannissutsiminiittuassasut’. Sooq Jiisusi taama oqar­pa? Nalun­ngin­namiuk ajoqersuk­kat kristumiutut ilumoor­tutut inuus­sagunik nikal­lujuit­tariaqar­tut. Johan­nesi 15:4-10 Jiisusip uiguutit -juar- aam­ma -tuar- arlaleriarluni atoramigit ajoqersuk­kani paasitip­pai nikal­lujuit­tariaqar­neran­nik.

6. Kristusip asan­nin­neraniit­tuarusun­ner­put qanoq ersersis­sin­naavar­put?

 ⁶ Kristusip asan­nin­neraniit­tuarusun­ner­put taas­suman­ngalu akuerisaarusun­ner­put qanoq ersersis­sin­naavavut? Taas­sumun­nga naalan­nik­kut. Jiisusip taamaal­laat nam­mineq iliuuserisimasamisut iliuuseqaq­quaatigut. Ima oqar­poq: ‘Uanga Ataatama inas­sutai maleruar­pak­ka asan­nis­susianiit­tuarlungalu.’ Jiisusip maligas­sip­paatigut. – Joh 13:15.

7. Naalan­neq asan­nin­nermut qanoq atas­suteqar­pa?

⁷ Jiisusip erseq­qis­sar­paa naalan­neq asan­nin­nermut atas­suteqar­toq ima oqarami: “Inas­sutin­nik pigin­nil­lunilu aalajangius­sisoq tas­saavoq uan­nik asan­nit­toq.” (Joh 14:21) Jiisusip peq­qus­sutai Ataataaneersuum­mata Jiisusip oqaluus­sinis­samik peq­qus­sutaa naalak­kaangatsigu ersersit­tar­par­put Jehova asal­lutigu. (Matt 17:5; Joh 8:28) Jehova aam­ma Jiisusi asal­lutigit ersersik­kaangatsigu asan­nin­nermiin­niitit­tuar­tar­paatigut.

8, 9. (a) Oqaluus­sinitsin­nut pis­sutaasoq al­la suua? (b) Ezekieli 3:18, 19-milu aam­ma 18:23-mi Jehovap oqaasii sooq oqaluus­siuar­nis­satsin­nut kajumis­sis­sutigaavut?

⁸ Oqaluus­sinitsin­nut pis­sutaasut pingajuat tas­saavoq Jehovap ul­lus­saa pil­lugu inuit mianersoqqorusukkatsigit. Noa Biibilimi ‘nalunaariar­tor­titatut’ al­laatigineqar­poq. (2 Petrusi 2:5 atuaruk). Ulersuup nal­liutin­ngin­nerani suujun­naarsin­neqar­nis­samik mianersoq­qus­sut Noap inun­nut oqariar­tuutaata ilagisimas­savaa. Sooq taama oqarsin­naavugut? Jiisusi ima oqarmat: “[Ul­luni] taak­kunani ulersuaq sioq­qul­lugu neril­lutik imerlutil­lu nuliar­taarlutil­lu uinitsitsisar­put ul­loq Noap umiarsuarmut ikif­fia tikil­lugu; aatsaal­lu paasisaqalerput ulersuaq nal­lium­mat tamaasalu nungutil­lugit. Taamatut­taaq aam­ma Inuup Er­nerata tikiuf­fis­saani ik­kumaar­poq.” (Matt 24:38, 39) Inuit amerlanerit soqutigin­nin­ngik­kaluar­tut Noap aalajaal­luni Jehovamit mianersoq­qus­sut oqaluus­sis­sutigaa.

⁹ Nalitsin­ni Guutip naalagaaf­fia pil­lugu oqaluus­sisar­pugut inuit Guutip inuian­nut qanoq iliorumaar­nera pil­lugu ilin­niar­nis­saan­nik periarfis­sik­kusuk­katsigit. Inuit oqariar­tuut tusas­sagaat ‘inuugin­nas­sasul­lu’ Jehovatut kis­saatigingaar­par­put. (Ez 18:23) Il­lumit il­lumut tamanul­lu oqaluus­sigaangat­ta sapin­ngisatsin­nik inuit amerlaner­paat silarsuup ajor­tup matuma Guutip naalagaaf­fianit suujun­naarsin­neqangajaler­neranik  mianersoq­qusar­pavut. – Ez 3:18, 19; Dan 2:44; Saqq 14:6, 7.

10. (a) Oqaluus­sinis­samut pis­sutaasoq suna Mat­thæusi 22:39-mi eq­qaaneqar­pa? (b) Paulusip Silasil­lu Filip­pimi par­naarus­sivim­mi paarsisoq qanoq ikior­paat?

¹⁰ Oqaluus­siuar­nitsin­nut pis­sutaasut sisamaat tas­saavoq inuit asagatsigit. (Matt 22:39) Nalun­ngin­natsigu inuit atuk­katik al­lan­ngoraangata isigin­nit­taasiat al­lan­ngorsin­naasoq asan­nin­neq taan­na oqaluus­siuar­nis­samut iluaqutigisar­par­put. Paulusi Silasilu il­loqarfim­mi Filip­pimi akerlilersuisunit par­naarun­neqarmata qanoq pisoqar­nersoq eq­qarsaatigiuk. Un­nuak­kut nunap sajun­nera pis­sutigalugu par­naarus­siviup matui am­mar­put. Par­naarus­sanik paarsisoq par­naarus­sat qimaasimasoralugit an­nilaangaarami im­minut toqun­nialeraluar­poq. Paulusil­li ima nil­lial­luni unitsip­paa: “Im­minut ajor­tumeeqinak.” Taava par­naarus­sanik paarsisoq ima aperivoq: “Qanoq ilius­saanga an­naan­neqarumal­lunga?” Paulusip Silasil­lu ima oqarfigaat: ‘Naalagaq Jiisusi up­perfiguuk, taava an­naan­neqas­saatit.’ – ApS 16:25-34.

11, 12. (a) Par­naarus­sanik paarsisumik oqalut­tuaq oqaluus­sinitsin­nut tun­ngatil­lugu qanoq ilin­niarfigaar­put? (b) Sooq oqaluus­siuarusup­pugut?

¹¹ Par­naarus­sanik paarsisumik oqalut­tuaq oqaluus­sinermut tun­ngatil­lugu qanoq ilin­niarfigaar­put? Maluginiaruk par­naarus­sanik paarsisup nunap sajun­nerata kingor­na aatsaat isigin­nit­taatsini al­lan­ngor­tik­kaa ikioq­qul­lunilu. Taamatut­taaq inuit ilaat oqariar­tuum­mik Biibilimeersumik tusar­naarusus­siman­ngitsut inuunermin­ni alianar­tumik pisoqar­nera pis­sutigalugu isumar­tik al­lan­ngor­tis­sin­naavaat ikior­tis­sarsiorlutil­lu. As­sersuutigalugu ilaat sulif­fim­mit soraarsitaaner­tik imaluun­niit avin­ner­tik pis­sutigalugu qanoq iliuusis­saarus­sin­naap­put. Ilaat im­maqa perulun­nar­tumik nap­paateqaler­ner­tik imaluun­niit qanigisamik toquk­kut an­naasaqar­ner­tik aliasuutigingaarsin­naavaat. Taamatut nalaataqaraangamik inuit inuuneq pil­lugu apeq­qutit eq­qarsaatigisiman­ngisaan­nak­katik apeq­qutigisalersin­naavaat. Im­maqa al­laat eq­qarsar­tar­put: ‘Qanoq ilius­saanga an­naan­neqarumal­lunga?’ Imaas­sin­naavoq neriuut pil­lugu oqariar­tuutitsin­nut aatsaavis­suaq tusar­naarusulersut.

¹² Taamaat­tumik aalajaal­luta oqaluus­siuarut­ta inuit tup­pal­lersar­neqar­nis­samut piareer­tut at­tavigeriaan­naas­savaatigut. (Es 61:1) Charlotte ukiuni 38-ni pioneriusoq ima oqar­poq: “Ul­lumik­kut inuit neriuuteqan­ngil­lat. Nutaarsias­sap nuan­nersup tusar­nis­saanut periarfis­sin­neqar­tariaqar­put.” Ejvor ukiuni 34-ni pioneriusoq ima oqar­poq: “Nalitsin­ni inuit misigis­sutsik­kut naner­tugaasut aatsaat taama amerlatigip­put. Ikiorusungaar­pak­ka. Taman­nalu oqaluus­sinis­samut kajumis­sis­sutigaara.” Aap, inun­nik asan­nin­ner­put oqaluus­siuar­nitsin­nut pis­sutaal­luar­poq!

13, 14. (a) Johan­nesi 15:11-mi tunis­sut suna eq­qaaneqar­pa? (b) Nuan­naar­neq Jiisusip misigisaa qanoq misigisin­naavar­put? (c) Oqaluus­sinitsin­ni nuan­naar­neq qanoq iluaqutigisar­par­put?

¹³ Jiisusip un­nuk­kut toqus­si aqagut­toq tunis­sutit apustilimi inerititaqar­tuar­nis­samin­nut iluaqutis­saat eq­qaavai. Tunis­sutit taak­ku suup­pat, aam­ma uagut nalitsin­ni qanoq iluaqutigisin­naavavut?

 ¹⁴ Nuannaarneq. Oqaluus­sisar­ner­put uagutsin­nut naner­tuutaava? Naamerluin­naq. Jiisusip viin­nequt pil­lugu as­sersuusioreerluni eq­qaavaa oqaluus­sigaangat­ta tipaatsun­nera misigisas­sagip­put. (Johannesi 15:11 atuaruk). Taman­na qanoq pisin­naagami? Eq­qaamajuk Jiisusip as­sersuusiamini im­minut viin­nequm­mut ajoqersuk­kanilu avalequtinut as­sersuuk­kai. Avalequtit viin­nequm­mut aatsaat atajuarunik qilaler­natil­lu toqulius­san­ngil­lat. Taamatut­taaq aatsaat Jiisusimut atajuarut­ta tumaalu maleq­qis­saarutsigit taas­sumatut nuan­naarsin­naavugut. Taava Guutip piumasaatut ilior­nermi nuan­naar­neq misigisaa aam­ma misigis­savar­put. (Joh 4:34; 17:13; 1 Petr 2:21) Hanne ukiut 40-t sin­nerlugit pioneriusoq oqar­poq: “Oqaluus­sinerup kingor­na nuan­naar­neq misigisar­tagara Jehovamut kif­far­tor­tuar­nis­san­nut kajumis­sis­sutigisar­para.” Naak inuit amerlanerit tusar­naarusun­ngik­kaluar­tut nuan­naar­neq oqaluus­siuar­nis­satsin­nut nakus­satsis­sutigisin­naavar­put. – Matt 5:10-12.

15. (a) Johan­nesi 14:27-mi tunis­sut suna eq­qaaneqar­pa? (b) Sooq eq­qis­sineq inerititaqar­tuar­nis­satsin­nut iluaqutigaar­put?

¹⁵ Eqqissineq. (Johannesi 14:27 atuaruk). Jiisusip toqus­si aqagut­toq un­nuk­kiar­tuleraa apustilini ima oqarfigai: “Eq­qis­sinermik uanga pinnik tunivas­si.” Eq­qis­sineq Jiisusip pigisaa qanoq oqaluus­siuar­nis­satsin­nut iluaqutigisin­naavar­put? Oqaluus­siuar­nitsin­ni eq­qis­sineq misigisar­par­put nalun­ngin­natsigu Jehova aam­ma Jiisusi nuan­naar­til­lutigit. (Tuss 149:4; Rom 5:3, 4; Kol 3:15) Ulf ukiuni 45-ni pioneriusoq ima oqar­poq: “Oqaluus­sigaangama qasusar­punga, oqaluus­sinerli inuunin­ni piviusumik nalerisimaalersitsisarlunilu siuner­taqarluar­titsisar­poq.” Qujamasoqaagut qaman­nga pisumik eq­qis­sinermik ataavar­tumik pil­luaq­quneqarat­ta!

16. (a) Johan­nesi 15:15-mi tunis­sut suna eq­qaaneqar­pa? (b) Apustilit Jiisusi qanoq ikin­ngutigiuarsin­naavaat?

¹⁶ Jiisusimik ikinnguteqarneq. Jiisusip apustilit nuan­naar­tuar­nis­saat kis­saatigalugu oqarfigereerlugit nam­minis­sarsiorani asan­nin­nermik ersersitsinis­sap pingaaruteqar­neranik nas­suiaap­pai. (Joh 15:11-13) Taava ima oqar­poq: “Ikin­ngutinik taavas­si.” Jiisusimik ikin­nguteqar­nerup tunis­sutaanera nuan­ningaarami, ilaa? Apustilil­li Jiisusi qanoq ikin­ngutigiuarsin­naavaat? Inerititaqartuarnikkut.’ (Johannesi 15:14-16 atuakkit). Tas­sa oqaluus­siuar­tariaqar­put. Ukiut marluk tamatuma sior­natigut Jiisusip apustilini ima  oqarfigai: “Oqaluus­siar­toritsi ima: Qilaap Naalagaaf­fia qanil­livoq!” (Matt 10:7) Taamaat­tuminguna un­nuk­kut toqus­si aqagut­toq Jiisusip ajoqersuk­kani oqaluus­sinermin­ni nikallujuinnissamik kajumis­saarai. (Matt 24:13; Mark 3:14) Jiisusip nalun­ngilaa peq­qus­sutip malin­nis­saa ajor­naatsuunavian­ngitsoq. Nikal­lujuis­sin­naap­pul­li taas­sumun­ngalu ikin­ngutaajuarlutik. Qanoq? Tunis­sut al­la iluaqutigalugu.

17, 18. (a) Johan­nesi 15:7-mi tunis­sut suna eq­qaaneqar­pa? (b) Tunis­sut taan­na Jiisusip ajoqersugaasa qanoq iluaqutigaat? (c) Ul­lumik­kut tunis­sutit suut iluaqutigisar­pavut?

¹⁷ Qinnutitta akineqartarnerat. Jiisusi ima oqar­poq: “Sumik piumasas­sin­nik qinugitsi, qin­nutigisarsilu pis­savarsi.” (Joh 15:7, 16) Jiisusip neriorsuutaa apustilinut nakusatsin­narsimas­saaq! * Apustilit paasil­luan­ngilaat Jiisusip toquf­fis­saa nal­liutingajalersoq. Imaan­ngilarli toqup­pat ikioriarfis­saarutis­sasut. Jehovap qin­nutaasa akinis­saat piareersimaf­figaa oqaluus­sineran­nil­lu ikioriaan­naal­lugit. Taamaalior­porlu. Jiisusi toqoreersoq apustilit Jehova qinunik­kut sapiil­liseq­qul­lutik kimigiiserfigaat, Jehoval­lu qin­nutaat akivaa. – ApS 4:29, 31.

¹⁸ Ul­lumik­kut aam­ma taamaap­poq. Oqaluus­sinitsin­ni nikal­lujuik­kut­ta Jiisusi ikin­ngutigiuas­savar­put. Up­peril­luin­narsin­naavar­pul­lu oqaluus­siner­put saper­nar­til­lugu qinunik­kut ikioq­qugut­ta Jehovap qin­nutivut akis­sagai. (Fil 4:13) Jehovap qin­nutivut akisarmagit aam­ma Jiisusi ikin­ngutigigatsigu qujamasungaar­pugut. Tunis­sutit taak­ku Jehovameersut nakus­satsis­sutigalugit inerititaqar­tuarsin­naavugut. – Jaak 1:17.

19. (a) Sooq oqaluus­siuar­pugut? (b) Guutip sulias­siis­sutaanik naam­mas­sin­nin­niar­nitsin­ni suut iluaqutigaavut?

¹⁹ Al­laaserisami matumani oqaluus­siuar­nis­satsin­nut pis­sutaasut sisamat paasivavut: Jehova naalan­narsisin­niarlugu taas­sumalu aq­qa il­ler­narsisin­niarlugu, Jehovamik Jiisusimil­lu asan­nin­ner­put ersersin­niarlugu, inuit mianersoq­quniarlugit kiisalu inuit asagatsigit. Aam­ma tunis­sutit sisamat sam­mivavut: nuan­naar­neq, eq­qis­sineq, Jiisusimik ikin­nguteqar­neq aam­ma qin­nutit­ta akineqar­tar­nerat. Tunis­sutit taak­ku iluaqutigalugit Guutip sulias­siis­sutaata naam­mas­sinis­saanut nukis­satsin­nik tunineqar­tar­pugut. ‘Inerititaqarluar­nermik’ ileq­qulius­sinis­saq ilungersuutigigip­put Jehovap takugaangamiuk nuan­naarutigisar­paa!