Imarisai

Imarisai

 ATUAQQISSAAGASSAQ 30

Upperisaqanngitsut uummataat killikkit

Upperisaqanngitsut uummataat killikkit

‘Tamanut tamalaasutut ip­punga ilaat an­naakumagaluarlugit.’ – 1 KOR 9:22, tastamantitâĸ.

ERINARSUUT 84 Sapin­ngisatsin­nik ikiuisa

QILANAARTUUT *

1. Ukiuni kingul­ler­ni nunat ilaan­ni qanoq al­lan­ngor­toqarsimava?

UKIUNI tuusintilin­ni inuit amerlanersaat up­perisaqarsimap­put. Ukiunili kingul­ler­ni maluginiar­nar­tumik al­lan­ngor­toqar­poq. Inuit up­perisaqan­ngin­nerar­tut amerliar­tuin­nar­put. Nunat ilaan­ni inuit amerlanerit up­perisaqan­ngin­nerar­tar­put. * – Matt 24:12.

2. Sooq inup­pas­suit up­perisaqan­ngil­lat?

2 Sooq inuit up­perisaqan­ngitsut amerliar­tuin­nar­pat? * Im­maqa ilaasa nuan­naar­niutit isumakuluutil­lu al­lamut saasaatigaat. (Luk 8:14) Ilaat guuteqan­ngin­neraasun­ngorsimap­put. Al­lat Guuti up­peraat eq­qarsarlutil­li up­perisarsior­neq itsangaval­laar­toq, soqutiginan­ngitsoq aam­ma ilisimatusar­nermut naaper­tuun­nanilu silatusaar­nermut akerliusoq. Im­maqa ikin­ngutimin­nit, ilin­niar­titsisumin­nit inun­nil­luun­niit tusaamasanit pin­ngoriar­tuaarsimaneraaneq tusar­tar­paat, Guutimil­li up­perin­nin­nerup tun­ngavilersor­neqar­nera tusar­piar­neq ajorlugu. Al­lat up­perisarsior­nik­kut siut­tut aningaaseritunerat pis­saaneqarusun­neral­lu as­suarisar­paat. Nunat ilaan­ni oqar­tus­saasut up­perisarsior­neq kil­lilersor­paat.

3. Al­laaserisaq sumut iluaqutigis­savar­put?

3 Jiisusip peq­quaatigut ‘inuit inuian­nit tamaneersut’ ajoqersugan­ngor­tis­sagivut. (Matt 28:19, NW) Inuit up­perisaqan­ngitsut Guutip asanis­saanut aam­ma Jiisusimut ajoqersugan­ngor­nis­saan­nut  qanoq ikiorsin­naavavut? Inuup sumin­ngaan­neer­nera oqariar­tuutitsin­nut qanoq qisuariar­neranut sun­niuteqarsin­naasoq paasisariaqar­par­put. As­sersuutigalugu inuit Europameersut Asiameersunit al­latut qisuariarsin­naap­put. Sooq? Europami inuit amerlasuut Biibilimik ilisimasaqalaarmata Guutil­lu sunik tamanik pin­ngor­titsisuunera tusar­nikuul­lugu. Asiamili inuit amerlanersaasa Biibili ilisimaqarfiger­pian­ngilaat im­maqalu Pin­ngor­titsisoqar­nera up­perinagu. Oqaluus­sinitsin­ni naapitat­ta, qanorluun­niit tunuliaqutaqaraluar­pata, uum­mataat qanoq kil­lis­sin­naagivut ilin­niarumal­lugu al­laaserisaq iluaqutigis­savar­put.

ISUMALLUARTUUJUARIT

4. Sooq isumal­luar­tuusin­naavugut?

4 Isumal­luar­tuugit. Ukiut tamaasa inuit up­perisaqarsiman­ngitsut Jehovap Nalunaajaasuinut ilan­ngut­tar­put. Amerlasuut qutsis­sunik najoq­qutaqareer­put up­perisarsior­nik­kul­lu ilumoor­tuusaar­neq mamiagalugu. Al­lat inuunerlut­tuusimap­put taamaatitas­samin­nik ajor­tunik ileq­qoqarlutik. Qularin­ngis­sin­naavar­put Jehovap ikiuineratigut inuit “eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasut” nas­saarisin­naagivut. – ApS 13:48, NW; 1 Tim 2:3, 4.

Biibilimik up­perin­nin­ngitsunut oqaluus­sigaangavit periaatsit naleq­qus­sar­taruk (Im­mik­koor­tut 5-6 takuk­kit) *

5. Inuit oqariar­tuutitsin­nut ajun­ngitsumik suna qisuariaatigisar­paat?

5 Inus­siar­ner­suugit periaaseril­lutil­lu. Inuit oqariar­tuutitsin­nut ajun­ngitsumik qisuariar­tar­put oqaat­sivut pin­nagit periaaser­pul­li pis­sutigalugu. Inus­siar­ner­ner­put, periaaserin­ner­put qaman­ngalu pisumik soqutigin­nin­ner­put nuan­naarutigisar­paat. Pin­ngitsaalil­lugit tusar­naar­tin­neq ajor­pavut. Up­perisarsior­nermul­li tun­ngatil­lugu isigin­nit­taasiat paaserusut­tar­par­put. Nalun­ngilar­put ilaasa up­perisarsior­neq inun­nut nalusamin­nut eq­qar­torusun­neq ajoraat. Al­lat misigip­put Guuti pil­lugu aperineq ataq­qin­nin­ngitsulior­nerusoq. Al­lal­lu Biibilip atuar­nerani, ingam­mik Jehovap Nalunaajaasui ilagalugit, takuneqar­nis­sar­tik kan­ngugisar­paat. Qanorluun­niit ik­kaluar­pat misigis­susii in­nimiginiar­tar­pavut. – 2 Tim 2:24.

6. Paulusip naleq­qus­sarsin­naanini qanoq ersersip­paa, qanorlu ilaarsin­naavar­put?

6 Taavami oqaatsit soorlu “Biibili”, “pin­ngor­titsineq” imaluun­niit “up­perisaq” ator­neri inuit nuan­narin­ngip­patigit qanoq iliorsin­naavugut? Paulusi ilaarlugu periaaser­put naleq­qus­sarsin­naavar­put. Taas­suma juutit oqaloqatigigaangamigit Al­lak­kat ator­tar­pai. Areopagosimili grækerit isumaliuutersor­tar­tut oqaloqatigigamigit oqar­neq ajor­poq Biibili is­suaavigalugu. (ApS 17:2, 3, 22-31) Paulusi qanoq ilaarsin­naavar­put? Biibilimik up­perisaqan­ngitsoq naapik­kuk­ku tun­ngavilersuinin­ni Biibili is­suaavigalugu oqaatigisariaqan­ngilat. Ilimagiguk­ku Biibilimit atuf­fas­sinin­ni qusalis­sasoq malun­naarsaarlutit, soorlu mobili atorlugu, al­las­simaf­fim­mik takutitsivigisin­naavat.

7. Paulusip maligas­siaa, Korinthimiunut al­lak­kat siul­liit 9:20-23 al­laatigineqar­toq, qanoq ilaarsin­naavar­put?

7 Paasin­nit­tuul­lutil­lu tusar­naar­tarit. Inuit naapitat­ta isumaan­nut pis­sutaasin­naasut paasiniar­tariaqar­pavut. (Uss 20:5) Paulusip maligas­siaa eq­qarsaatigeq­qiguk. Juutit akor­nan­ni peroriar­tor­poq. Guutimil­lu nalusunut oqaluus­sinis­sani naleq­qus­sar­tariaqar­paa Jehova aam­ma Al­lak­kat pil­lugit ilisimasaqar­pian­ngim­mata. Oqaluus­sif­figisar­tak­katsin­niit­tut eq­qarsaataat misigis­susaal­lu paasiumal­lugit misis­suisariaqarsin­naavugut imaluun­niit ilagiin­ni misilit­tagaqarluar­tut siunersiorlugit. – 1 Korinthimiut 9:20-23 atuakkit.

8. Biibili pil­lugu qanoq oqaloqateqaler­toqarsin­naava?

8 Qin­ngaq­qun­nan­ngitsunik nas­saar­nis­saq anguniagaraar­put. (Matt 10:11) Iluatsis­sap­pat inuit isumaat pil­lugit aperisin­naavavut  tusar­naaq­qis­saarlutalu. Qatan­ngutip angutip Tuluit Nunaan­niit­tup inuit qanoq isumaqar­nerat paasiumal­lugu aap­pariil­luar­neq, meeq­qanik perorsaaneq imaluun­niit naaper­tuil­luan­ngitsumik pineqar­til­luni piner­tusaar­neq pil­lugit aperisar­pai. Akis­sutaat tusar­naareerlugu ima oqar­tar­poq: “Siun­nersuut una ukiut 2.000-ngajaat matuma sior­na al­lan­neqarsimasoq qanoq isumaqarfigaajuk?” Taava Biibili eq­qaan­ngik­kaluarlugu al­las­simaf­fik tul­luar­toq mobiliminiit atuar­tar­paa.

INUIT UUMMATAAT KILLIKKIT

9. Inuit Guuti pil­lugu eq­qar­tuerusun­ngitsut qanoq ikiorsin­naavavut?

9 Guuti pil­lugu eq­qar­tuerusun­ngitsut nuan­narinerusaan­nik oqaloqatiginerisigut uum­mataat kil­lis­sin­naavavut. As­sersuutigalugu inup­pas­suit pin­ngor­titarsuaq alutorisar­paat. Taava ima oqarsin­naavugut: “Nalugunan­ngilat ilisimatuut amerlasuut pin­ngor­titami pioreersut ilaarlugit nas­saarsior­tar­tut. Soorlu mikrofonimik ilusilersuisar­tut siutit misis­soq­qis­saarlugit paasiniaasar­put as­siliivilior­tar­tul­lu isit misis­soq­qis­saar­tarlugit. Pin­ngor­titarsuaq qanoq isumaqarfigaajuk? Nam­mineq piuler­pa, pin­ngor­tin­neqar­pa imaluun­niit ...?” Tusar­naarluareerluta ima oqarsin­naavugut: “Nas­saarsior­tut siutip isil­lu ilusilersugaanerat ilin­niarfigisar­pas­suk im­maqa aperisin­naavugut kimit ilin­niarfigisimaneraat. Itsaq taal­lior­tup al­lataa una soqutiginar­tip­para: ‘Taan­na siutiliisoq tusaasin­naas­san­ngin­nerami, taan­na isiliisoq takun­nis­sin­naas­san­ngin­nerami? Taan­na ilisimasaqar­nermik inun­nik ajoqersuivoq.’ Ilisimatuut ilaasa taman­na isumaqatigaat.” (Tuss 94:9, 10) Taava jw.org®-imi al­laaserisat “Ilisimatusar­neq Biibililu”-meersut ilaat takutis­sin­naavar­put. (Tuuk­kit BIIBILIP ATORIAAN­NAANERA > ILISIMATUSAR­NEQ BIIBILILU). Aam­ma qup­persagaq Er livet en Skabers værk? imaluun­niit Fem gode spørgsmål om livets oprindelse tun­nius­sin­naavar­put.

10. Guuti pil­lugu eq­qar­tuerusun­ngitsut qanoq oqaloqatigilersin­naavavut?

10 Inuit amerlanersaasa siunis­saq pitsaanerusoq kis­saatigaat. Amerlasuul­li nunarsuup aseror­nis­saa imaluun­niit najugas­saajun­naar­nis­saa an­nilaangatigisar­paat. Norgemi nak­kutil­liisoq angalasar­toq oqar­poq Guuti pil­lugu eq­qar­tuerusun­ngitsut amerlaner­tigut nunarsuarmi pis­sutsinik eq­qar­tuerusut­tar­tut. Inuit ilas­seriarlugit ima aperisar­pai: “Siunis­saq neriul­luar­narsoraajuk? Kik­kut pis­sutsinik aaq­qiisin­naap­pat? Politikerit, ilisimatuut imaluun­niit  al­lat?” Tusar­naarluareerluni siunis­saq nuan­nersoq pil­lugu al­las­simaf­fim­mik atuaal­luniluun­niit is­suaasar­poq. Nunarsuup atajuar­nis­saanik inuil­lu ajun­ngitsut tas­sani naas­saan­ngitsumik inuulerumaar­neran­nik Biibilip neriorsuutai pil­lugit ilaat paasisaqarusuler­tar­put. – Tuss 37:29; 104:5.

11. Sooq periaatsit as­sigiin­ngitsut ator­tariaqar­pavut, aam­ma Paulusip maligas­siaa Romamiut 1:14-16 al­laatigineqar­toq qanoq ilaarsin­naavar­put?

11 Periaatsit as­sigiin­ngitsut ator­tar­nis­saat pitsaas­saaq. Sooq? Naapitavut tamarmik im­mik­kuul­laris­suum­mata. Im­maqa aap­paata soqutigisaa aap­paata soqutigineq ajor­paa. Ilaasa Guuti Biibililuun­niit pil­lugu eq­qar­tuinis­sar­tik ajorineq ajor­paat, al­lal­li al­lanik eq­qar­tueq­qaar­nis­sar­tik iluarinerusar­paat. Qanorluun­niit ik­kaluar­pat inuit kik­kul­luun­niit oqaloqatiginiar­tariaqar­pavut. (Romamiut 1:14-16 atuakkit). Soorunami eq­qaamas­savar­put Jehova tas­saasoq inuit eq­qor­tumik nuan­narin­nit­tut uum­mataan­ni sal­lusuis­sum­mik ineriar­tor­titsisoq. – 1 Kor 3:6, 7.

ASIAMEERSUNUT SALLUSUISSUT QANOQ INGERLATEQ­QISSIN­NAAGIPPUT

Oqaluus­sisar­tut amerlasuut inun­nik kristumiuun­ngitsunik soqutigin­nin­nermik ersersitsisar­put Biibilimilu siun­nersuutit atoriaan­naat oqalut­tuarisarlugit (Im­mik­koor­tut 12-13 takuk­kit)

12. Asiameersut Pin­ngor­titsisoqar­neranik eq­qarsaatigin­nis­siman­ngitsut qanoq oqaluus­sif­figisin­naavavut?

12 Nunarsuaq tamak­kerlugu oqaluus­sisar­tut inun­nik Asiameersunik, soorlu oqar­tus­saasunit up­perisarsior­nermik kil­lilersugaaf­fim­meersunik, naapitsisar­put. Asiami inup­pas­suit iluamik eq­qarsaatiginikuun­ngilaat Pin­ngor­titsisoqar­nersoq. Ilaat paasisaqarusul­lutik Biibilimik atuaq­qis­saar­nis­samik neqeroorfigineqaraangamik akuersisar­put, al­lal­li isum­mat nutaat paasinias­sal­lugit nangaasar­put. Taak­ku qanoq oqaluus­sif­figisin­naavavut? Oqaluus­sisar­tut misilit­tagar­tuut ilaat periaaserin­nik­kut soqutigin­nin­nermil­lu ersersitsinik­kut kinguneqarluar­tumik oqaloqateqaler­tar­put. Taava naleq­quk­kaangat eq­qar­tor­tar­paat Biibilimi najoq­qutas­sianik maleruaaler­ner­tik qanoq inuunermin­ni iluaqutigisimal­lugu.

13. Inuit Biibili qanoq soqutigilersin­naavaat? (Saq­qaani as­seq takuuk).

13 Inup­pas­suit Biibilimi siun­nersuutit atoriaan­naasut pis­sutigalugit Biibili soqutigiler­tar­paat. (Oqal 7:12) New Yorkimi qatan­ngut ar­naq inun­nik Kinamiutut oqalut­tunik oqaluus­sisar­toq ima oqar­poq: “Inuit soqutigin­nin­nermik ersersitsiviginiar­tar­pak­ka tusar­naarlugil­lu. Paasigaangak­ku nunasisutut nooq­qam­mersut ima aperisin­naavak­ka: ‘Nuun­nerit sungiup­piuk? Sulif­fit­taar­pit? Ajun­ngitsumik pineqar­tar­pit?’” Ilaan­nik­kut taman­na Biibilimi ilin­niar­titsis­sutigineqar­tunik saq­qum­mius­sinis­saminut iluaqutigisar­paa. Naleq­quk­kaangal­lu ima nangit­tar­poq: “Inuit eq­qis­seqatigiis­sap­pata suna pisariaqar­pa? Biibilimi us­sat takutilaarsin­naavara? Ima al­laq­qavoq: ‘Saqitsaas­siler­nerup as­sigaa imermik supisitsineq; taamaat­tumik nipangiin­nar­tarit saqitsaat­toqalin­ngin­nerani!’ Isumaqar­pit siun­nersuut inun­nik al­lanik at­taveqarluar­nis­samut iluaqutaasin­naasoq?” (Uss 17:14) Taamatut oqaloqateqar­nik­kut kik­kut ilik­kagaqar­nerorusut­tut paasisin­naavar­put.

14. Qatan­ngutip angutip Kangiani ungal­lermiit­tup Guutimik up­perin­nin­ngin­neraasut qanoq ikior­tar­pai?

14 Inuim­mi Guutimik up­perin­nin­ngin­neraap­pata? Qatan­ngut angut Kangiani ungal­lermi inun­nut up­perisaqan­ngitsunut oqaluus­sinermini misilit­tagaqarluar­toq ima nas­suiaavoq: “Inuk oqaraangat Guutimut up­per­nani guutit najugaqarfigisamini pal­lorfigineqar­tar­tut up­perinagit pinerusar­paa. Guutit amerlanerit inun­nit sanaajugamik piviusuun­ngin­neran­nik isumaqatigisar­para. Jeremia 16:20 atuar­tar­para: ‘Inuk im­minut guutiliuus­sin­naaner­pa? Taama it­tut guutiun­ngil­lat!’  Taava ima aperisar­punga: ‘Qanoq ilil­luta Guuti piviusoq aam­ma guuti inun­nit sanaajusoq im­mik­koor­tis­sin­naavavut?’ Tusar­naaq­qis­saar­tar­punga taavalu Esaja 41:23 atuarlugu: ‘Nalunaaritsi siunis­sami qanoq pisoqarumaar­neranik, uatsin­nut misigisin­naaq­qul­lugu guutiususi!’ Taava siunis­saq pil­lugu Jehovap siulit­tuutaanik takutitsivigisar­para.”

15. Qatan­ngut angut Asiap Kangisis­suaniit­toq qanoq ilin­niarfigisin­naavar­put?

15 Qatan­ngutip angutip Asiap Kangisis­suaniit­tup pulaaq­qiigaangami qanoq ilior­tar­nerluni ima oqalut­tuaraa: “Biibilimi ilisimas­susermik, siulit­tuutinik eq­quus­simasunik inatsisinil­lu avataarsuarmik aqutsisunik as­sersuutit takutit­tar­pak­ka. Taava takutit­tar­para piviusumik ilisimas­suseqar­tumil­lu Pin­ngor­titsisoqar­neranut qanoq up­per­narsaataasut. Guutip piuneranik akuersaaleraangat Biibilimi Jehova pil­lugu qanoq al­laq­qasoqar­neranik takutit­tar­para.”

16. Hebræerit 11:6 naaper­torlugu sooq Biibilimik atuaq­qis­saar­tar­tut Guuti Biibililu up­perisariaqar­paat, up­perin­niler­nis­saan­nul­lu qanoq ikiorsin­naavavut?

16 Inuit up­perisaqan­ngitsut Biibilimik atuaq­qis­saaqatigigaangatsigit Guutip piuneranik up­per­nerat nakus­satsit­tuar­tariaqar­par­put. (Hebræerit 11:6 atuaruk). Aam­ma Biibilimik up­perin­niler­nis­saan­nut ikior­tariaqar­pavut. Ajoqersuus­sutinik tun­ngaviusunik arlaleriarluta uteq­qiisariaqarsin­naavugut. Atuaq­qis­saaqatigigaangatsigit Biibili Guutip oqaaserineranut up­per­narsaatit sam­misariaqarsin­naavavut. As­sersuutigalugu Biibilimi siulit­tuutinik eq­quus­simasunik, ilisimatusar­nik­kut oqalut­tuarisaanik­kul­lu eq­qoq­qis­saar­tunik aam­ma Biibilip ul­luin­nar­ni inuunitsin­ni iluaqutaaneranik eq­qar­tuil­latsiarsin­naavugut.

17. Asan­nin­ner­put inun­nut qanoq sun­niuteqarsin­naava?

17 Inuit up­perisal­lit up­perisaqan­ngitsul­lu asan­nin­nermik ersersitsiviginerisigut Jiisusimut ajoqersugan­ngor­nis­saan­nut ikior­tar­pavut. (1 Kor 13:1) Ilin­niar­tin­neran­ni pingaar­ner­tut siuner­taraar­put paasitis­sal­lugit Guutip asagaatigut aam­ma kis­saatigigaa taan­na asas­sagip­put. Ukiut tamaasa inuit tuusintil­lit sior­natigut up­perisamik soqutigisaqar­piarsiman­ngitsut soqutigin­nin­ngivitsul­luun­niit Guuti asalersimagamik­ku kuisit­tar­put. Taamaat­tumik isumal­luar­tuugit inun­nil­lu tamalaanik asan­nil­lutit soqutigin­nigit. Tusar­naar­tak­kit. Eq­qarsaataat misigis­susaal­lu paasiniar­tak­kit. Maligas­siuinik­kul­lu Jiisusimut ajoqersugan­ngor­nis­saan­nik ilin­niar­tik­kit.

ERINARSUUT 76 Aal­lus­sigat­ta pil­luar­pugut

^ imm. 5 Inuit up­perisaqan­ngitsut im­maqa aatsaat taama amerlatigisut naapit­tar­pavut. Al­laaserisami sal­lusuis­sutit Biibilimeersut taak­kunun­nga qanoq ingerlateq­qis­sin­naanerivut aam­ma Biibilip tutsuigiler­nis­saanut Jehovamil­lu up­perin­niler­nis­saan­nut qanoq ikiorsin­naanerivut sam­mis­savar­put.

^ imm. 1 Misis­suinerit naaper­torlugit nunat pineqar­tut uku ilagaat: Albania, Aserbajdsjani, Australia, Canada, Danmarki, Frankrigi, Hol­landi, Irlandi, Israeli, Japani, Kina, Korea Kujal­leq, Norge, Schweizi, Spania, Sverige, Tjek­kia, Tuluit Nunaat, Vietnami aam­ma Østrigi.

^ imm. 2 NASSUIAAT: Al­laaserisami up­perisaqan­ngit­sut eq­qaaneqaraangamik up­perisarsior­nermut sumul­luun­niit ilaan­ngitsut Guutimil­lu up­perin­nin­ngitsut pineqar­tar­put.

^ imm. 54 ASSINI MALUGISASSAT: Qatan­ngut angut nap­parsim­mavim­mi suleqatiminut oqaluus­sisoq. Kingor­natigut oqaluus­sif­figisaata nit­tar­tagar­put jw.org misis­sor­paa.