Imarisai

Imarisai

Kimit iluarisaarusuppit?

Kimit iluarisaarusuppit?

‘Guutip iluaatsuun­ngin­nami puiorsiman­ngilai suliasi asan­nin­nersilu aq­qanut takutis­simasarsi.’ – HEBR 6:10.

ERINARSUUTIT: 29, 34

1. Tamat­ta inun­nguuseralugu suna kis­saatigaar­put?

NALUN­NGISAVIT ataq­qisavil­lu arlaata ilisarin­ngip­patit atil­luun­niit puior­pagu qanoq misigis­savit? Taamaan­neqar­neq nikal­lor­narsin­naavoq. Sooq? Tamat­ta al­lanit iluarineqar­nis­saq inun­nguuseralugu kis­saatigisaratsigu. Kinaas­susersiin­naratali aam­ma inut­tut qanoq it­tuunersugut qanorlu angusaqarsimanersugut nalus­san­ngik­kaat kis­saatigaar­put. – 4 Mos 11:16; Job 31:6.

2, 3. Qanoq kuk­kusumik al­lanit iluarisaarusulersin­naavugut? (Al­laaserisap aal­laq­qaataani as­siliaq takuuk).

2 Mianersun­ngik­kut­tali inun­nguuseralugu kis­saater­put ajor­tumik sun­ner­neqarsin­naavoq. Saatanip silarsuaata tusaamasaarusuler­nis­sar­put pingaaruteqarusuler­nis­sar­pul­lu kis­saatigitik­kusup­paa. Taama kis­saateqaleraangat­ta Ataatar­put qilam­miusoq, Jehova Guuti, ataq­qinaaser­nagulu pal­lorfigineqar­tariaqar­neratul­lu pal­lorfigineq ajor­par­put. – Saqq 4:11.

3 Jiisusip nalaani up­perisarsior­nik­kut siut­tut iluarisaarusun­neq eq­qun­ngitsumik isigin­nit­taaseqarfigaat. Jiisusip  ajoqersuk­kani ima mianersoq­quai: “Al­lak­kanik ilisimasunut mianersoritsi, taak­ku takisuunik atisaqarlutik angalaarumal­laaraat niueriar­tor­tarfin­nilu ilas­sior­tik­kumasarlutik, synagoginilu is­siavin­ni sal­ler­niik­kumal­laaraat nereqatigiin­ner­nilu akimanerit inigisar­tagaan­niik­kumasarlutik.” Imalu nangip­poq: “Taak­ku suli sukan­ner­nerungaar­tumik eq­qar­tuun­neqas­sap­put.” (Luk 20:46, 47) Tamatuman­nga al­laanerul­luin­nar­tumik Jiisusip uil­lar­neq piitsoq al­lanit malugineqarunan­ngik­kaluarluni aningaasan­nguanik marlun­nik tunis­suteqar­toq nersor­paa. (Luk 21:1-4) Erseq­qip­poq Jiisusip iluarisaarusun­nermut isigin­nit­taasia inuit al­lat isigin­nit­taasian­nit al­laanerul­luin­nar­toq. Al­laaserisaq una iluarisaarusun­nermut tun­ngatil­lugu Jehovap Guutip isigin­nit­taaseqaq­qusineratut eq­qor­tumik isigin­nit­taaseqar­tuar­nis­samut iluaqutigis­savar­put.

ILUARISAANEQ PITSAANERPAAQ

4. Kimit iluarisaaneq pitsaaner­paava, aam­ma sooq?

4 Kimit iluarisaaneq pitsaaner­paava? Tas­saan­ngilaq inup­pas­suit isumaqar­nerat­tut qaf­fasis­sumik ilin­niarsimaneq, niuer­nermi ingerlal­luar­neq aliik­kusersuinerul­luun­niit silarsuaani tusaamasaaneq. Paulusip kimit iluarisaaneq pitsaaner­paajunersoq ima al­lal­luni nas­suiar­paa: “[Maan­na] Guuti ilisimaleras­siuk – eq­qor­nerusumik oqarlanga: Guutip ilisimalermasi – taava qanoq ilil­lusi pis­saanerit taak­ku san­ngiin­nermit nal­lin­naan­nar­tut uterfigisin­naavisigit? Kingumut inus­siaataasutut kif­far­torfiginiar­pisigit?” (Gal 4:9) Qilam­mi nunamilu naalak­kersuisumit qutsin­ner­paamit ‘Guutimit ilisimaneqar­neq’ im­mik­kut pisin­naatitaaf­fiuvoq nuan­ningaar­toq! Jehovap kinaasugut nalun­ngilaa, asavaatigut ikin­ngutigis­sagitsin­nilu kis­saatigaa. Jehovap ikin­ngutigisin­naanias­sagamisigut pin­ngor­tip­paatigut. – Oqal 12:13, 14.

5. Guutimit ilisarisimaneqas­sagut­ta susariaqar­pugut?

5 Nalun­ngilar­put Mosesip Jehova ikin­ngutigigaa. Mosesip ima kimigiiserfigim­mani: “Aq­qutin­nik nalunaarfigin­nga”, Jehova ima akivoq: “Qin­nutigisat akueris­savara uanga isin­nut saam­maan­narsigavit atik­kul­lu ilisarisimagak­kit.” (2 Mos 33:12-17) Jehovap aam­ma uagut ilisarisimasin­naavaatigut. Jehova ikin­ngutigiumal­lugu susariaqar­pugut? Taan­na asal­lugulu inuuner­put taas­sumun­nga tun­niul­luin­nar­tariaqar­put. – 1 Korinthimiut 8:3 atuaruk.

6, 7. Jehovamik ikin­nguteqar­ner­put qanoq an­naasin­naavar­put?

6 Ataatatsin­nil­li qilam­miusumik ikin­nguteqar­ner­put naleqangaar­toq pingaar­tit­tuar­tariaqar­par­put. Kristumiut siul­liit Galatiamiit­tut as­sigalugit ‘san­ngiin­nermit nal­lin­naan­nar­tunut’, ilaatigut silarsuarmit iluarisaaniar­nermut, inus­siaataajun­naar­tariaqar­pugut. (Gal 4:9) Qatan­ngutit Galatiamiit­tut Guuti ilisarisimalereer­paat, Guutil­lu taak­ku ilisarisimareer­pai. Paulusili al­lap­poq qatan­ngutit taak­ku suun­ngitsut ‘uterfigigaat’. Al­latut oqaatigalugu ima aperai: ‘Sooq uter­niar­pisi suun­ngitsunut atorsin­naan­ngitsunul­lu inus­siaataaq­qilerlusi?’

7 Uagut aam­ma taama pisin­naavugut? Aap. Paulusitut, sal­lusuis­sut ilik­karatsigu im­maqa Saatanip silarsuaani tusaamasaaneq iluatsitsil­luar­nerlu sus­sak­keersimavavut.  (Filippimiut 3:7, 8 atuakkit). Im­maqa qaf­fasis­sumik ilin­niar­nis­samut, sulif­figis­saar­nis­samut aningaasatigul­luun­niit iluanaarluar­nis­samut periarfis­saqarsimavugut. Im­maqaluun­niit nipilersor­nermi timersor­nermiluun­niit pigin­naasaqarluarat­ta tusaamasan­ngorsin­naagaluarlutaluun­niit pisuun­ngorsin­naagaluar­pugut. Periarfis­sal­li tamak­ku soqutigin­ngilavut. (Hebr 11:24-27) Ajun­ngitsumik aalajangiisimanivut peq­qis­simis­sutigalugil­lu sus­sak­kiik­kavut angunialerutsigit inuuner­put ingerlal­luar­nerus­sasoq misigigut­ta sianiil­lior­nerujus­suus­saaq! Silarsuarmi matumaniit­tut, ‘san­ngiin­nermit nal­lin­naan­nar­tutut’ nalileriik­kavut, uterfigerusulersin­naavavut. *

AALAJANGIUSIMANNINNERIT NAKUSSATSIGUK

8. Jehovamit iluarisaarusun­neq qanoq aalajangiusimanerulersin­naavar­put?

8 Silarsuarmit iluarisaarusuk­kun­naas­sutigisatsin­nik Jehovamit iluarisaarusun­neq qanoq aalajangiusimanerulersin­naavar­put? Ilumoor­tut pingaarutil­lit marluk eq­qaamasariaqar­pavut. Siul­lermik, Jehovap aalajaallutik kiffartorfiginnitsini tamatigut iluarisaanerminik ersersitsivigisarpai. (Atuaruk Hebræerit 6:10; 11:6). Jehovap kif­fani aalajaatsut tamarluin­naasa pingaar­tik­kamigit taak­kua arlaat sumigin­naruniuk ‘iluaatsulior­ner­tut’ isigis­savaa. Jehovap “pigisani” ilisimajuaan­nar­pai. (2 Tim 2:19) “Iluar­tut aq­qutaat nalun­ngilaa” qanorlu an­naatis­sanerlugit nalunagu. – Tuss 1:6; 2 Petr 2:9.

9. Jehovap itsaq in­nut­tani qanoq iluarisaanermik ersersitsivigisimavai?

9 Jehovap ilaan­nik­kut in­nut­tani im­mik­korluin­naq it­tumik iluarisaanermik ersersitsivigisar­pai. (2 Nal 20:20, 29) As­sersuutigalugu Jehovap in­nut­tani Faraomit pis­saaneqangaar­tumit malersor­neqarmata Im­mak­kut Aap­palaar­tuk­kut qanoq an­naak­kai eq­qarsaatigiuk. (2 Mos 14:21-30; Tuss 106:9-11) Pisimasoq taman­na tupin­nangaarmat silarsuup ilaani tamatumani ukiut 40-t qaangiutereeraluar­tut suli eq­qar­tor­neqar­poq. (Jos 2:9-11) Gogip Magogimeersup qanit­tuk­kut saas­sutis­sam­matigut Jehovap in­nut­taminik itsaq asan­nil­lunilu an­naas­sisimanera eq­qaamas­sal­lugu uagutsin­nut qiim­maal­lan­nangaar­poq. (Ez 38:8-12) Taamanik­kus­samut silarsuarmit iluarisaaneq ujar­torsimanagu Guutimit iluarisaaneq ujar­torsimagutsigu nuan­naarutigingaas­savar­put.

Ilaan­nik­kut Jehovap kif­fani ilimagin­ngisaat­tut akiler­tar­pai

10. Ilumoor­tup eq­qaamajuagas­sat­ta aap­paat suua?

10 Ilumoor­tup eq­qaamajuagas­sat­ta aap­paat tas­saavoq Jehovap ilimaginngilluinnakkatsinnik iluarisaanermik ersersitsivigisinnaagaatigut. Inuit al­lanit nersor­neqar­niaan­narlutik ajun­ngitsulior­pata Jehovap akiler­navian­ngilai. Sooq? Jiisusip oqar­neratut al­lanit nersor­neqarunik akis­sarsias­sar­tik pereer­paat.  (Matthæusi 6:1-5 atuakkit). Ajun­ngitsuliamin­nil­li ataq­qinaaser­neqan­ngitsut Jehovap, “iser­tor­tumut isigisup”, takusar­pai. Qanoq ilior­neri malugalugil­lu akiler­tar­pai. Ilaan­nik­kut Jehovap kif­fani ilimagin­ngisaan­nik akiler­tar­pai. As­sersuutinik sam­misaqariar­ta.

ARNAQ INUUSUTTOQ MANIGUUTTOQ ILIMAGINNGISAMINIK ILUARISAANERMIK ERSERSITSIVIGINEQARPOQ

11. Jehovap Maria qanoq iluarisaanermik ersersitsivigaa?

11 Jehovap ar­naq inuusut­toq maniguut­toq Mariamik atilik er­nerminut, Jiisusimut, anaanas­satut toq­qar­paa. Maria, Jerusalemi tas­sanilu naalaf­fik alutor­nar­toq ungasil­lugu, il­loqarfeeq­qami Nazaretimi najugaqar­poq. (Lukasi 1:26-33 atuakkit). Sooq Jehovap Maria toq­qar­paa? In­ngilip Gabrielip Maria oqarfigaa ‘Guutimut saam­maan­nar­titaasoq’. Kingusin­nerusuk­kut eq­qarliminut Elisabethimut oqaasiinit erser­poq Mariap Jehova ikin­ngutigil­luaraa. (Luk 1:46-55) Jehovap Maria maluginiarsimavaa aalajaaf­figim­manilu ilimagin­ngisaan­nik pil­luaq­qul­lugu.

12, 13. Jiisusi inun­ngormat tamatumalu kingor­na ul­lut 40-t qaangiut­tut Mariap naalaf­filiaam­magu Jiisusi qanoq ataq­qinaaser­neqar­pa?

12 Jiisusi inun­ngormat Jehovap taman­na kimut oqalut­tuaraa? Jerusalemimi Betlehemimilu atorfilin­nut naalagaatitanul­luun­niit pingaarutilin­nut oqalut­tuarinagu Betlehemip avataani narsaam­mi savanik paarsisunut maniguut­tunut in­ngilit aal­lar­tip­pai. (Luk 2:8-14) Taava savanik paarsisut taak­ku inoorlaaq pulaar­paat. (Luk 2:15-17) Jiisusi taamatut ataq­qineqar­toq takul­lugu Maria Josefilu tupaal­las­simas­saqaat. Jehovap taamaalior­tar­nera Diaavulup iliuuseqar­tar­neranit al­laanerul­luin­nar­poq. Saatanip ul­loris­sat najoq­qutaralugit siulit­tuisar­tut Jiisusimut angajoq­qaavinul­lu aal­lar­tim­magit Jerusalemimi kik­kut tamarmik Jiisusi inun­ngorsimasoq paasigamik­ku eq­qis­siun­naarutigaat. (Matt 2:3) Tamatuma kingunerisaanik meerar­pas­suit pisuus­suteqan­ngitsut toqutaap­put. – Matt 2:16.

13 Jehovap Israelik­kun­nut inatsisaani  al­las­simavoq anaanaasoq er­ninermi kingor­na ul­lut 40-t qaangiun­neran­ni Jehovamut pil­liuteqas­sasoq. Maria, Josefi Jiisusilu Betlehemimut kilometerit qulingiluat mis­saan­nik ungasitsigisumut Jerusalemimut naalaf­filiar­put. (Luk 2:22-24) Aq­qutaani Mariap im­maqa eq­qarsaatigaa palasip Jiisusi im­mik­kut it­tumik ataq­qinias­saneraa. Jiisusi ataq­qineqar­poq, im­maqali Mariap ilimagin­ngisaatut. Jehovap Sim­miuut angut ‘iluar­tuul­lunilu up­perluar­tuusoq’ pruf­fiitilu An­na, uil­lar­neq 84-inik ukiulik, Jiisusip neriorsuutigisatut Mis­siarsin­ngor­tus­saaneranik, tas­sa Kristusin­ngor­tus­saaneranik, nalunaar­tus­satut toq­qar­pai. – Luk 2:25-38.

14. Jehovap Maria qanoq akis­sarsisip­paa?

14 Maria aalajaal­luni Jiisusimik perorsaal­lunilu isumagin­nim­mat Jehovap iluariuar­paa? Aap. Mariap oqaasiisa iliuusiisalu ilaasa Biibilimut ilan­ngun­neqar­nis­saat Guutip qulak­keer­paa. Jiisusip ukiuni pingasuni af­farmilu oqaluus­sinerani Mariap angalaqatigisin­naasimagunan­ngilaa. Im­maqa uil­lar­nerugami Nazaretimiigin­nar­tariaqar­poq. Al­lat misigisaat nuan­nersor­pas­suit misigin­ngitsoor­pai. Jiisusili toqum­mat najuup­poq. (Joh 19:26) Kingusin­nerusuk­kut Jiisusip ajoqersugai piinsip ul­luani anersaamik il­ler­nar­tumik tanin­neqarmata Maria najuup­poq. (ApS 1:13, 14) Ajoqersuk­katut al­latul­li tanin­neqarunar­poq. Taamaap­pat naas­saan­ngitsumik Jiisusip qilam­meeqatiginis­saanut periarfis­saqar­poq. Aalajaal­luni kif­far­tor­neranut akis­sarsiap nuan­nis­susia!

JEHOVAP ERNINI ATAQQINAASERPAA

15. Jehovap Jiisusi nunamiitil­lugu iluarin­nin­nerminik qanoq ersersitsivigaa?

15 Jiisusi up­perisarsior­nik­kut politik­kik­kul­luun­niit siut­tunit ataq­qineqarusun­ngilaq. Jehoval­li pingasoriarluni qilam­mit toq­qaan­nar­tumik oqalul­luni er­nini paasitip­paa asal­lugu. Taman­na Jiisusip qiim­maal­laatigingaarsimas­savaa! Jiisusi kuus­suarmi Jordanimi kuisin­nerata kingunin­ngua Jehova ima oqar­poq: “Tas­sa er­nera asasara, nuan­narisara.” (Mat­t  3:17) Oqaatsinik taak­kunin­nga Johan­nesi Kuisisoq kisimi tusaaqataagunar­poq. Taava Jiisusip toqunis­saa ukiup ataatsip mis­saa sioq­qul­lugu apustilit pingasut tusaatil­lugit Jiisusi pil­lugu Jehova ima oqar­poq: “Tas­sa er­nera asasara nuan­narisara. Taan­na tusarsiuk!” (Matt 17:5) Kiisalu Jiisusip toqunis­saa ul­lualuit sioq­qul­lugu Jehova er­nini pil­lugu qilam­miit oqaloq­qip­poq. – Joh 12:28.

Jehovap er­nerminik ataq­qinaasiinera sumik ilin­niarfigaajuk? (Im­mik­koor­tut 15-17 takuk­kit)

16, 17. Jehovap Jiisusi ilimagin­ngisaatut qanoq ataq­qinaaser­paa?

16 Jiisusip nalun­ngilaa Guutimik mitaatigin­nit­tuunerar­neqar­nis­sani kan­ngunarsaataasumil­lu toqunis­sani. Taamaak­kaluar­toq nam­mineq piumasani pin­nagu Guutip piumasaa pis­sasoq qin­nutigaa. (Matt 26:39, 42) Ataataminit, silarsuarmiun­ngitsoq, iluarisaarusuk­kami nap­pagaq an­niar­titaaf­fik “naam­magalugu ator­paa kan­ngunarsaataanera soqutiginagu”. (Hebr 12:2) Jehovap Jiisusi iluaralugu qanoq ersersitsivigaa?

17 Jiisusip nunamiitil­luni Ataatani qilam­meeqatigigal­laramiuk naalan­nas­suseqar­nermisul­li naalan­nas­suseqaleq­qin­nis­sani qin­nutigaa. (Joh 17:5) Jiisusi tamatuman­nga an­nerusumik neriuuteqar­nersoq Biibilimi sumiluun­niit al­las­siman­ngilaq. Nunamiitil­luni Jehovap piumasaatut ilior­nerminut im­mik­kut akis­sarsinis­sani naatsorsuutigin­ngilaa. Jehovali qanoq ilior­pa? Jiisusi ilimagin­ngisaatut ataq­qinarsisip­paa. Jehovap Jiisusi makitik­kamiuk qilam­mi “toqujuis­susermik” tunivaa. Aam­ma anersaatut naas­saan­ngitsumik inuunermik, kial­luun­niit sior­natigut pisiman­ngisaatut, tunivaa! * (Fil 2:9; 1 Tim 6:16) Jiisusip aalajaal­luni kif­far­tor­nera pil­lugu Jehovamit akis­sarsisin­neqar­nerata tupin­nas­susia!

18. Jehovamit, silarsuarmiun­ngitsoq, iluarisaaniar­nitsin­ni suna iluaqutigis­savar­put?

18 Jehovamit, silarsuarmiun­ngitsoq, iluarisaaniar­nitsin­nut suna iluaqutigis­savar­put? Jehovap kif­fani aalajaatsut tamatigut iluarisaanermik ersersitsivigisarai amerlaner­tigul­lu ilimaginngisaattut akis­sarsisit­tarai eq­qaamajuar­tariaqar­par­put. Siunis­sami Jehovap qanoq akis­sarsisik­kumaaraatigut takorluuin­narsin­naavar­put. Maan­nak­kul­li, silarsuarmi ajor­tumi matumani ajor­nar­torsiuteqar­til­luta, eq­qaamasariaqar­par­put silarsuaq man­na peerut­tus­saasoq. Taamaat­tumik silarsuarmit iluarisaaneq aam­ma peerut­tus­saavoq. (1 Joh 2:17) Ataatat­tali qilam­miusup, Jehovap, “iluaatsuun­ngin­nami” suliavut aq­qanil­lu asan­nin­ner­put puiun­ngisaan­nas­savai. (Hebr 6:10) Iluarisaajumaar­tugut qular­nan­ngilaq, im­maqalu ilimagin­ngisaan­narsimasatsitut iluarisaajumaar­pugut!

^ par. 7 Oqaaseq “nal­lin­naan­nar­tut” Biibilimik nutsik­kani al­lani ima nutser­neqarsimavoq: “Kimeqan­ngitsut”, “amigar­tut”, “atorsin­naan­ngitsut” aam­ma “ajutoor­tut”.

^ par. 17 Al­lak­kani Hebræerisuuni toqujuis­suseq eq­qaaneqan­ngim­mat imaas­sin­naavoq akis­sarsiaq taman­na ilimagin­ngisaasoq.