Imarisai

Imarisai

‘Inunnut tamanut’ misiginneqataaneq ineriartortiguk

‘Inunnut tamanut’ misiginneqataaneq ineriartortiguk

JIISUSIP ajoqersuk­kani nutaarsias­samik nuan­nersumik qanoq oqaluus­sisar­nis­saan­nik ilin­niar­tik­kamigit oqaatigaa naalagaaf­fim­mik tusarlius­saq ilaan­nik­kut tusarumaneqar­tar­navian­ngitsoq. (Luk 10:3, 5, 6) Oqaluus­sinitsin­nut tun­ngatil­lugu aam­ma taamaap­poq. Al­laat inuit ilaat soq­qusaas­sin­naasar­put. Taamatul­lu qisuariar­toqaraangat misigin­neqataaniar­ner­put oqaluus­serusun­ner­pul­lu unam­miniar­narsin­naavoq.

Inuup misigin­neqataasup inuit al­lat pisariaqar­titaat ajor­nar­torsiutaal­lu takusin­naasar­pai, nal­ligisarlugil­lu ikiorusut­tar­pai. Oqaluus­sinitsin­nili naapit­tak­katsin­nut misigin­neqataajun­naarut­ta susoqas­sava? Aal­lus­ser­piarun­naarlutalu sun­niuteqarluar­tumik oqaluus­ser­piarun­naas­saagut. Aal­lus­siner­put in­nermut as­sersuun­neqarsin­naavoq. In­neq ikumatit­tuarumal­lugu qisut­tor­tuar­tariaqar­par­put. Taamatut­taarlu aal­lus­sil­luar­tuujumal­luta al­lanut misigin­neqataasariaqar­pugut! – 1 Th 5:19.

Ajor­naraluaraangal­luun­niit misigin­neqataaneruler­nis­sar­put qanoq ilin­niarsin­naavar­put? Maligas­siuisut ilaarsin­naasavut pingasut sam­meriar­tigit: Jehova, Jiisusi aam­ma apustili Paulusi.

JEHOVAP MISIGINNEQATAANERA ILAARUK

Ukiuni tuusintilin­ni inuit Jehova pil­lugu ajor­tumik sal­lulior­tar­put. Jehovali “qujasuitsunut ajor­tunul­lu” ajun­ngitsulior­tuar­poq. (Luk 6:35) Qanoq ajun­ngitsulior­tarami? Tamanut kamagit­tar­poq. Jehovap “piumasaraa inuit tamarmik an­naan­neqas­sasut”. (1 Tim 2:3, 4) Guutip ajus­suseq uumigigaluarlugu inuit taas­sumun­nga erlin­nar­tuup­put, taak­kualu arlaan­naataluun­niit toqunis­saa kis­saatigin­ngilaa. – 2 Petr 3:9.

Saatanip inun­nik sal­loqit­taal­laq­qin­nera Jehovap nalun­ngilaa. (2 Kor 4:3, 4) Inup­pas­suit meeraanermin­niil­li Guuti pil­lugu sal­luliuutinik oqalut­tuun­neqar­tar­put. Taamaam­mat eq­qarsar­tariaatsitik misigis­sutsitil­lu pis­sutigalugit sal­lusuis­sut akueriuminaatsis­sin­naavaat. Jehoval­li ikiorusungaar­pai. Qanoq nalun­ngilar­put?

Jehova Ninevemiut pil­lugit qanoq misiginersoq as­sersuutigeriar­tigu. Taak­ku nakuuser­taraluar­tut Jehovap Jona ima oqarfigaa: “Uanga taava Nineve naak­kigis­san­ngin­ner­para il­loqarfis­suaq 120.000-it sin­nerlugit inoqar­toq taler­pim­mik saamim­mil­lu paatsiveqar­titsin­ngitsunik?” (Jon 4:11) Jehovap inuit taak­ku nam­mineq pil­luni ilumoor­tumik ilisimasaqan­ngitsut nal­ligigamigit Jona mianersoq­qus­sum­mik oqariar­tuuteqaq­quaa.

Jehovatul­li inuit erlin­nar­tutut isigaavut. Taak­ku Jehova pil­lugu ilin­niar­tik­kusungaar­pavut, sal­lusuis­sum­mik akuersinis­saat ilimanaateqar­pasin­ngik­kaluar­pal­luun­niit.

JIISUSIP MISIGINNEQATAANERA ILAARUK

Jiisusip Ataatamisul­li inuit nal­ligai “paarinerlugaal­lutil­lu naak­kinarsisimangaarmata savatut paarsisoqan­ngitsutut”. (Matt 9:36) Taak­kua atugaan­nut pis­sutaasut Jiisusip paasivaa. Up­perisarsior­nik­kut siut­tunit ajor­tumik pineqar­tarlutil­lu sal­luliuutinik ilin­niar­tin­neqar­tar­put. Aam­ma tusar­naar­timi ilar­pas­sui as­sigiin­ngitsunik pis­suteqarlutik ajoqersugan­ngor­navian­ngitsut Jiisusip nalun­ngik­kaluarlugu “amerlasuunik ajoqersor­pai”. – Mark 4:1-9.

Arlaat aal­laq­qaam­mut tusar­naan­ngik­kaluar­toq nikal­loqinak

Inuit pis­sutsit atuk­katik al­lan­ngoraangata sal­lusuis­sum­mut al­latut qisuariarsin­naap­put

Inuit tusarlius­satsin­nut nuan­nin­ngitsumik qisuariaraangata pis­sutaasut paasiniar­tariaqar­pavut.  Im­maqa kristumiuunerar­tut eq­qun­ngitsulior­nerat takul­lugu Biibili imaluun­niit kristumiut pil­lugit ajor­tumik isum­mersimap­put. Al­lal­lu im­maqa uagut up­perisavut pil­lugit sal­luliuutinik tusagaqarsimap­put. Aam­ma al­lat uagutsin­nik oqaloqateqar­ner­tik pis­sutigalugu ilaqut­tamin­nit inuiaqatigiin­niluun­niit il­laruaatigineqar­nis­sar­tik merserisin­naavaat.

Naapitat­ta ilaat sun­ner­tis­sutigisamin­nik ajor­tunik misigisaqarsimap­put. Kim ajoqersuiar­tor­titaasoq ima oqalut­tuar­poq: “Oqaluus­sif­figisar­tak­katsin­ni inup­pas­suit sorsun­ner­nit aniguisimap­put pigisatil­lu tamaasa an­naasimal­lugit. Siunis­samut iluamik neriuutis­saqan­ngil­lat. Isumatsaq­qal­lutil­lu iluamik tatigin­nis­sin­naan­ngil­lat. Taamaat­tumik tusarlius­satsin­nut akerliusut naapit­tar­pavut. Ataasiarlunga oqaluus­sitil­lunga saas­sutsin­nikuuvunga.”

Kim ilaan­nik­kut ajor­tumik pineqar­taraluarluni qanoq misigin­neqataajuar­pa? Us­satit 19:11 eq­qaamaniar­tar­paa: “Inuk silatus­susiata kamajaatsun­ngor­tit­tar­paa, pingaar­tit­taqaa unioq­qutitsisimasut asat­tuun­neqar­nis­saat.” Oqaluus­sif­figisami aq­qusaarsimasaat eq­qarsaatigigaangamiuk misigin­neqatigin­nin­nis­saminut iluaqutigisar­paa. Aam­ma imaan­ngilaq naapit­tagai tamarmik inus­siar­niitsuusut. Oqaluus­sif­figisar­tak­kamini aam­ma inus­siar­nersunik pulaaq­qit­tagaqar­poq.

Una eq­qarsaatigisin­naavar­put: ‘Sal­lusuis­sut nalul­lugu Jehovap Nalunaajaasuinit oqaluus­sif­figineqaraluaruma qanoq qisuarias­sagaluar­punga?’ As­sersuutigalugu Nalunaajaasut pil­lugit sal­luliuutit tusar­tarsimagutsigit im­maqa aam­ma uagut nuan­nin­ngitsumik qisuariar­tarlutalu misigin­neqatigineqar­nis­satsin­nik pisariaqar­titsis­sagaluar­pugut. Jiisusi oqar­poq al­lanit pineqarusun­nitsitut al­lanut iliuuseqar­tas­sasugut. Taamaam­mat saper­naraluaraangal­luun­niit al­lat qanoq misiginersut paasiniar­tariaqarlugulu kamagit­tarfigisariaqar­pavut. – Matt 7:12.

PAULUSIP MISIGINNEQATAANERA ILAARUK

Apustilip Paulusip al­laat akerliul­lutik nakuuser­tut misigin­neqatigisar­pai. Sooq? Nam­mineq qanoq it­tuusimanini eq­qaamagamiuk. Ima al­lap­poq: ‘Sior­natigut mitaatigin­nit­tuuvunga qinugin­nit­tuul­lungalu angutaasersorsuul­lungalu. Nal­lit­tor­neqar­pungali up­pin­ngis­sutsin­ni sianiginagu taamaaliorama.’ (1 Tim 1:13) Jehovamit Jiisusimil­lu nal­lit­tor­neqarsimanini nalun­ngilaa. Inuit oqaluus­seq­qusin­ngitsut paasivai, nam­minermi taak­kutut it­tuusimavoq.

Paulusip ilaatigooriarluni inuit sal­luliuutinik up­perin­nil­luin­nar­tut naapit­tar­pai. Qanoq qisuariar­tar­pa? Apustilit Suliaat 17:16-imi al­las­simavoq: “Athenimiitil­luni Paulusi narrutsaqaaq takugamiuk  il­loqarfik guutipiluit as­singinik ulik­kaar­toq.” Narrutsaatigisanili inun­nik ilin­niar­titsiniar­nermini ator­paa. (ApS 17:22, 23) Oqaluus­seriaatsini as­sigiin­ngitsumik tunuliaqutalin­nut naleq­qus­sar­tar­paa ‘ilaan­naan­nil­luun­niit an­naas­saqarumagaluarluni’. – 1 Kor 9:20-23.

Naapitavut nuan­nin­ngitsumik qisuariaraangata eq­qun­ngitsumil­luun­niit up­perisaqaraangata Paulusitut iliorsin­naavugut. “Nalunaarum­mik nuan­nersumik” ilin­niar­tik­kumal­lugit taak­ku pil­lugit nalun­ngisavut ator­tarsin­naavavut. (Es 52:7) Qatan­ngut ar­naq Dorothymik atilik ima oqar­poq: “Oqaluus­sif­figisar­tak­katsin­niit­tut ilar­pas­sui ilin­niar­tin­neqarsimap­put Guuti naak­kit­taal­lunilu eq­qar­tuus­siumatuujusoq. Taak­ku Guuteqar­neranik up­perin­nin­nerat pil­lugu nersualaariarlugit Jehovap asan­nit­tutut pis­suseqar­nera siunis­samul­lu neriorsuutai pil­lugit Biibilimi al­las­simasut sam­miniar­neruler­tar­pak­ka.”

‘AJORTOQ AJUGAAFFIGINIARUK AJUNNGITSOQ ATORLUGU’

Naggatis­saq qanil­liar­tor­til­lugu inuit ilaasa pis­susimik­kut ‘ajor­tumut nak­kaak­kiar­tuin­nar­nis­saat’ ilimagisin­naavar­put. (2 Tim 3:1, 13) Taman­nali misigin­neqataajun­naar­nermik nuan­naarun­naar­nermil­luun­niit kinguneqar­tis­san­ngilar­put. ‘Ajun­ngitsoq atorlugu ajor­tup ajugaaf­figinis­saanut’ Jehovap nukis­saqalersis­sin­naavaatigut. (Rom 12:21) Pioneri Jes­sicamik atilik ima oqalut­tuar­poq: “Inuit makitasuut tusarlius­satsin­nil­lu nikagin­nit­tut naapik­kajup­pak­ka. Taman­na nukil­lalaar­narsin­naavoq. Oqaluus­saqaleraangama nipaatsumik Jehovamut qinusar­punga taas­suma inum­mut isigin­nit­taasiatut isigin­nit­taaseqaleq­qul­lunga. Taman­na uanga misigis­sutsin­nut pingaar­titsival­laarun­naas­sutigalugulu inuup qanoq ikior­nis­saanut eq­qarsaatiginerulis­sutigisar­para.”

Sal­lusuis­sum­mik paasin­nik­kusut­tut ujar­tuar­pavut

Pif­fis­sap ingerlanerani inuit ilaasa ikiuerusun­ner­put akueris­savaat sal­lusuis­sum­mil­lu ilin­nialerlutik

Aam­ma qatan­ngutivut oqaluus­seqatigigaangatsigit qiim­mas­sar­niar­tariaqar­pavut. Jes­sica oqar­poq oqaluus­seqateqar­til­luni arlaat nuan­nin­ngitsumik misigisaqarsimap­pat taman­na sam­mival­laar­niar­tar­nagu. Nuan­ner­nerusut pil­lugit oqalun­niar­tar­poq, soorlu al­lat nuan­nin­ngitsumik qisuariar­taraluar­tut oqaluus­sinit­ta ajun­ngitsumik kinguneqar­tar­nera sam­miniar­tar­paa.

Jehovap nalun­ngil­luin­nar­paa ilaan­nik­kut oqaluus­sinis­sar­put saper­nar­tit­tarip­put. Nal­lit­tuinerali ilaaraangatsigu nuan­naar­tar­poq! (Luk 6:36) Soorunami Jehovap inun­nut nal­lit­tuil­lunilu kamagit­tar­nera kil­lis­saqar­poq. Up­peril­luarsin­naavar­put qaqugor­piaq naggatis­saq nal­liutitis­sanerlugu nalun­ngik­kaa. Taman­nali suli nal­liutsin­nagu oqaluus­siner­put nukingin­nar­poq. (2 Tim 4:2) Aal­lus­sil­luarluta misigin­neqataangaarlutalu ‘inun­nut tamanut’ oqaluus­siuar­ta.