Siulersuisoqatigiinnut ilaasortaq nutaaq
PINGASUNNGORNIKKUT ullaakkut januaarip 24-anni 2018-imi USA-mi Canadamilu Betelimi kiffartortut nalunaarummik immikkut ittumik tusarlerneqarnertik nuannaarutigaat: Qatanngut Kenneth Cook, Jr. Jehovap Nalunaajaasuisa siulersuisoqatigiivinut ilaasortanngortinneqarsimavoq.
Qatanngut Cook USA-mi Pennsylvaniami inunngorlunilu peroriartorpoq. High schoolimi naammassingajalerluni atuaqatiminit sallusuissut ilikkarpaa juunillu 7-ianni 1980-imi kuisilluni. Septembarip aallaqqaataani 1982-imi pioneritut piffissaq tamaat kiffartulerpoq. Ukiut marluk pionerioreerluni Betelimut qaaqquneqarpoq. Wallkillimi New Yorkimiittumi, oktobarip 12-ianni 1984-imi, Betelimi kiffartornini aallartippaa.
Ukiut 25-t tulliuttut qatanngut Cook assigiinngitsunik suliassaqartarluni naqiterivimmi Betelimilu kiffartorpoq. Jamie 1996-imi nulissiuppaa, Wallkillimilu marluullutik Betelimi kiffartulerput. Decembarimi 2009-mi Napasuliap Alapernaarsuiffiup Ilinniarfeqarfianut Pattersonimi New Yorkimiittumut aappariit taakku nuutsinneqarput. Qatanngut Cook Allaffeqatigiinnerup Immikkoortortaqarfiani suliassinneqarpoq. Apriilimi 2016-imi Wallkillimi utillatsiareerlutik aappariit taakku Brooklynimut, New Yorkimiittumut, nuutsinneqarput. Qaammatit tallimat qaangiummata Warwickimut, New Yorkimiittumut, qullersaqarfimmut nuutsinneqarput. Januaarimi 2017-imi qatanngut Cook Siulersuisoqatigiit Aaqqissuisoqarnermut Ataatsimiititaliaanut ikiortitut toqqarneqarpoq.