Imarisai

Imarisai

 ATUAQQISSAAGASSAQ 5

Ataatsimiinnernut najuuttarnerput qanoq ittuunitsinnik ersersitsisoq

Ataatsimiinnernut najuuttarnerput qanoq ittuunitsinnik ersersitsisoq

“Naalak­kap toqua nalunaajaatigisar­parsi, tikiutserlugu.” – 1 KOR 11:26.

ERINARSUUT 18 Uter­titsis­sut qujamasuutigaar­put

QILANAARTUUT *

1-2. (a) Naalak­kap un­nuk­korsior­titsineranut inuit mil­lionil­lit najuuk­kaangata Jehovap suna maluginiar­tar­paa? (As­seq saq­qaaniit­toq takuuk). (b) Al­laaserisami suna sam­mis­savar­put?

EQ­QARSAATIGIUK inuit mil­lionil­lit nunarsuaq tamak­kerlugu Naalak­kap un­nuk­korsior­titsinerani najuun­niarlutik katersuuk­kaangata Jehovap suna maluginiar­tar­neraa. Inup­pas­suit takuin­nar­nagit inuit ataasiak­kaat tamaasa maluginiar­tar­pai. As­sersuutigalugu, ukiut tamaasa aalajaal­lutik najuut­tar­tut takusar­pai. Taak­kua ilaat im­maqa malersugaagaluarlutik najuut­tar­put. Al­lat ataatsimiin­ner­nut najuun­neq ajoraluarlutik eq­qaaniaaqataanis­sar­tik pingaar­tip­paat. Jehovap aam­ma siul­lermeerlutik eq­qaaniaaqataasut, im­maqa paasiniaarusut­tut, maluginiar­tar­pai.

2 Qular­nan­ngitsumik eq­qaaniaanermi najuut­tor­pas­suit takugaangamigit Jehova nuan­naar­tar­poq. (Luk 22:19) Jehoval­li qassit najuun­nersut pingaar­ner­paatin­ngilaa. Sooq najuun­nersut pingaar­nerutip­paa. Aap, pis­sutiginiagaq Jehovamut pingaaruteqar­poq. Al­laaserisami matumani apeq­qut pingaarutilik una akis­sutis­sarsis­savar­put: Sooq eq­qaaniaanermut aam­ma sapaatit-akun­neri tamaasa ataatsimiin­ner­nut Jehovap im­minik asan­nit­tunut tun­niut­tagaanut najuut­tar­pugut?

Inuit mil­lionil­lit nunarsuaq tamak­kerlugu Naalak­kap un­nuk­korsior­titsineranut tikil­luaq­qusaap­put (Im­mik­koor­tut 1-2 takuk­kit)

MANIGUUN­NEQ NAJUUN­NIS­SAMUT KAJUMIS­SIS­SUTIGAAR­PUT

3-4. (a) Sooq ataatsimiin­ner­nut najuut­tar­pugut? (b) Ataatsimiigiar­tar­ner­put sumik ersersitsiva? (c) 1 Korinthimiut 11:23-26 najoq­qutaralugit sooq eq­qaaniaaqataasariaqar­pugut?

3 Pingaar­ner­tut, ilagiit ataatsimiin­nerinut najuut­tar­pugut pal­lorfigin­nin­nitsin­nut ilaam­mat. Aam­ma Jehovamit ilin­niar­tin­neqar­tarat­ta  najuut­tar­pugut. Inuit makitasuut ilin­niar­tin­neqar­nis­sar­tik pisariaqarsorin­ngilaat. (3 Joh 9) Uagul­li Jehovamit peqatigiis­sor­taanil­lu ilin­niar­tin­neqar­nis­sar­put kis­saatigingaar­par­put. – Es 30:20; Joh 6:45.

4 Ataatsimiin­ner­nut najuut­tar­nit­ta ersersip­paa maniguut­tuusugut – ilin­niar­tin­neqar­nis­satsin­nut piumas­suseqar­tugut. Un­num­mi Jiisusip toquneranik eq­qaaniaanermi najuut­tar­pugut nalun­ngin­natsigu taman­na pingaaruteqangaar­toq Jiisusil­lu peq­qus­sutaa una maniguul­luta naalak­kusuk­katsigu: “Taamaalior­taritsi ... uanga eq­qaaniarlunga.” (1 Korinthimiut 11:23-26 atuakkit). Eq­qaaniaanermi peqataagaangat­ta siunis­samut neriuuter­put nakus­satsit­tar­par­put Jehoval­lu uagutsin­nik qanoq asan­nitsigineranik eq­qaasin­neqar­tarluta. Jehoval­li nalun­ngilaa ukiumut ataasiaan­narluta qiim­mas­sar­neqar­nis­sar­put nakus­satsin­neqar­nis­sar­pul­lu naam­man­ngitsoq. Taamaat­tumik sapaatip-akun­neri tamaasa ataatsimiin­ner­nik pilersitsivoq najuun­nis­satsin­nil­lu kajumis­saarluta. Maniguut­tuugat­ta naalak­kusup­pugut. Sapaatip-akun­neri tamaasa ataatsimiin­ner­nut piareersar­nermul­lu akun­ner­paaluit ator­tar­pavut.

5. Sooq inuit maniguut­tut Jehovap qaaq­qusineranut akuersisar­pat?

5 Ukiut tamaasa inup­pas­suit maniguut­tut Jehovap ilin­niar­tin­neqar­nis­samut qaaq­qusinera akuerisar­paat. (Es 50:4) Eq­qaaniaaqataaneq nuan­narigamik­ku ataatsimiin­ner­nut najuut­talersimap­put. (Zak 8:20-23) Tamat­ta Jehovamit, ‘ikior­titsin­nit aniguisitsisitsin­nil­lu’, ilin­niar­tin­neqar­ner­put nuan­naarutigaar­put. (Tus­s 40:18) Jehovamit er­neranil­lu asasaanit, Jiisusimit, ilin­niar­tin­neqar­nis­samik qaaq­qusis­sum­mik akuerin­nin­neq al­lanit tamanit nuan­naarutaanerungaarlunilu pingaaruteqangaar­neruvoq, ilaa? – Matt 17:5; 18:20; 28:20.

6. Angutip eq­qaaniaaqataanis­saminut maniguun­neq qanoq iluaqutigaa?

6 Ukiut tamaasa Jiisusip toquneranik eq­qaaniaanis­samut sapin­ngisatsin­nik inuit amerlaner­paat qaaq­qunis­saan­nut iliuuseqar­tar­pugut. Inup­pas­suit maniguut­tut qaaq­qusis­sum­mik akuerin­nin­ner­tik iluaqutigisar­paat. As­sersuuteqariar­ta. Ukiut arlal­lit matuma sior­na angutip eq­qaaniaanis­samut qaaq­qusis­sut pivaa, qatan­ngum­mul­li qaaq­qusisumut oqar­poq najuus­sin­naanani. Un­num­mili eq­qaaniaanermi qatan­ngut qaaq­qusisoq tupaal­lap­poq angut taan­na Naalagaaf­filersaarfim­mut isermat. Angut tikil­luaq­quneqar­nini nuan­naringaaramiuk sapaatip-akun­neri tamaasa ataatsimiigiar­taler­poq. Ukiup ataatsip ingerlanerani taamaal­laat pingasoriarluni ataatsimiigian­ngilaq. Sooq ataatsimiigiar­taler­pa? Maniguut­tuugami isum­maminik al­lan­nguisimavoq. Qatan­ngut angut qaaq­qusisimasoq kingusin­nerusuk­kut ima oqar­poq: “Angut taan­na maniguut­tuuvoq.” Qularutis­saan­ngilaq Jehovap im­minik pal­lorfigin­nileq­qul­lugu angut taan­na kajungilersis­simagaa. Taan­na maan­nak­kut kuisimasuuvoq. – 2 Sam 22:28; Joh 6:44.

7. Ataatsimiin­nitsin­ni Biibilimilu atuak­katsin­nik ilik­kak­kavut qanoq maniguun­nis­satsin­nut iluaqutigisar­pavut?

7 Ataatsimiin­ner­ni aam­ma Biibilimi atuak­katsin­nit ilik­kak­kavut maniguun­nis­satsin­nut iluaqutigisar­pavut. Eq­qaaniaanis­sap qanil­liar­tor­nerani ataatsimiin­nitsin­ni Jiisusip maligas­siaa maniguul­lunilu inuunerminik uter­titsis­sutis­satut pil­liuteqar­nera sam­minerusar­pavut. Eq­qaaniaan­ngin­nermilu ul­lut arlal­lit sioq­qul­lugit Jiisusip toqunera makititaaneralu pil­lugit pisimasut Biibilimi atuar­nis­saan­nut kajumis­saar­neqar­tar­pugut. Jiisusip uagut pil­luta pil­liutaanut ataatsimiin­nitsin­ni ilik­kak­kat­ta Biibilimilu atuak­kat­ta qujamasun­nerulersit­tar­paatigut. Maniguun­nerata ilaar­nis­saanut Jehoval­lu piumasaatut ilior­nis­samut, al­laat  ajor­nakusoor­tik­kaluaraangatsigu, kil­lin­neqaatigisar­par­put. – Luk 22:41, 42.

SAPIIS­SUSEQ TAK­KUS­SIN­NAALIS­SUTIGAAR­PUT

8. Jiisusip sapiitsuunini qanoq ersersip­paa?

8 Sapiis­suseqar­nermut tun­ngatil­lugu aam­ma Jiisusi ilaar­niar­tar­par­put. Ul­lualuit toqus­si sioq­qul­lugu sapiis­susermik ersersitsinera eq­qarsaatigiuk. Nalun­ngil­luin­nar­paa akeq­qami nikanarsas­sagaan­ni, unatas­sagaan­ni kiisalu toqus­sagaan­ni. (Matt 20:17-19) Taamaat­torli toqunis­sani akueraa. Pif­fis­san­ngormat apustilini aalajaatsut naatsiivim­mi Getsemanemeeqatini oqarfigai: “Nikuil­lusi aal­lar­niar­ta! Takuat, uan­nik kil­luus­sisoq tikiutereer­poq [qanil­livoq, tastamantitâĸ].” (Matt 26:36, 46) Inuit sak­kulisarlutik tigusariniarluni tak­kum­mata sas­sar­poq sak­kutuunul­lu oqarluni apustilini qimagutitiin­nas­sagaat. (Joh 18:3-8) Jiisusi sapiis­susermik ersersitsingaarami, ilaa? Nalitsin­ni kristumiut tanitat saval­lu al­lat Jiisusip sapiin­nermik maligas­siaa ilaar­niar­tar­paat. Qanoq?

Sapiis­suseqarlutit kristumiut ataatsimiin­nerini najuut­tar­nerit al­lanut nakus­satsis­sutaasar­poq (Im­mik­koor­toq 9 takuuk) *

9. (a) Sooq ataatsimiigiar­tuar­tas­sagut­ta sapiis­suseqar­tariaqar­pugut? (b) Maligas­siuiner­put qatan­ngutitsin­nut up­per­ner­tik pis­sutigalugu par­naarus­saaq­qasunut qanoq sun­niuteqarsin­naava?

9 Ataatsimiigiar­tuar­tarumal­luta pisuni unam­miniar­nar­tuni sapiis­suseqar­tariaqar­pugut. Qatan­ngutit­ta ilaat aliasuk­kaluarlutik, nikal­lungagaluarlutik imaluun­niit peq­qiil­liuuteqaraluarlutik ataatsimiigiar­tar­put. Al­lat ilaqut­tamin­nit naalak­kersuisunil­luun­niit ingasat­tumik akerlilersor­neqaraluarlutik sapiil­lutik ataatsimiin­ner­nut najuut­tar­put. Eq­qarsaatigik­kit qatan­ngutivut up­per­ner­tik pis­sutigalugu par­naarus­saaq­qasut uagut maligas­siuiner­put qanoq kil­lin­neqaatigisaraat. (Hebr 13:3) Misilin­neqaraluarluta Jehovamut kif­far­tor­tuar­ner­put tusaraangamik­ku up­per­ner­tik, sapiis­suser­tik as­suar­naas­suser­til­lu at­tat­tuin­nar­nis­saan­nut nakus­satsin­neqar­tar­put. Apustili Paulusi aam­ma taamatut misigisaqar­poq. Romami par­naarus­saaq­qanermini qatan­ngutit Guutimut aalajaal­lutik kif­far­tor­tut tusaraangamiuk nuan­naar­tar­poq. (Fil 1:3-5, 12-14) Iperagaanermi nalaani Paulusi Hebræerinut al­lap­poq. Al­lak­kamini kristumiut aalajaatsut taak­ku kajumis­saar­pai ‘qatan­ngutigiit­tut asaqatigiin­ner­tik at­tat­tuin­nas­sagaat’ ilagiit­tul­lu ataatsimiit­tar­ner­tik peqataaf­figisas­sagaat. – Hebr 10:24, 25; 13:1.

10-11. (a) Eq­qaaniaanermut kik­kut qaaq­qus­savavut? (b) Taamaalior­nis­samut Efesosimiut 1:7 sumik pis­sutis­saqalersitsiva?

10 Sapiis­suseqar­ner­put ersersit­tar­par­put ilaqut­tavut, suleqativut sanilivul­lu eq­qaaniaanermut qaaq­qugaangatsigit. Sooq qaaq­qusar­pavut? Jehovap Jiisusil­lu uagut pil­luta iliuusii qujamasuutigingaaratsigit eq­qaaniaanermut qaaq­qun­ngitsoorsin­naan­ngilavut. Uter­titsis­sut aq­qutigalugu Jehovap pisas­sarin­ngisaraluatsin­nik ajun­ngisaar­nera nam­min­neq qanoq iluaqutigisin­naagaat paasitik­kusup­pavut. – Efesosimiut 1:7 atuaruk; Saqq 22:17.

11 Ataatsimiin­nerit tamaasa najuuf­figigaangatsigit sapiis­suseqar­ner­put ersersit­tar­par­put. Pis­suserisas­sarli pingaarutilik al­la, Guutip  er­neratalu as­seqan­ngil­luin­nar­tumik ersersit­tagaat, aam­ma ersersit­tar­par­put.

ASANNIN­NEQ NAJUUN­NIS­SAMUT KIL­LIN­NEQAATIGAAR­PUT

12. (a) Ataatsimiin­ner­ni Jehovamik Jiisusimil­lu asan­nin­ner­put qanoq nakus­satsin­neqar­tar­pa? (b) Jiisusi ilaar­niarlugu 2 Korinthimiut 5:14, 15-imi sunis­samut kajumis­saar­neqar­pugut?

12 Jehovamik Jiisusimil­lu asan­nin­ner­put ataatsimiigiar­tar­nis­satsin­nut kil­lin­neqaatigisar­par­put. Ataatsimiin­nitsin­ni ilik­kak­kavut Jehovamik er­neranil­lu asan­nin­nerulis­sutigisar­pavut. Taak­kua uagut pil­luta iliuusaan­nik ataatsimiin­ner­ni eq­qaasin­neqar­tar­pugut. (Rom 5:8) Ingam­mik eq­qaaniaanermi qaman­nga pisumik asan­nin­neran­nik, al­laat uter­titsis­sum­mik suli pingaar­titsin­ngitsunut, eq­qaasin­neqar­tar­pugut. Qujamasuk­kat­ta Jiisusi ul­lut tamaasa inuunitsin­ni ilaar­niar­tar­par­put. (2 Korinthimiut 5:14, 15 atuakkit). Aam­ma uter­titsis­sum­mik pilersitsinera pis­sutigalugu Jehova un­nersiutigerusun­neruler­tar­par­put. Un­nersiutigin­nin­nis­samut ilaap­put ataatsimiin­ner­ni akis­suteqar­tar­neq.

13. Jehovamik er­neranil­lu asan­nin­ner­put qanoq ersersis­sin­naavar­put? Nas­suiaruk.

13 Jehovamik er­neranil­lu qanoq asan­nitsiginer­put ersersis­sin­naavar­put taak­ku pil­lugit pil­liuteqarusun­nitsigut. Ataatsimiin­ner­nut najuuk­kusul­luta as­sigiin­ngitsunik pil­liuteqar­tariaqar­pugut. Ilagiit amerlasuut sulereer­nerup kingor­na, qular­nan­ngitsumik inuit qasuneran­ni, ataatsimiit­tar­put. Ataatsimiin­neq al­la sapaatip-akun­nerata naanerani inuit qasuersaarfian­ni pisar­poq. Qularutigis­san­ngilar­put qasugaluarluta ataatsimiigiar­tar­ner­put Jehovap maluginiar­taraa. Iliuuseqar­nerugaangat­tami Jehovap im­minut asan­nin­ner­put pingaar­tin­neruler­tar­paa. – Mark 12:41-44.

14. Qanoq Jiisusi im­minut pil­liutigeriaan­naal­luni asan­nin­nis­samik maligas­siuiva?

14 Jiisusip im­minut pil­liutigeriaan­naal­luni asan­nin­nis­samik maligas­sip­paatigut. Ajoqersuk­kani pil­lugit toqorusuin­nar­nani ul­lut tamaasa inuunermini taak­ku im­minit pingaar­nerutip­pai. As­sersuutigalugu ajoqersuk­kani qasugaluarluni an­nikil­lioraluarlunilu ilagai. (Luk 22:39-46) Aam­ma al­lat iluaqutis­saat nam­mineq iluaqutis­saminit pingaar­nerutip­paa. (Matt 20:28) Jehovamik qatan­ngutitsin­nil­lu asan­ningaarat­ta Naalak­kap un­nuk­korsior­titsinera ataatsimiin­neril­lu tamaasa najuuf­figinis­saan­nut iliuuseqas­saagut.

15. Ingam­mik kik­kut ikiorusut­tar­pavut?

 15 Qatan­ngutigiin­nut kristumiunut ilumoor­tutuamut ilaagat­ta nutaat ilaaler­nis­saan­nut pif­fis­saq atorlugu qaaq­qusisar­ner­put nuan­naarutigisar­par­put. ‘Up­peqativul­li’ unit­toorsimasut ikior­niar­nis­saat pingaar­tin­neruar­put. (Gal 6:10) Taak­kunun­nga asan­nin­ner­put ersersit­tar­par­put ataatsimiigiar­taler­nis­saan­nik, ingam­mik eq­qaaniaaqataanis­saan­nik, kajumis­saaraangatsigit. Jehova Jiisusilu ilaarlugit kil­litsit­tar­pugut unit­toorsimasut Jehovamut, Ataatatsin­nut asan­nit­tumut savanil­lu paarsisitsin­nut, uteraangata. – Matt 18:14.

16. (a) Qanoq im­mitsin­nut kajumis­saarsin­naavugut, ataatsimiin­nivul­lu uagutsin­nut qanoq sun­niuteqar­tar­pat? (b) Johan­nesi 3:16-imi Jiisusip oqaasii al­las­simasut eq­qarsaatigeq­qis­saar­nis­saan­nut sooq maan­na pif­fis­saal­luar­pa?

16 Tal­liman­ngor­nermi apriilip 19-ian­ni 2019-imi eq­qaaniaanis­samut sapaatip-akun­nerini tul­liut­tuni sapin­ngisamik qaaq­qusigit. (Takuuk ungalusaq “ Qaaq­qus­savigit?”) Qanor­toq ukiumi matumani ataatsimiin­ner­nut Jehovap pilersitaanut najuut­tar­nis­samut im­mitsin­nut kajumis­saarisa. Pis­sutsit aaq­qis­suus­saanerata naangajaler­nerani ataatsimiin­nivut maniguut­tuar­nis­samut, sapiis­suseqar­tuar­nis­samut asan­nit­tuar­nis­samul­lu iluaqutigis­savavut. (1 Th 5:8-11) Jehovap er­neratalu uagutsin­nik asan­nin­nerat qanoq isumaqarfiginerip­put qaman­nga pisumik ersersik­kisigu! – Johannesi 3:16 atuaruk.

ERINARSUUT 126 Eq­qumasa

^ imm. 5 Tal­liman­ngor­nermi un­nuk­kut apriilip 19-ianni 2019-imi Kristusip toquneranik eq­qaaniaaneq ukiumi ataatsimiin­ner­ni pingaaruteqar­ner­paas­saaq. Pisumut tamatumun­nga najuun­nis­satsin­nut suna kajumis­sis­sutigaar­put? Jehovap iluarisaatut iliorusuk­kat­ta. Al­laaserisami eq­qaaniaanermut sapaatip-akun­neranilu ataatsimiin­nitsin­nut najuut­tar­ner­put uagut pil­luta qanoq ersersitsinersut sam­mis­savavut.

^ imm. 52 ASSIMI MALUGISASSAT: Qatan­ngutip angutip up­per­nini pis­sutigalugu par­naarus­saaq­qasup ilaqut­taminit al­lagarsinini nakus­satsis­sutigigaa. Puior­neqarsiman­ngin­nini nalunagu najugaqarfim­min­ni politik­kik­kut akerleriit­toqaraluar­toq ilaqut­tami Jehovamut aalajaan­nerat tusarlugu nuan­naarutigaa.