Imarisai

Imarisai

 ATUAQQISSAAGASSAQ 52

Angajoqqaajususi, qitornasi Jehovap asanissaanut ilinniartissigit

Angajoqqaajususi, qitornasi Jehovap asanissaanut ilinniartissigit

‘Qitor­nat Naalak­kamit pigisaap­put.’ – TUSS 127:3, tastamantitoĸaĸ.

ERINARSUUT 89 Naalak­kuit pil­luaq­qusaas­saatit

QILANAARTUUT *

1. Jehovap angajoq­qaat sumik akisus­saaf­filer­pai?

AAP­PARIIT siul­liit meeq­qior­nis­samik kis­saateqar­til­lugit Jehovap pin­ngor­tip­pai. Biibilimi al­las­simavoq meeq­qat ‘tas­saasut Jehovap tunis­sutai’, imaluun­niit kingor­nus­sarsiarititai. (Tuss 127:3) Taman­na qanoq paasisariaqar­pa? Takorlooruk ikin­ngutigil­luak­kavit aningaasar­pas­suit paarinis­saan­nik akisus­saaf­fileraatit. Qanoq misigis­savit? Ilimanar­poq tatigineqar­nerit nuan­naarutigis­sagit. Aningaasal­li qanoq isumagil­luas­sanerlugit im­maqa aam­ma isumakuluutigis­savat. Jehovap, ikin­ngutiginer­paasat­ta, aningaasanit naleqar­nerungaar­tunik angajoq­qaat isumagisas­saqar­tip­pai. Taak­kua qitor­naasa isumagineqarluar­nis­saan­nik pil­luar­nis­saan­nil­lu akisus­saaf­filer­pai.

2. Apeq­qutit suut sam­mis­savavut?

2 Kik­kut aalajanger­tus­saavaat aap­pariit katis­simasut meerar­taas­sanersut? Aam­ma angajoq­qaajusut meeq­qamik pil­luar­nis­saan­nut qanoq ikiorsin­naavaat? Aap­pariit silatusaar­tumik aalajangiinis­samin­nut Biibilimi najoq­qutas­siat iluaqutigisin­naasaasa ilaat sam­meriar­tigit.

AAPPARIIT AALAJANGERNERAT ATAQQIUK

3. (a) Kik­kut aalajanger­tus­saavaat aap­pariit meeq­qius­sanersut? (b) Ikin­ngutaasut ilaqutaasul­lu Biibilimi najoq­qutas­siat suut eq­qaamasariaqar­paat?

3 Inuiaqatigiit ilaan­ni aap­pariit katerlaat meeq­qiupal­lan­nis­saat naatsorsuutigineqar­tar­poq. Al­laat taamaalior­nis­samut ilaqut­tamin­nit al­lanil­lu tatineqarsin­naasar­put. Jethro, qatan­ngut angut Asiameersoq, ima oqar­poq: “Ilagiin­ni qitor­nal­lit ilaasa aap­pariit meeraqan­ngitsut meerar­taar­nis­saan­nik tatisar­paat.”  Jef­frey, qatan­ngut angut al­la Asiameersoq, ima oqar­poq: “Meeraqan­ngitsut ilaan­nik­kut oqarfigineqar­tar­put utoq­qaligunik isumaginis­saqan­ngitsut.” Aap­pariil­li meeq­qius­sanersut al­lat aalajanger­tus­saan­ngilaat. Nam­min­neq aalajangiis­sap­put, nam­min­nermi akisus­saaf­figaat. (Gal 6:5) Soorunami ikin­ngutaasut ilaqutaasul­lu kis­saatigaat aap­pariit katerlaat pil­luas­sasut. Tamarmil­li eq­qaamasariaqar­paat aap­pariit meerar­taas­sanerlutik nam­min­neq aalajanger­tus­saagaat. – 1 Th 4:11; 2 Th 3:11.

4-5. Apeq­qutit suut marluk aap­pariit eq­qar­tor­tariaqar­paat, taamatul­lu eq­qar­tuinis­saq qaquguk­kut pitsaaner­paas­sava? Nas­suiaruk.

4 Aap­pariit meerar­taar­niarlutik aalajangerunik apeq­qutit pingaarutil­lit marluk eq­qar­tor­tariaqar­paat. Siul­ler­tut: Qaqugu meerar­taas­sap­pat? Aap­paat­tut: Qassinik meeraqarusup­pat? Taamatut eq­qar­tuinis­saq qaquguk­kut pitsaaner­paas­sava, aam­ma sooq taama pingaaruteqar­tigaa?

5 Aap­pariit meeq­qius­sanerlutik meeq­qius­san­ngin­nerlutil­luun­niit katitsin­natik eq­qar­tuinerat amerlaner­tigut pitsaaner­paasar­poq. Sooq? Taman­na pil­lugu isumaqatigiin­nis­saq pingaaruteqarami. Aam­ma paasiniar­tariaqar­paat angajoq­qaatut akisus­saaf­feqar­nis­sar­tik piareersimaf­figinerlugu. Aap­pariit ilaat aalajangersimap­put katereer­nermik kingor­na ukioq ataaseq marlul­luun­niit meerar­taan­ngik­kal­lar­niarlutik, angajoq­qaan­ngorunim­mi pif­fis­sangaatsiaq nukip­pas­suil­lu meeq­qamin­nut ator­tariaqalis­sagamik­kit. Taamatut aalajangiinermik­kut katis­simasutut inuunerup sungiun­nis­saanut pif­fis­saqaq­qaarsin­naap­put im­min­nul­lu qanin­nerulerlutik. – Ef 5:33.

6. Pif­fis­saq inuuf­figisar­put eq­qarsaatigalugu aap­pariit ilaasa suna aalajangersimavaat?

6 Aap­pariit al­lat aalajangersimap­put Noap er­neri pingasut taak­kualu nuliaat ilaar­niarlugit. Noap er­neri nuliaal­lu ingerlaan­naq meeq­qiun­ngil­lat. (1 Mos 6:18; 9:18, 19; 10:1; 2 Petr 2:5) Jiisusip pif­fis­saq inuuf­figisar­put ‘Noap ul­luinut’ as­sersuup­paa, aam­ma qularutis­saan­ngilaq ‘ul­luni atugarliungaarfiusuni’ inuusugut. (Matt 24:37; 2 Tim 3:1) Taman­na eq­qarsaatigalugu aap­pariit ilaat aalajangersimap­put meerar­taar­nis­sar­tik kinguar­tik­kal­lar­niarlugu Jehovamut kif­far­tor­nermin­ni iliuuseqar­nerunias­sagamik.

Aap­pariit silatusaar­tut meerar­taas­sanerlutik qas­sinil­lu meeraqas­sanerlutik aalajangiinialeraangamik ‘aningaasar­tuutis­sat naatsorsor­tar­paat’ (Im­mik­koor­toq 7 takuuk) *

7. Lukasi 14:28, 29-milu aam­ma Us­satit 21:5-imi najoq­qutas­siat aap­pariin­nut qanoq iluaqutaasin­naap­pat?

7 Aap­pariit silatusaar­tut meerar­taas­sanerlutik qas­sinil­lu meeraqas­sanerlutik aalajangiinialeraangamik ‘aningaasar­tuutis­sat  naatsorsor­tar­paat’. (Lukasi 14:28, 29 atuakkit). Angajoq­qaajusut nalun­ngilaat meeraqar­neq aningaasar­tuutaagin­nar­nani aam­ma pif­fis­sar­tor­narlunilu nukip­pas­suar­nik atuinar­toq. Taamaat­tumik apeq­qutit ukua eq­qar­tor­nis­saat aap­pariin­nut pingaaruteqar­poq: ‘Ilaqutariit­tut pisariaqar­titavut matus­susersin­naajumal­lugit marluul­luta sulisariaqar­pugut? Suut pisariaqar­tin­nerlugit isumaqatigiip­pugut? Marluul­luta sulisariaqarut­ta meeq­qavut kik­kun­nit paarineqas­sap­pat? Eq­qarsar­taasiat pis­susiilu kik­kun­nit sun­ner­neqar­tik­kusup­pavut?’ Aap­pariit apeq­qutinik taak­kunin­nga eq­qar­tuigaangamik Ussatit 21:5-imi al­las­simasut maleruar­tar­paat. – Atuaruk.

Uiusup asan­nit­tup nuliani sapin­ngisamik tapersersor­tar­paa (Im­mik­koor­toq 8 takuuk)

8. Ajor­nar­torsiutit suut aap­pariit ilimagisin­naavaat, uiusorlu asan­nit­toq susar­pa?

8 Meeq­qap ataataminit anaanaminil­lu an­ner­tuumik pif­fis­saqarfigineqar­nis­sani sam­mineqar­nis­sanilu pisariaqar­tip­paa. Taamaat­tumik aap­pariit tul­leriigin­nar­nik meeraqarunik meeq­qamik im­mik­kut isumas­sor­nis­saat ajor­nakusoor­tis­sin­naavaat. Aap­pariit arlalin­nik mikisunik meeral­lit ilaat oqarsimap­put sapilersitaasutut misigisarlutik. Anaanaasoq nukeerut­tutut misigisarsin­naavoq. Taman­na aalajangersimasumik atuaq­qis­saar­tar­neranut, qinusar­neranut oqaluus­sisar­neranul­lu ajoqutaasin­naavoq. Aam­ma ataatsimiin­nerit malin­naaf­figil­luar­nis­saat iluaqutiginis­saal­lu ajor­nakusoor­tilersin­naavai. Soorunalimi uiusup asan­nit­tup meeq­qat pisariaqar­titsigaangata ataatsimiin­ner­ni angerlarsimaf­fim­milu nuliani sapin­ngisamik tapersersor­tar­paa. As­sersuutigalugu il­lumi sulias­sanik ikiuut­tar­poq. Ilaqutariit­tut atuaq­qis­saaqatigiin­nermin­ni tamarmik pis­sarsiaqarluar­nis­saat qulak­keerumal­lugu ilungersor­tar­poq. Aam­ma ilaqut­tani aalajangersimasumik oqaluus­seqatigisar­pai.

JEHOVAP ASANISSAANUT MEEQQASI ILINNIARTISSIGIT

9-10. Angajoq­qaat meeq­qatik ikiorumal­lugit susariaqar­pat?

9 Jehovap asanis­saanut meeq­qamin­nik ilin­niar­titsiumal­lutik angajoq­qaat susin­naap­pat? Silarsuarmi ajor­tunut meeq­qatik qanoq il­lersorsin­naavaat? Iliuuserisin­naasaasa ilaat sam­meriar­tigit.

10 Ikioq­qul­lusi Jehova qin­nuigisar­siuk. Manoap nuliatalu, Samsonimut angajoq­qaan­ngor­tut, maligas­siaat eq­qarsaatigiuk. Nulianilu er­ner­taar­tus­san­ngoramik perorsaanis­samin­nik siulersoq­qul­lutik Manoap Jehova kimigiiserfigaa.

11. Angajoq­qaat Manoap maligas­siaa Eq­qar­tuus­sisut 13:8-mi al­laatigineqar­toq qanoq malis­sin­naavaat?

11 Nihad Almalu, Bosnia-Hercegovinameersut, Manoap maligas­siaa ilin­niarfigaat. Ima nas­suiaap­put: “Manoa ilaarlugu angajoq­qaajul­luar­nis­samut  ilitsersoq­qul­luta Jehova kimigiiserfigaar­put. Jehoval­lu qin­nutivut arlalitsigut akisimavai – Biibili, Biibililersaarutit, ilagiit­tut ataatsimiin­nerit aam­ma ataatsimeersuar­nerit aq­qutigalugit.” – Eqqartuussisut 13:8 atuaruk.

12. Josefi Marialu meeq­qamin­nut qanoq maligas­siuip­pat?

12 Maligas­siuigitsi. Oqaatsisi pingaaruteqar­put, iliuutsis­sili qitor­nas­sin­nut sun­niuteqar­nerunis­saat ilimanar­poq. Josefip Marial­lu meeq­qamin­nut, ilaatigut Jiisusimut, maligas­siuil­luarsimanerat qularutigin­ngilar­put. Josefi ilaqut­tani pilersorumal­lugit ilungersor­tar­poq. Aam­ma inoqutini Jehovamik pal­lorfigin­nin­nermik pingaar­titseq­qul­lugit kajumis­saar­tar­pai. (5 Mos 4:9, 10) Naak Inatsisini piumasaqaataan­ngik­kaluar­toq Josefip ‘ukiut tamaasa Jerusalemimut poorskisioriar­nis­samut’ ilaqut­tani ilagisar­pai. (Luk 2:41, 42) Taamani ataataasut ilaat eq­qarsar­tarsimasin­naap­put ilaqut­tamik angalaqatiginis­saat pisariul­lunilu pif­fis­sar­tor­narlunilu akisual­laar­toq. Josefil­li anersaak­kut it­tut pingaar­tingaar­pai, meeq­qanilu pingaar­titseq­qul­lugit ilin­niar­tit­tar­pai. Aam­ma Maria maligas­siuil­luar­poq. Taas­suma Al­lak­kat Il­ler­nar­tut ilisimal­luar­pai. Oqaatsimigut iliuutsimigul­lu Guutip oqaasia pingaar­teq­qul­lugu meeq­qani ilin­niar­tit­tarsimas­savai.

13. Aap­pariit Josefip Marial­lu maligas­siaat qanoq malip­paat?

13 Nihad Almalu, eq­qaaneqareersut, Josefip Marial­lu maligas­siaat ilin­niarfigerusus­simavaat. Taman­na Guutip asanis­saanut kif­far­torfiginis­saanul­lu er­nermik ilin­niar­tin­nerani qanoq iluaqutigaat? Ima oqalut­tuar­put: “Jehovap najoq­qutas­siai naaper­torlugit inuuneq qanoq ajun­ngitsigisoq inooriaatsitsigut er­nitsin­nut ersersin­niar­tar­par­put.” Nihad ima nangip­poq: “Meeq­qavit pis­susis­saanik qanoq kis­saateqar­pit? Taava nam­mineq taamatut pis­suseqarit.”

14. Sooq angajoq­qaat meeq­qatik kik­kun­nik ikin­nguteqar­nersut ilisimasariaqar­paat?

14 Meeq­qasi ikin­ngutinik pitsaasunik toq­qaanissaan­nut ikior­sigit. Anaanaasup ataataasul­lu marluul­lutik ilisimasariaqar­paat meeq­qatik kik­kun­nik ilagisaqar­tar­nersut sulerisar­nersul­lu. Tamatumun­nga ilaap­put inter­netik­kut at­taveqaqatigiit­tarfin­ni mobilik­kul­lu kik­kun­nik at­taveqar­tar­nersut. Ikin­ngutaat eq­qarsar­taasian­nut pis­susilersor­neran­nul­lu sun­niuteqarsin­naap­put. – 1 Kor 15:33.

15. Angajoq­qaat Jes­sie qanoq ilin­niarfigisin­naavaat?

15 Angajoq­qaat qarasaasiat ator­toris­saarutil­lu elektroniskiusut al­lat ator­nis­saat sungiusiman­ngik­kunik­kit susin­naap­pat? Jes­sie, ataataasoq Filip­pinerini najugalik, ima oqar­poq: “Ator­toris­saarutit elektroniskiusut ilisimasaqarfigival­laan­ngilavut. Taman­nali meeq­qat­ta tamak­kunin­nga atuinermi navianaataasin­naasunik ilin­niar­tin­nis­saan­nut aporfiutin­ngilar­put.” Jes­siep ator­toris­saarutit taamaat­tut nam­mineq sungiusiman­ngim­magit imaan­ngilaq meeq­qami tamak­kua ator­tar­nis­saat iner­teq­qutigigaa. Ima nas­suiaavoq: “Meeq­qak­ka oqarfigisar­pak­ka ator­toris­saarutitik elektroniskiusut atorluarsin­naagaat oqaatsinik ilin­niar­nermut, ataatsimiin­nis­samut piareersar­nermut ul­lul­lu tamaasa Biibilip atuar­tar­nis­saanut.” Angajoq­qaajususi, al­laqatigiin­nermut inter­netik­kul­lu as­sinik ik­kus­sisar­nermut tun­ngatil­lugu jw.org®-imi siun­nersuutit naleq­qut­tut im­mik­koor­tumi “Inuusut­tuaq­qanut”-miit­tut meeq­qasi ilagalugit misis­sor­nikuuisigit? Filmi Sor­leq aqutsisuua – il­lit ator­toris­saarutil­luun­niit? isigin­naareer­pisiuk eq­qar­torlugulu? *  Ator­toris­saarutinik elektroniskiusunik silatusaar­tumik atuinis­samik meeq­qas­si ilin­niar­tin­neran­ni taak­ku iluaqutigingaarsin­naavasi. – Uss 13:20.

16. Angajoq­qaat amerlasuut susimap­pat, qanorlu kinguneqar­tumik?

16 Angajoq­qaat amerlasuut meeq­qatik Guutimik kif­far­tor­nermi maligas­siuil­luar­tunik ilagisaqar­tar­nis­saan­nik periarfis­sarsiuut­tar­paat. As­sersuutigalugu aap­pariit Elfenbenskystenimiit­tut, N’Déni aam­ma Bomine, ilagiin­nik nak­kutil­liisoq inisimasorisar­paat. N’Déni ima oqalut­tuar­poq: “Taman­na er­nitsin­nut sun­niuteqarluarsimavoq. Pionerin­ngor­poq maan­nalu ilagiin­nik nak­kutil­liisumut sin­niisus­satut kif­far­torluni.” Ilis­simi, meeq­qasi pitsaasunik ikin­ngutitaar­tor­nis­saan­nut taamatut periarfis­sis­sin­naavisigit?

17-18. Angajoq­qaat meeq­qamin­nik ilin­niar­titsiner­tik qaqugu aal­lar­tit­tus­saavaat?

17 Sapin­ngisamik inger­laan­naq meeq­qasi ilin­niar­til­lugit aal­lar­tigitsi. Angajoq­qaat meeq­qatik ingerlaan­naq ilin­niar­tiler­patigit pitsaaner­paas­saaq. (Uss 22:6) Timotheusi, inersimasun­ngorami Paulusi ilagalugu angalasar­toq, eq­qarsaatigiuk. Anaanaata Eunikep aanaavatalu Loisip Timotheusi ‘meeraaneraniil­li’, ‘naalungiarsuuneraniil­li’ (NW), ilin­niar­tit­tar­paat. – 2 Tim 1:5; 3:15.

18 Aap­pariit Elfenbenskystenimeersut al­lat, Jean-Claude aam­ma Peace, meeq­qatik arfiniliusut Jehovap asanis­saanut kif­far­torfiginis­saanul­lu ilin­niar­til­luarsimavaat. Suna iluaqutigaat? Eunikep Loisil­lu maligas­siaanik maleruaaner­tik. Ima oqalut­tuar­put: “Guutip oqaasia meeq­qatsin­nut naalungiarsuuneran­niil­li nangeq­qit­tuar­tar­pavut, inun­nguin­nar­tul­li aal­lar­til­luta.” – 5 Mos 6:6, 7.

19. Guutip oqaasii meeq­qas­sin­nut qanoq ‘nangeq­qit­tuar­tarsin­naavisigit’?

19 Guutip oqaasii meeq­qas­sin­nut qanoq ‘nangeq­qit­tuar­tarsin­naavisigit’? Tamatumani pineqar­poq Jehovap oqaasianik puiguik­kius­sisitsiniarluni ilin­niar­titsineq. Angajoq­qaat taamaaliorumal­lutik meeq­qatik akulikitsumik pif­fis­saqarfigisariaqar­paat. Ilaan­nik­kut meeq­qanut uteqat­taarineq nukil­lalaar­narsin­naasar­poq. Angajoq­qaal­li taman­na meeq­qat Guutip oqaasianik paasin­nin­nis­samut maleruaanis­samul­lu ikior­nis­saan­nut periarfis­satut isigisin­naavaat.

Angajoq­qaat paasiniar­tariaqar­paat meeq­qatik im­mik­kut tamaasa qanoq perorsas­sanerlugit (Im­mik­koor­toq 20 takuuk) *

20. Tus­siaat 127:4 meeq­qanik perorsaanermut qanoq ator­neqarsin­naasoq nas­suiaruk.

 20 Meeq­qasi ilisarisimal­luar­sigit. Tus­siaat 127-mi meeq­qat qarsunut as­sersuun­neqar­put. (Tussiaat 127:4 atuaruk). Soorlu qarsut ilusaat angis­susaal­lu as­sigiin­ngis­sin­naasut, taamatut­taaq meeq­qat as­sigiin­ngil­lat. Taamaat­tumik angajoq­qaat paasiniar­tariaqar­paat meeq­qatik im­mik­kut tamaasa qanoq perorsas­sanerlugit. Nalitsin­ni Israelimi aap­pariit meeq­qanik marlun­nik Jehovamut kif­far­tor­nis­samut iluatsit­tumik perorsaasimasut oqar­put meeq­qamik im­mik­kut Biibilimik atuaq­qis­saaqatigisar­neri iluaqutigisimal­lugit. Soorunami ilaqutariin­ni it­tuusup taamatut atuaq­qis­saar­neq pisariaqar­nersoq ajor­nan­ngin­nersorluun­niit naliler­tariaqar­paa.

JEHOVAP IKIUSSAVAASI

21. Angajoq­qaat qanoq Jehovamit ikior­neqar­nis­sar­tik ilimagisin­naavaat?

21 Angajoq­qaat meeq­qanik perorsaanis­sar­tik ilaan­nik­kut ajor­nakusoor­tis­sin­naasar­paat. Meeq­qal­li Jehovamit tunis­sutaap­put. Taas­suma ikiuinis­sani piareersimaf­figiuaan­nar­paa. Angajoq­qaat qin­nutaan­nik kajumil­luni tusar­naar­tar­poq. Biibili, Biibililersaarutit ilagiin­nilu angajoq­qaat al­lat maligas­siuineri siun­nersuinerilu aq­qutigalugit qin­nutaat akisar­pai.

22. Angajoq­qaat meeq­qamin­nut tun­nius­sin­naasaasa pitsaaner­paat ilaat suup­pat?

22 Oqar­toqar­tar­poq meeq­qanik perorsaaneq ukiuni 20-ni suliaasoq, angajoq­qaal­li angajoq­qaajujuaan­nas­sap­put. Qitor­namin­nut tun­nius­sin­naasaasa pitsaaner­paat ilagaat asan­nin­neq, pif­fis­saq Biibililu najoq­qutaralugu ilin­niar­titsineq. Meeq­qat ilin­niar­tin­neqar­nermin­nut tamarmik im­mik­kut qisuarias­sap­put. Angajoq­qaanit Jehovamik asan­nit­tunit perorsar­neqarsimasut amerlasuut Joan­na Maep, qatan­ngutip ar­nap Asiameersup, oqaasii uku isumaqatigaat: “Angajoq­qaama perorsaasimanerat eq­qarsaatigalugu qujamasungaar­tar­punga Jehovap asanis­saanut perorsaatis­sit­tarlungalu ilin­niar­tit­tarman­nga. Inuunermik tuniin­nan­ngilaan­nga, inuunermil­li siuner­taqarluar­tumik tunivaan­nga.” (Uss 23:24, 25) Up­peqativut mil­lionil­lit aam­ma taamatut misigip­put.

ERINARSUUT 9 Jehova kun­ngigaar­put!

^ imm. 5 Aap­pariit katis­simasut meerar­taas­sap­pat? Taamaas­sap­pat qas­sinik? Aam­ma qitor­natik Jehovap asanis­saanut kif­far­torfiginis­saanul­lu qanoq ilin­niar­tis­sin­naavaat? Apeq­qutit taak­ku akis­sutis­sarsiumal­lugit nalitsin­ni maligas­siuisut Biibilimilu najoq­qutas­siat iluaqutigisin­naasavut al­laaserisami sam­mineqas­sap­put.

^ imm. 15 Aam­ma takuk­kit Najoq­qutas­saq juuni 2018-imoor­tumi al­laaserisaq “Inter­netik­kut at­taveqaqatigiin­ner­ni mianersorit” aam­ma jw.org-imi filmi Bruger du de sociale medier smart?

^ imm. 60 ASSIMI MALUGISASSAT: Aap­pariit meerar­taas­sanerlutik eq­qar­tueqatigiit­tut. Nuan­naarutis­sat akisus­saaf­fiil­lu eq­qar­tor­paat.

^ imm. 64 ASSIMI MALUGISASSAT: Aap­pariit meeq­qamik pigin­naasaat ukiuilu eq­qarsaatigalugit taak­ku im­mik­kut atuaq­qis­saaqatigigaat.