Imarisai

Imarisai

 MISIGISALIKKERSAARUT

‘Sapangaq akisoorujussuaq’ nassaaraarput

‘Sapangaq akisoorujussuaq’ nassaaraarput

WINSTON aam­ma Pamela (Pam) Payne im­mik­koor­tor­taqarfim­mi Australasiami kif­far­tor­put. Pil­luarlutik inooqatigiin­nermin­ni unam­miniagaqar­tar­put, ilaatigut meeras­sar­tik an­naavaat kulturinul­lu as­sigiin­ngitsunut naleq­qus­sar­tariaqar­tarlutik. Tamak­kor­pas­suit aq­qusaaraluarlugit Jehovamik taas­sumalu in­nut­taanik asan­nit­tuar­put kif­far­tor­ner­til­lu nuan­naarutigiuarlugu. Apersuinermi matumani misigisarsimasaan­nik oqalut­tuaq­quagut.

Winston, Guutimik ujarlernerit oqaluttuarisinnaaviuk?

Queenslandimi Australiamiit­tumi ilaqut­tan­ni naasoris­saasuusuni up­perisarsior­tuun­ngitsuni peroriar­tor­punga. Avin­ngarusimagat­ta ilaqut­tak­ka qaniginer­paasak­ka kisingajaasa takusar­pak­ka. Aq­qaneq-marluk mis­saani ukioqarlunga Guuti ujaler­para, taan­nalu pil­lugu sal­lusuis­sut ilik­karusuk­kak­ku qinunik­kut saaf­figaara. Kingusin­nerusuk­kut ilaqut­tak­ka qimal­lugit Adelaidemi Australiap kujataaniit­tumi sulif­fis­sarsivunga. 21-nik ukioqarlunga Sydneymi feriar­til­lunga Pam naapip­para. Up­perisarsioqatigiit Britisk-Israelimik im­min­nut taasut, isumaqar­tul­lu inuiaat tuluit tas­saasut Israelik­kut naggueqatigiin­nit tam­mar­nerarsimasunit naggueqar­tut, pil­lugit oqalut­tuup­paanga. Up­perisarsioqatigiit taak­ku isumaqar­put naggueqatigiit pineqar­tut tas­saasut naggueqatigiit qulit 700-kkun­ni Kr.in.si. naalagaaf­fim­mit avan­narlermit aal­larus­saasut. Adelaidemut uterama suleqatiga Jehovap Nalunaajaasuinit Biibilimik atuaq­qis­saaqatigineqar­tar­toq taman­na pil­lugu oqaloqatigivara. Nalunaaq­qut­tap-akun­nialui oqaloqatigeereerluta – Nalunaajaasut up­perisaat eq­qar­tor­nerul­lutigu – paasivara meeraal­lunga qin­nutiga akineqar­toq. Pin­ngor­titsiser­put taas­sumalu Naalagaaf­fia pil­lugit sal­lusuis­sutit ilik­kar­pak­ka! ‘Sapangaq akisooq’ nas­saarivara. – Matt 13:45, 46.

Pam, illit aamma ukiukillutit sapangaq taanna ujalersimavat. Qanoq nassaariviuk?

Il­loqarfim­mi Cof­fs Harbourimi New South Walesimiit­tumi ilaqutan­ni up­per­tuusuni peroriar­tor­punga. Angajoq­qaama aatak­kumalu up­perisarsioqatigiit Britisk-Israelimik taaguutil­lit ajoqersuutaat up­peraat. Uanga, aq­qaluara, angajora il­looraar­pas­suavul­lu ajoqersor­neqar­pugut tulun­nit naggueqar­tut Guutimit iluarisaanerusut. Up­perivin­ngin­nak­kuli Guutimut qanil­lisutut  misigin­ngilanga. 14-inik ukioqarlunga oqaluf­fiit as­sigiin­ngitsut, ilaatigut tuluit ilagiit, baptistit adventistil­lu, najuuf­figisaler­pak­ka. Anersaak­kul­li kaat­tuar­punga.

Ilaqutariiul­luta Sydneymut nuup­pugut, tas­sanilu Winston feeriar­toq naapip­para. Eq­qaaneqareersutut up­perisarsior­neq pil­lugu oqaloqatigiin­nit­ta kingunerisaanit Nalunaajaasunit atuaq­qis­saaqatigineqar­taler­poq. Tamatuma kingor­na al­laf­figigaangaminga ilan­ngut­tar­pai al­las­simaf­fip­pas­suit! Nas­suerutigisariaqar­paralu aal­laq­qaam­mut taman­na isumakuluutigalugulu tunuarsimaarfigalugu. Pif­fis­sal­li ingerlanerani paasiar­tuler­para sal­lusuis­sutaasoq.

1962-imi Winston qanil­liniarlugu Adelaidemut nuup­punga. Aap­pariin­ni Nalunaajaasuusuni – Thomas aam­ma Janice Slomanik­kun­ni, Papua Ny Guineami ajoqersuiar­tor­titatut kif­far­torsimasuni – najugaqar­nis­sara Winstonip isumagisimavaa. 18-iin­nar­nik ukioqar­punga, inus­siar­nerfigingaarlungalu anersaak­kut ikiorluar­paan­nga. Aam­ma uanga Guutip oqaasia atuaq­qis­saar­taler­para, paasiaar­paralu sal­lusuis­sut nanisimal­lugu. Winstonilu katik­kat­ta Jehovamut pif­fis­saq tamaat kif­far­tuler­pugut, taman­nalu inooriaasiuvoq nalerisimaar­nar­ner­paaq. An­nikil­lior­taraluarluta sapangaq akisooq nas­saarisar­put qujamasuutigineruler­par­put.

Winston, Jehovamut kiffartuleqqaarnerit oqaluttuarisinnaaviuk?

A. Ilageeqatigiin­ni angalasar­tutut kif­far­torfigisar­tak­kavut

B. Frimærkit qeqer­tat ilaan­neersut. Kiribati aam­ma Tuvalu sior­natigut Gilber­timik aam­ma El­licemik taaguuteqar­put

C. Funafuti (koraalit qeqer­tan­nguus­simasut) Tuvalumiit­toq alutor­nangaar­toq. Qeqer­tat ajoqersuiar­tor­titanit tikin­neqan­ngik­kal­larmata tikitat­ta ilaat

Pamilu aap­pariiler­nit­ta kingunin­ngua Jehovap iliuuseqar­nerunis­samut ‘am­maap­paatigut’. (1 Kor 16:9) Maan­nak­kut Australasiami Im­mik­koor­tor­taqarfiup Ataatsimiititaliaani ilaasor­taqatima, qatan­ngutip Jack Por­terip ilagiin­nik nak­kutil­liisutut kif­far­tor­tup, periarfis­satsin­nik siul­lermik oqalut­tuup­paatigut. Jackip nuliatalu Roslynip pioneriunis­satsin­nik kajumis­saar­paatigut – ukiunilu tal­limani pioneriuneq im­mik­kut pisin­naatitaaf­figaar­put. 29-nik ukioqarlunga Pamilu aperitip­pugut Maneras­suup kujasin­nerusor­taani qeqer­tani, Fijimi im­mik­koor­tor­taqarfim­mit nak­kutigineqar­tuni, ilageeqatigiin­ni angalasar­tutut kif­far­torusun­nersugut. Qeqer­tat ukuup­put: Samoa (USA), Samoa, Kiribati, Nauru, Niue, Tokelau, Tonga, Tuvalu aam­ma Vanuatu.

Taamanik­kut inuit qeqer­tani avin­ngarusimanerusuni ilaan­niit­tut Jehovap Nalunaajaasuinut mianersor­tuup­put, taamaat­tumik mianersorlutalu malun­naarsaar­tariaqar­tar­pugut. (Matt 10:16) Ilagiin­niit­tut ikit­tuin­naam­mata ilaasa inisisimatis­sin­naaneq ajor­paatigut. Taamaam­mat il­loqarfeerarmiuni inis­sarsior­tar­pugut, inus­siar­nerfigiuaan­nar­paatigul­lu.

Winston, nutserineq soqutigilluarpat. Qanoq soqutigilerpiuk?

Samoami Winston utoqqaanertanut ilinniarfimmi ilinniartitsisoq

Taamanik­kut naqitaaq­qat atuagas­sial­lu Tongamiutoor­tut (tas­saasoq Polynesiamiut oqaasii) ikit­tuin­naap­put. Oqaluus­sinermin­ni atuagaq atuaq­qis­saarut sagdlusuíssut inûnigssamut nâgssáungitsumut sangmisoĸ tulut­tooq ator­tar­paat. Utoq­qaaner­tat taq­qavanermiut pingasut sapaatit-akun­nerini sisamani utoq­qaaner­tanut ilin­niarfim­mi peqataasut tulut­toor­piarsin­naan­ngitsut atuak­kap tamatuma Tongamiutuun­ngor­tin­nis­saanut akuersip­put. Taak­kua nutserinermin­ni Pam al­latsigaat, USA-milu im­mik­koor­tor­taqarfim­mut naqitersin­naaq­qul­lugu nas­siup­par­put. Nutserineq katil­lugu sapaatit-akun­nerinik arfineq-pingasunik sivisus­suseqar­poq. Nutser­nera pitsaaval­laan­ngik­kaluar­toq Tongamiutut oqalut­tut sal­lusuis­sum­mik ilin­niar­nis­samin­nut iluaqutigaat. Pamilu nutserisuun­ngilagut, misigisarli taman­na nutserinermik soqutigin­nilis­sutigaar­put.

Pam, qeqertani taakkunani Australiami inuunermut sanilliullugu qanoq ippa?

Ilageeqatigiinni angalasartutut kiffartornitsinni inigisatta ilaat

Al­laanerujus­suuvoq. Apeq­qutaal­luni sumiin­nersugut ip­peqisaqaagut ilaan­nik­kul­lu nerisas­saaleqisarluta, aam­ma kias­suaq isugutal­lu, teriarsuit nap­paatil­lu atugarliuutigisar­pavut. Aap­paatigul­li ul­lup naanerani najuk­katsin­niit im­map tungaanut isigileraangat­ta qasuer­nar­taqaaq. Taq­qavanermiut il­lutik taasar­paat fale, taak­kulu ivigarsuar­nik qaliaqar­put iigaqaratil­lu. Un­nuami al­laaq­qin­nerani palmit tarranis­simasar­put  qaam­mal­lu imaanut qin­ngorsimasarluni. Taamaatsil­lugu qinunis­samut eq­qarsaatigin­neq­qis­saar­nis­samul­lu kil­litsit­tar­pugut, eq­qarsaativut nikal­lor­nar­tut nuan­nersun­ngor­tit­tarlugit.

Meeq­qat nuan­narisariler­pavut, taak­kumi qaamasumik amilim­mik takor­naraangamik quianangaarlutil­lu alaper­naat­taqaat. Niuemut tikeraarat­ta nukap­piaran­nguup Winstonip talia meq­qulik at­tuualaariarlugu ima oqar­poq: “Talip­pit nujapajui!” Talinik meq­qulin­nik takusaqarsiman­ngisaan­nar­toq tusaasin­naavar­put.

Inup­pas­suit piitsuungaar­nerat takul­lugu an­niaatigisar­par­put. Alianaatsorsuarmik avatangiiseqar­put, nakorsar­tis­sin­naaneral­li kil­leqar­poq imis­saaleqisarlutil­lu. Taamaak­kaluar­toq qatan­ngutit tamak­ku isumakuluutigisan­ngilaat. Inuuneq taamaat­toq sungiusimavaat. Ilaqut­tatik najorsin­naagamik­kit, pal­lorfigin­nit­tarfeqarsin­naagamik im­mik­kul­lu pisin­naatitaaf­figalugu Jehovamik un­nersiutigin­nis­sin­naagamik pil­luar­put. Maligas­siuil­luar­nerat pingaar­nersiuinis­satsin­nut pisariun­ngitsumil­lu inuunis­satsin­nut iluaqutigaar­put.

Pam, ilaannikkut imertartariaqartarputit sungiusimanngisannilu igasariaqartarlutit. Qanoq iliortarpit?

Tongami Pam errorsisoq

Tamatumani ataatan­nut qutsatis­saqaqaanga. Sor­pas­suar­nik ilin­niar­tip­paanga, soorlu igaf­figisin­naasan­nik qanoq ikumatitaliorsin­naasunga pigisakik­kaluarlunilu qanoq ilior­toqarsin­naasoq. Kiribatimut tikeraar­nitsin­ni il­lun­nguami ivigarsuar­nik qalialim­mi, koralinik sanaanik natilim­mi bambusinil­lu iigalim­mi najugaqar­pugut. Iganiarlunga ikumatitsivis­samik natermi itersalior­punga qaq­qor­tariarsuil­lu qalipaanik ikum­mateqarlunga. Imer­tar­niarlunga ar­nat taq­qavanermiut imer­tarlutik tul­leriiaar­tut ilan­nguf­figaak­ka. Imer­taraangat­ta qisuk aalisaatitut it­toq amitsukujooq 2 meterisut takitigisoq al­lunaasar­talik ator­tar­par­put. Al­lunaasaq qat­tamut qiler­tar­par­put. Ar­nat tul­leriiaarlutik imer­taatitik ningit­tar­paat pif­fis­sarlu eq­qorlugu paf­fitsik aalas­satseriataaraangas­suk qat­taq up­pit­tar­poq im­merlunilu. Ajor­nar­pasin­ngik­kaluas­susia, misilik­kak­kuli ajor­naal­lak. Arlaleriarlunga qat­taq ningit­taraluar­para, am­mul­li pil­lunilu im­mer­nani put­taan­nar­tar­poq. Najuut­tut il­larun­naarmata ar­nat ilaata ikiorumavaanga. Ikiuiumatuul­lutil­lu inus­siar­ner­tuaan­nar­put.

Marluullusi qeqertani taakkunani suliassinneqarnersi nuannaraarsi. Eqqaamasalikkersaarusuppisi?

Winston: Taq­qavani ileq­quusut paasin­ngeq­qaaraluar­pavut. As­sersuutigalugu qatan­ngutit nerisas­sik­kaangamisigut ul­loq taan­na igaatik tamaasa tun­niut­tar­paat. Tikit­taleq­qaaratsigit nerisat­ta sin­neqar­tit­tar­nis­saat naatsorsuutigineqar­toq nalugatsigu nungut­tar­pavut. Paasigatsigu ileq­quusut qanoq in­nersut soorunami nungut­tarun­naar­pavut. Kuk­kusaraluar­tugut qatan­ngutit paasin­nit­tuup­put. Qaam­matil­lu arfinilik­kuutaarlugit ilagiin­nik nak­kutil­liisutut tikit­tar­ner­put nuan­naarutigingaar­paat. Jehovap Nalunaajaasuinit uagut kisit­ta qatan­ngutit taq­qavanermiut tikit­tar­pavut.

Qeqertami Niuemi oqaluussisartoqatigiit

Tikeraar­tar­nivut aam­ma in­nut­taaqatigiin­ni nalunaajaataal­luar­put. Taq­qavanermiut al­lat isumaqarsimagaluar­put qatan­ngutit up­perisar­tik nam­min­neq aal­lar­titarisimagaat. Taamaat­tumik nak­kutil­liisoq nulialu nunamit al­lamin­ngaan­neersut qatan­ngutinut tikeraaraangata taq­qavanermiut paasisaqar­tarlutil­lu tupigusut­tar­put.

Pam: Eq­qaamasama pingaar­ner­paatitama ilagaat Kiribatimiil­luta ilagiin­ni ataatsini ikit­tuin­naasuniin­ner­put. Utoq­qaaner­tatuaasup Itinikai Materap sapin­ngisaminik isumas­sor­paatigut. Ilaan­ni kooreq man­nim­mik ataatsimik imalik nas­sarlugu iser­poq. Oqar­poq: “Ilis­sin­nut.” Kuk­kukuup man­nii mamarisavut taamani qaqutigoor­put. Tunis­sutiminin­nguaq tuk­korluni tunis­sutigisaq kil­litsis­sutigaar­put.

Pam, ukiualuit tamatuma kingorna meerassat annaavat. Aliasunnerpit naammagalugu atornissaanut suna iluaqutigisimaviuk?

1973-imi Winstonilu Maneras­suup kujasin­nerusor­taaniitil­luta naar­tuler­punga. Australiamut  uter­niarluta aalajanger­pugut, nuun­nit­tali kingor­na qaam­matit sisamat qaangiut­tut naar­tora katap­para. Winston aam­ma aliasungaar­poq, taas­sumami aam­ma meeras­sarigaluar­paa. Pif­fis­sap ingerlanerani aliasuk­kun­naamivunga, aatsaal­li qaanger­para Napasuliaq Alapernaarsuiffik-mi tulut­tuumi apriilip 15-iat 2009-moor­tumi naar­tumik katatsisimasunut neriuuteqar­nersoq pil­lugu al­laaserisaq “Atuar­tar­tut apeq­qutaat” atuarak­ku. (Qal­lunaatuua ima qulequtaqar­poq: “Er der håb om en opstandelse for et bar­n der dør før det bliver født?”) Al­laaserisami erseq­qis­saavigineqar­pugut taak­ku makititaas­sanersut Jehovap eq­qor­tulior­tuaan­nar­tup aalajangis­sagaa. Silarsuarmi ajor­tumi matumani inuunitsin­ni an­niaater­pas­suavut katsorsaatis­sis­savai, asan­nil­lunilu er­nermigut ‘Diaavulup suliai suujun­naarsisis­savai’. (1 Joh 3:8) Al­laaserisaq taan­na iluaqutigalugu “sapangaq” erlin­nar­toq Jehovamut in­nut­taasutut pigisar­put suli pingaar­tin­neruler­par­put. Naalagaaf­fik pil­lugu neriuuteqan­ngik­kut­ta sus­sagaluar­pugum­mita ilaa?

Naar­tun­nik katatsinerma kingor­na pif­fis­saq tamaat kif­far­toq­qiler­pugut. Qaam­matialun­ni Betelimi Australiamiit­tumi kif­far­toriarluta ilageeqatigiin­ni angalasar­tutut kif­far­toq­qiler­pugut. 1981-imi New South Walesimi naasoris­saasoqarfiunerusumi aam­ma Sydneymi ukiuni sisamani kif­far­toreerluta Australiami im­mik­koor­tor­taqarfim­mi kif­far­toq­quneqar­pugut, taamanimiil­lilu tas­saniip­pugut.

Winston, Manerassuup kujasinnerusortaani qeqertani misigisatit Australasiami Immikkoortortaqarfiup Ataatsimiititaliaanut ilaasortatut kiffartorninni iluaqutigaagit?

Aap, arlalip­pas­suar­tigut. Siul­ler­tut, Samoa (USA) aam­ma Samoa Australiamiit nak­kutigineqaler­put. Taava New Zealandimi Australiamilu im­mik­koor­tor­taqarfiit kat­tutitin­neqar­put. Maan­nak­kut Australasiami im­mik­koor­tor­taqarfim­mut uku ilaap­put: Australia, Samoa (USA), Samoa, Cookip Qeqer­tai, New Zealandi, Niue, Timori Kangil­leq, Tokelau aam­ma Tonga – taak­kua ilar­pas­sui im­mik­koor­tor­taqarfim­mit aal­lar­titatut tikeraarfiginikuuak­ka. Qatan­ngutit aalajaatsut qeqer­tamiit­tut taak­ku kif­far­toqatiginikuugak­kit maan­nak­kut im­mik­koor­tor­taqarfim­miit kif­far­tuun­neran­ni iluaqutigingaar­para.

Winston aamma Pam Australasiami immikkoortortaqarfimmiittut

Naggasiis­saguma oqarusup­punga Pamilu marluul­luta malugisimal­lugu inersimasut kisimik Guutimik ujarler­tan­ngitsut. Aam­ma inuusut­tut ilaqut­tatik soqutigin­nin­ngik­kaluaraangataluun­niit ‘sapangaq akisooq’ pigerusut­tar­paat. (2 Kng 5:2, 3; 2 Nal 34:1-3) Jehova Guutiuvoq asan­nit­toq tamanut inuusut­tunut utoq­qar­nul­lu inuunermik kis­saas­sisoq!

Pamilu ukiut 50-it sin­nerlugit matuma sior­na Guuti ujaleratsigu naluar­put ujarler­neq taman­na qanoq kinguneqas­sanersoq. Naalagaaf­fik pil­lugu sal­lusuis­sut tas­saavoq sapangaq naleqangaar­toq! Sapan­ngap erlin­nangaar­tup tamatuma sapin­ngisatsin­nik iperan­ngin­nis­saa aalajangiusimavar­put!