Imarisai

Imarisai

Upperneq – Pissuseq nakussatsissutigisarput

Upperneq – Pissuseq nakussatsissutigisarput

UP­PER­NEQ sun­niuteqangaarsin­naavoq. As­sersuutigalugu Saatanip anersaak­kut toqun­niaraluaraatigut up­per­neq iluaqutigalugu ‘Ajor­tup qarsui ikumasut qamis­sin­naavavut’. (Ef 6:16) Ajor­nar­torsiutivut qaq­qarsuar­tut ik­kaluar­tut up­persuseqarut­ta piner­tusaarsin­naavugut. Jiisusip ajoqersuk­kani ima oqarfigai: “Siinup­pip naatsiias­sar­taatut atsigisumik up­persuseqaraluarus­si qaq­qaq una oqarfigisin­naas­savarsi: Uan­ngaan­niit ikunga nuugit! taava nuus­sagaluar­poq.” (Matt 17:20) Up­per­neq anersaak­kut nakus­satsis­sutigisin­naagatsigu apeq­qutit ukua eq­qarsaatiginis­saat iluaqutigis­savar­put: Up­per­neq qanoq paasisariaqar­pa? Sooq sal­lusuis­sum­mik pingaar­titsineq pingaaruteqar­pa? Up­per­ner­put qanoq nakus­satsis­sin­naavar­put? Kik­kul­lu up­perfigis­savavut? – Rom 4:3.

UPPERNEQ QANOQ PAASISARIAQARPA?

Up­per­neq tas­saagin­nan­ngilaq Biibilimi al­las­simasut ilumoor­neran­nik akuerin­nin­neq up­perin­nin­nerlu. ‘Anersaapiluit­taaq [Guuti piusoq] up­peraat uulil­lutil­lu.’ (Jaak 2:19) Taavami up­per­neq qanoq paasisariaqar­pa?

Soorlu ul­loqar­tuaan­nas­sal­lunilu un­nuaqar­tuaan­nar­nis­saa qularin­ngik­kip­put, Guutip oqaasii tamarmik eq­quuk­kumaar­tut up­peril­luin­nar­par­put

Biibili naaper­torlugu up­per­neq marlun­nik im­mik­koor­toqar­poq. Siul­ler­tut, “up­per­neq tas­saavoq neriugisamik tatigin­nil­luin­nar­neq”. (Hebr 11:1a) Up­persuseqaruit Jehovap oqaasii tamarmik ilumoor­tuusut eq­quuk­kumaar­tul­lu up­peril­luin­nas­savat. As­sersuutigalugu Jehovap Israelik­kut ima oqarfigai: “Soorlu ajor­narluin­nar­toq ul­lormut un­nuamul­lu angerutigisama unioq­qutin­neqar­nis­saa ul­lup un­nual­lu nal­liut­tarfim­mik­kut nal­liutis­saar­neran­nik kinguneqar­tumik, taamatut aam­ma kif­fan­nut Daavimut ... angerutigisara [al­lan­ngor­tin­neqarsin­naan­ngilaq].” (Jer 33:20, 21) Seqer­nup qaqugumul­luun­niit nuisarun­naar­nis­saa taamaalil­lunilu ul­loqarun­naarlunilu un­nuaqarun­naar­nis­saa an­nilaangatigisar­piuk? Pin­ngor­titami inatsisit seqineq kaaviitigalugu nunarsuup kaavin­neranik aqutsisut qularin­ngik­kuk­kit tamak­kunin­nga Inatsisilior­tup neriorsuinermisut iliorsin­naanera qularis­saviuk? Soorunami naamik! – Es 55:10, 11; Matt 5:18.

Aap­paat­tut, up­per­neq tas­saavoq “takun­ngisamik qularuteqan­ngin­neq”. (Hebr 11:1b) Up­per­neq piviusunut isitsin­nik takusin­naan­ngisatsin­nut up­per­narsaataavoq. Qanoq taamaak­kami? Takorlooriaruk meeq­qap aperigaatit: ‘Qanoq nalun­ngiliuk silaan­naq piusoq?’ Silaan­naq takun­ngisaan­narsimagaluarlugu piuneranut up­per­narsaatit – soorlu anersaar­tor­neq, anorip sun­niutai al­lal­lu – eq­qarsaatigeq­qul­lugit meeraq ikiorsin­naavat. Meeq­qap up­per­narsaatit qulariun­naarunigit silaan­naq takusin­naan­ngik­kaluarlugu piviusuusoq paasis­savaa. Taamatut­taaq up­per­neq up­per­narsaatinik ersaris­sunik tun­ngaveqarluar­poq. – Rom 1:20.

SALLUSUISSUMMIK PINGAARTITSINEQ PISARIAQARPOQ

Up­per­neq up­per­narsaatinik tun­ngaveqarmat inuk up­persuseqarumal­luni ‘sal­lusuis­sum­mik eq­qorluar­tumik ilisimasaqaq­qaar­tariaqar­poq’. (1 Tim 2:4, NW) Taman­nali naam­man­ngilaq. Apustili Paulusi al­lap­poq ‘uum­matik­kut up­per­tariaqar­tugut’. (Rom 10:10) Inuup sal­lusuis­sut up­periin­nar­nagu aam­ma pingaar­tit­tariaqar­paa. Aatsaat taamatut pingaar­titsiguni up­per­nini ersersik­kusus­savaa, tas­sa Guutip  iluarisaatut inoorusus­suseqas­saaq. (Jaak 2:20) Inuup sal­lusuis­sum­mik uum­matik­kut qujamasuutigin­nin­ngitsup isum­mani al­lan­ngor­tik­kusun­ngiivik­kamiuk nam­minerluun­niit pileris­sutsini malil­lugit inoorusuk­kami im­maqa al­laat up­per­narsaatit ersaris­sut akueriumanavian­ngilai. (2 Petr 3:3, 4; Jud 18) Taman­na pis­sutigalugu Biibilip nalaani tupin­nar­tulianik takun­nit­tut ilaan­naat up­persuseqaler­put. (4 Mos 14:11; Joh 12:37) Sal­lusuis­sum­mik nuan­narin­ningaar­tuni taamaal­laat anersaaq il­ler­nar­toq ‘up­per­nermik’ ineriar­tor­titsisin­naavoq. – Gal 5:22, NW; 2 Th 2:10, 11.

DAAVI QANOQ UPPERLUARNERMIK INERIARTOR­TITSISOQ

Up­perluar­tut ilagaat kun­ngi Daavi. (Hebr 11:32, 33) Ilaqutaasali ilaat up­per­nikip­put. As­sersuutigalugu Daavip angajua angajul­ler­paaq, Eliabi, eq­qarsaatigiuk. Goliatip Israelik­kun­nut unam­mil­ler­nera Daavip qisuariarfigim­magu Eliabip taan­na naveer­paa taamaalil­lunilu Jehova tatiginagu ersersil­lugu. (1 Sam 17:26-28) Up­per­neq inun­nguuserineqar­nanilu angajoq­qaanit kingor­nus­sarineqar­neq ajormat Daavi nam­mineq Guutimut at­taveqar­nini pis­sutigalugu up­persuseqar­poq.

Tus­siaat 27-mi Daavip al­laatigaa qanoq taamatut up­perlualer­nerluni. (Versi 1) Daavip misigisimasani im­minul­lu akeraasut Jehovap qanoq iliorfigisimanerai eq­qarsaatigeq­qis­saar­tar­pai. (Versit 2, 3) Jehovamik pal­lorfigin­nit­tarfik qujamasuutigingaar­paa. (Versi 4) Tupermi Naapeqatigiit­tarfim­mi up­peqatini ilagalugit Guuti pal­lorfigisar­paa. (Versi 6) Siulersor­neqarumal­luni qaman­nga pisumik Jehovamut qinusar­poq. (Versit 7, 8) Aam­ma Guutip aq­qutigeq­qusaanik Daavi ajoqersor­neqarusup­poq. (Versi 11) Up­per­neq pingaar­tingaaramiuk Daavi ima aperivoq: “Inuutil­lunga Jehovap ajun­ngis­susia misigiuarumaarlugu up­perin­ngik­kaluaruk­ku sumiis­sagaluar­punga?” – Versi 13NW.

UPPERNERIT QANOQ NAKUS­SATSIS­SINNAAGIT

Tus­siaat 27-mi al­laatigineqar­tutut isigin­nit­taaseqarlutil­lu ileq­qoqaruit Daavitut up­persuseqarsin­naavutit. Up­per­neq eq­qorluar­tumik ilisimasaqar­nermit aal­laaveqarmat Guutip oqaasianik Biibililersaarutinil­lu atuaq­qis­saar­nerutil­lutit up­per­nerup, anersaap il­ler­nar­tup inerititaanut ilaasup, ineriar­tor­tin­nis­saa ajor­nan­ngin­nerus­saaq. (Tuss 1:2, 3) Atuaq­qis­saar­nin­ni eq­qarsaatigin­neq­qis­saar­nis­saq pif­fis­saqarfigisaruk. Taamaalioraangat­ta qujamasun­neruler­tar­pugut. Jehovamut qujamasungaaravit ataatsimiin­ner­ni pal­lorfigin­nin­nik­kut neriugisan­nil­lu tamanut am­masumik oqalut­tuar­nik­kut up­per­nerit al­lanut ersersik­kusus­savat. (Hebr 10:23-25) Aam­ma ‘qasusuil­luta qinut­tuin­nar­nik­kut’ up­per­narsar­par­put up­persuseqarluta. (Luk 18:1-8) Taamaat­tumik Jehovap ilin­nik ‘isumas­suinera’ tatigalugu taas­sumun­nga ‘qinut­tuin­narit’. (1 Petr 5:7; 1 Th 5:17) Up­per­neq eq­qor­tulior­nis­samut kajumis­sis­sutigaar­put, eq­qor­tulioraangat­talu up­per­ner­put nakus­satsit­tar­par­put. – Jaak 2:22

 JIISUSIMUT UPPERNERIT ERSERSIGUK

Jiisusip un­nuk­kut toqus­si aqagut­toq ajoqersuk­kani ima oqarfigai: “Guutimut up­peritsi, uan­nul­lu up­peritsi.” (Joh 14:1) Tas­sa Jehovamut aam­ma Jiisusimut up­per­tariaqar­pugut. Jiisusimut up­per­nerit qanoq ersersis­sin­naaviuk? Iliuutsit pingasut sam­meriar­tigit.

Jiisusimut up­per­neq qanoq ersersin­neqar­tar­pa?

Siul­ler­tut, uter­titsis­sut eq­qarsaatigigaangak­ku Guutip ilin­nut tunis­sutaatut isigisaruk. Paulusi al­lap­poq: “Inuuserisara inuuseraara up­perfigalugu Guutip er­nera uan­nik asan­nit­toq uangalu pil­lunga im­minut tun­niut­toq.” (Gal 2:20) Jiisusimut up­peruit up­peril­luin­nas­savat uter­titsis­sut iluaqutigisin­naal­lugu, taan­na tun­ngavigalugu ajor­tulian­nik isumak­keerfigineqarsin­naal­lutil­lu naas­saan­ngitsumik inuuler­nis­sat neriuutigisin­naagit aam­ma tas­saasoq Guutip ilin­nut asan­nin­neranut up­per­narsaat an­ner­paaq. (Rom 8:32, 38, 39; Ef 1:7) Taman­na up­peril­luin­naruk­ku im­minut pisuutis­san­ngilatit ajor­tumil­lu im­minut eq­qarsaatigeq­qajaanak. – 2 Th 2:16, 17.

Aap­paat­tut, Jiisusip pil­liutaa tun­ngavigalugu Jehovamut qinunik­kut qanil­liar­torit. Uter­titsis­sut pis­sutigalugu nakimanata Jehovamut qinusin­naavugut “nal­lit­tor­neqaq­qul­luta saam­maan­neqaq­qul­lutalu pif­fis­saq eq­qorlugu ikior­neqaatis­satsin­nik”. (Hebr 4:15, 16; 10:19-22) Qinuneq iluaqutigalugu ajor­tulior­nis­samut us­ser­nar­torsior­nerup akior­nis­saa aalajangiusimaneruler­tar­par­put. – Luk 22:40.

Pingajuat­tut, Jiisusi naalaguk. Apustili Johan­nesi ima al­lap­poq: “Er­nermut up­per­toq naas­saan­ngitsumik inuuneqar­poq; Er­nermut naalas­seriitsup inuuneq takus­san­ngilaa, Guutil­li kaman­nerata qulangersimajuas­savaa.” (Joh 3:36) Maluginiaruk Johan­nesi al­lat­toq Jiisusimut up­per­nerup taas­sumun­nga naalas­seriin­neq akerlerigaa. ‘Kristusip inatsisaata’ maleruar­neratigut, tas­sa taas­suma ilin­niar­titsis­sutigisaasa peq­qus­sutaasalu tamaasa maleruar­nerisigut, Jiisusi naalat­tar­pat. (Gal 6:2) Aam­ma “inus­siaq aalajaal­lunilu silatooq” aq­qutigalugu siulersuinerata maleruar­neratigut naalat­tar­pat. (Matt 24:45, NW) Anorersuar­tut it­tunik ajor­nar­torsior­til­lutit Jiisusimut naalan­nik­kut piner­tusaarsin­naavutit. – Matt 7:24, 25.

UPPERNERIT ILLERNARTOQ INERIARTORTIGUK

Itsaq angut Jiisusimut ima suaar­poq: “Up­per­punga, up­pin­ngis­sutsik­kut ikiun­nga!” (Mark 9:24) Tas­sa up­per­poq, an­neruniajuil­lunili nalun­ngilaa up­persuseqar­nerusariaqarluni. Uagut­taaq inuunitsin­ni nalaataqar­tarumaar­pugut up­per­nerusariaqar­nitsin­nik pisariaqar­titsil­luta. Tamat­tali maan­na iliuuseqarsin­naavugut. Paaseriik­katsitut up­per­ner­put nakus­satsis­sin­naavar­put Guutip oqaasiata atuaq­qis­saar­neratigut eq­qarsaatigeq­qis­saar­neratigul­lu, taamaalil­lutami Jehovamut qujamasun­neruler­tar­pugut. Aam­ma up­peqativut ilagalugit Jehovamik pal­lorfigin­nin­nitsigut, neriuuter­put pil­lugu oqalut­tuar­nitsigut qinut­tuin­nar­nitsigul­lu up­per­ner­put nakus­satsis­saaq. Up­per­ner­put il­ler­nar­toq ineriar­tor­tik­kutsigu akis­sarsiaq an­ner­paaq pil­luaq­quneqaatigis­savar­put: ‘Guutip asan­nin­neraniit­tuin­nas­saagut.’ – Jud 20, 21.