Imarisai

Imarisai

 ILINNIAGASSAQ 3

Tunniutiinnajuitsuuneq

Tunniutiinnajuitsuuneq

SUUGAMI?

Inuk tun­niutiin­najuitsoq ajor­tumik pisoqar­nerata kingor­na siumut ingerlaq­qit­tar­poq. Pis­suseq taan­na misilit­tagaqar­nik­kut pis­suserineqaler­tar­poq. Meeraq pisun­nermik ilin­niar­nermini orlul­lat­taasar­nermisut inuunermi iluatsil­luar­nis­samik ilin­niar­nermini ajor­nar­torsiuteqal­lat­taasas­saaq.

SOOQ PINGAARUTEQARPA?

Meeq­qat ilaat kuk­kugaangamik, atugarlioraangamik uparuar­neqaraangamil­luun­niit nikal­lor­tar­put. Al­lat tun­niutiin­nar­tar­put. Pis­sutsil­li uku paasisariaqar­paat:

Meeq­qavit tun­niutiin­najuitsuuneq inuunermi unam­minar­tut im­minut tatigaluni qaanger­nis­saan­nut iluaqutigis­savaa.

QANOQ ILINNIARTITSISINNAASUTIT

Meeq­qat kuk­kup­pat.

NAJOQ­QUTAS­SIAQ BIIBILIMEER­SOQ: “Iluar­toq arfineq-marloriarluni orlusin­naasaraluar­poq nikueq­qit­tarlunili.” – Us­satit 24:16.

Meeq­qat ajor­nar­torsiutip qanoq an­ner­tutigineranik naliliisin­naanermik ilin­niar­tiguk. As­sersuutigalugu atuarfim­mi misilitsin­nermi angusin­ngik­kuni qanoq ilius­sava? Tun­niutiin­narsin­naavoq ima oqarluni: “Eq­qor­tuliorsin­naan­ngilanga!”

Tun­niutiin­najuitsuunermik ilin­niar­titsiumal­lutit meeq­qat tul­liani qanoq pitsaanerusumik iliorsin­naanerminik eq­qarsaatigin­nin­nis­saanut ikioruk. Taamaalil­luni aliasuk­kun­naarluni ajor­nar­torsiut aaq­qin­niarsarilis­savaa.

Aam­ma ajor­nar­torsiutaa aaq­qin­nagu nam­mineq aaq­qiinis­saanut ikioruk. Ima aperisin­naavat: “Saper­nar­titat paasil­luarumal­lugu qanoq iliorsin­naavit?”

Ar­tor­nar­tor­sior­nermi.

NAJOQ­QUTAS­SIAQ BIIBILIMEER­SOQ: “Ilis­si inuunis­si aqagu qanoq in­nis­saanik [ilisimasaqan­ngilasi].” – Jaaku 4:14.

Inuuneq nalunar­poq. Ul­lumi pisuujusoq im­maqa aqagu piitsun­ngus­saaq; ul­lumi peq­qis­soq im­maqa aqagu peq­qiil­liulis­saaq. Biibilimi al­las­simavoq: “Takuara ar­pan­nermi oqilasuut aalajangiisuun­ngitsut,  sorsun­nermi sapiitsut aalajangiisuunatik.” Sooq? Tamarmik pif­fis­samit pisunil­lu ilimagin­ngisanit pakasar­neqar­taramik. – Oqaluus­sisar­tup oqaasii 9:11.

Angajoq­qaatut soorunalimi meeq­qat sapin­ngisan­nik ulorianar­tunut il­lersorusup­pat. Meeq­qal­li ajor­tunut sunut tamanut il­lersorsin­naan­ngilat.

Soorunami meeq­qat im­maqa sulif­fim­mik an­naasaqar­nermik aningaasaqar­nik­kul­luun­niit ajor­nar­torsior­nermik paasin­nin­nis­samut nukangaval­laar­poq. Erloqinar­tul­li al­lat, as­sersuutigalugu ikin­ngutip an­naanera ilaqut­tal­luun­niit toquk­kut qimagun­nera, naam­magalugit ator­nis­saan­nut ikiorsin­naavat. *

Meeq­qat uparuar­neqar­pat.

NAJOQ­QUTAS­SIAQ BIIBILIMEER­SOQ: “Siun­nersuutit tusaaniar­tar­niak­kit ... taava naggataatigut ilisimas­susermik pigisaqalis­saatit.” – Us­satit 19:20.

Uparuaaneq qin­ngasaarinerun­ngilaq; iliuuseq isigin­nit­taaserluun­niit al­lan­ngor­tin­neqar­tariaqar­toq pil­lugu naq­qiineruvoq.

Naq­qin­neqar­nermik akuersinis­samik meeq­qan­nik ilin­niar­titsinerit marluul­lusi iluaqutigis­savarsi. Ataataasoq John oqalut­tuar­poq: “Meeq­qat kuk­kus­sutitik aaq­qin­ngisaan­narunik­kit ilik­kagaqar­navian­ngil­lat. Inuunermin­ni ajor­nar­torsiutaat amerliar­tuin­nas­sap­put, ajor­nar­torsiutaal­lu angajoq­qaatut aaq­qin­niar­tualis­savatit. Taman­na angajoq­qaanut aamma meeq­qamut erloqinar­poq.”

Meeq­qat uparuar­neqar­nermik iluaqutigin­neq­qul­lugu qanoq ikiorsin­naaviuk? Meeq­qat atuarfim­mi al­lamiluun­niit uparuar­neqarsimap­pat oqarfigis­san­ngilat naq­qin­neqar­tus­saasiman­ngik­kaluar­toq. Paarlat­tuanik aperisin­naavat:

  • “Uparuar­neqar­nin­nut suna pis­sutaasin­naava?”

  • “Qanoq pik­korin­nerulersin­naavit?”

  • “Taamatut nalaataqaq­qik­kuit qanoq ilius­savit?”

Eq­qaamajuk meeq­qavit uparuar­neqar­nini mas­sak­kuin­naan­ngitsoq aam­mali inersimasun­ngoruni iluaqutigis­sam­magu.

^ imm. 21 Takuuk Vagttårnet juulip aal­laq­qaataat 2008-moor­tumi al­laaserisaq “Hvordan man kan hjælpe sit bar­n til at kom­me gen­nem sin sorg”.