Inuit akisus­saas­sutsimik pingaar­titsisut tatiginar­tuup­put. Sulias­siis­sutigineqar­tut isumagisar­paat pif­fis­sarlu eq­qorlugu naam­mas­sisarlugit.

Meeraq ukiukitsuugaluarluni akisus­saas­sutsimik pingaar­titsinermik ilin­niarsin­naavoq. “Meeq­qat 15-inik qaam­mateqaleraangamik angajoq­qaatik naalak­kusuler­tar­paat 18-inil­lu qaam­mateqaleraangamik ilaarusuler­tarlugit,” taama atuak­kami Parenting Without Borders-imi al­las­simavoq. “Kulturini amerlasuuni angajoq­qaat meeq­qatik tal­limat arfineq-marlul­lu akor­nan­ni ukioqaleraangata angerlarsimaf­fim­mi sulias­sit­tar­paat. Meeq­qat ukiukik­kaluarlutik sulias­sat as­sigiin­ngitsor­pas­suit naam­mas­sil­luarsin­naavaat.”

Sumiif­fiit ilaan­ni inuusut­tor­pas­suit inersimasut initaar­tar­put, ar­torsaleraangamil­li angajoq­qaamin­nut uter­tarlutik. Inuusut­tut aningaasanik aqutsinermik, angerlarsimaf­fim­mik isumagin­nin­nermik ul­luin­nar­nilu akisus­saaf­fin­nik eq­qor­titsinermik ilin­niar­tin­neqarsiman­ngin­nerat ilaan­nik­kut tamatumani pis­sutaasar­poq.

Taamaat­tumik meeq­qat inersimasutut akisus­saaf­figiligas­saan­nut maan­na piareersaruk­ku pitsaanerus­saaq. Atuak­kami How to Raise an Adult-imi al­las­simavoq: “18-iliinis­samik tungaan­nut ilin­nik isumal­luuteqarunik nam­miniilerunik ar­torsarujus­suas­sap­put.”

Anger­lar­simaf­fim­mi sulias­siisarit.

NAJOQ­QUTAS­SIAQ BIIBILIMEER­SOQ: “Suleruloor­nerit tamatigut pis­sarsisitsisar­put.” – Us­satit 14:23.

Meeq­qat ukiukitsut angajoq­qaatik suleqatigerusungaar­tar­paat. Angerlarsimaf­fim­mi sulias­siisar­nik­kut kis­saataat pis­susis­samisoor­toq taman­na atorluarsin­naavat.

Angajoq­qaat ilaat taamaaliorusun­neq ajor­put. Oqar­tar­put meeq­qatik ul­lut tamaasa atuarfim­mit amerlasuunik ilin­niagas­sin­neqar­tarmata sulias­sik­kusut­tar­nagit.

Meeq­qal­li angerlarsimaf­fim­mi suliaqar­tar­tut sulias­siis­sum­mik akuersinermik naam­mas­sin­nin­nermil­lu ilin­niar­taramik atuarfim­mi iluatsil­luar­nis­saat ilimanar­neruvoq. Atuak­kami Parenting Without Borders-imi al­las­simavoq “meeq­qat ukiukitsuunermin­ni peqataarusun­nerat soqutigin­ngitsuusaaraangatsigu eq­qarsaler­tar­tut al­lanik ikiuineq  pingaaruteqan­ngitsoq ... Aam­ma sul­lin­neqar­nis­sar­tik naatsorsuutigiler­tar­paat.”

Is­suar­neqar­tumit erser­poq meeq­qat angerlarsimaf­fim­mi suliaqar­tar­tut nam­minis­sarsioratik al­lanik ikiuineq ilin­niar­taraat. Angerlarsimaf­fim­mi sulias­sat meeq­qat ilaqutariin­ni pingaar­tin­neqar­nermin­nik akisus­saaf­feqar­nermin­nil­lu paasin­nin­nis­samut iluaqutigisar­paat.

Kuk­kus­sutimin­nut akisus­saasuuneran­nik ilin­niar­tik­kit.

NAJOQ­QUTAS­SIAQ BIIBILIMEER­SOQ: “Siun­nersuutit tusaaniar­tar­niak­kit ajoqersuus­sutil­lu pigiliul­lugit, taava naggataatigut ilisimas­susermik pigisaqalis­saatit.” – Us­satit 19:20.

Meeq­qat kuk­kup­pat – as­sersuutigalugu er­nip­pit panip­pil­luun­niit al­lap pigisaa piaarinani sequmip­pagu – qanoq pisoqarsimanera iser­tor­niaqinagu. Meeq­qat pisut kinguneri nuan­nin­ngitsut, matumani utoq­qatser­neq im­maqalu sequmitamik taarsiineq, misigis­sal­lugit sapin­ngilaat.

Meeq­qatit kuk­kus­sutimin­nut akisus­saasuuner­tik paasigunik­ku ilik­kas­savaat

• un­neq­qaris­suunis­sar­tik kuk­kus­sutimin­nil­lu nas­suerutigin­nin­nis­sar­tik

• al­lanik pisuutitsin­ngin­nis­sar­tik

• utoq­qatsis­sutis­sarsiun­ngin­nis­sar­tik

• naleq­quk­kaangat utoq­qatser­tar­nis­sar­tik